Dokʉ̈ Körɛ̂nte 7:38 - Mbëtï Ndjapä: TÄFO MADƗ̈

³⁸ Käko akrə ndə̂ tche tô ɛ̈chë ndə̂ tche ê ngbâ yê, tche mbö rə̂ djîrə̂. Praâbalë akrə ndə̂ tche tôâbô ɛ̈chë nə̈ lâme tô-ê, tche kä mbô rə̂ djîrə̂ tə̂ gbölösə̂nə̈.

Dokʉ̈ Körɛ̂nte 7:38 Iomraidhean Croise

Matiyə̈ 5:32

Mëmê ndə̂ me nə̈, më tö rə̂ sə̈ nyê päkëdə̂: Âdə ngâ köchë âgro ɛ̈chë ndə̂ yê, ndə̂ ɛ̈chë nə̈ pûâbô ngâ köchë ngbî pû-î, ânyë ɛ̈chë nə̈ tô ngâ täfo köchë, dëkë bəndɨ köchë nə̈ kä ndə̂ âmbô rə̂ pä ɛ̈chë nə̈ pu köchë ndə̂ ngâ akrə. Köchë ndə̂ tche tô ɛ̈chë ngbâ ngâ köchë ndə̂ tche grô tchë, dëkë tche pû ɛ̈chë ndə̂ akrə nə̂.»

Dokʉ̈ Körɛ̂nte 7:26

Bhândə̂ mê, më wün rə̂ pä, ädäka ndə̂kə̂ pa akrə sə kütû käko lə̂ köbosə̂ tchô ndə̂ âwâ ngbo angêta. Tə̂ lëge nə̈, më wün andə̂ me nə̈ pä akrə sə kütû käko.

Dokʉ̈ Körɛ̂nte 7:37

Praâbalë âdə köchë nə̈ ânyîkrə rə̂ bhâtə̂ su yê ndə̂kə̂ toabô ɛ̈chë tô-ê, ânyë ngâ rə kîâbô kîtə̂ köbo tə̂ yê-ê, äwä lə̂ köbo nə̈. Âdə tche âwa la gbôgbô ndə̂kə̂ kitə̂ gʉ tə̂ yê, ânyë kə̈ nyîkrə rə̂ bhâtə̂ su yê ndə̂kə̂ səabô sə̂ la tchë köchë la ɛ̈chë-ê, tche mbö rə̂ lə̂ köbo nə̈.

Dokʉ̈ Körɛ̂nte 7:39

Ɛ̈chë ndə̂ a tô tchë wä ndə̂kə̂ za su yê kütû pâ köchë ndə̂ yê ndjoa ëtə̂ kuzü. Âdə köchë ndə̂ yê nə̈ âtchu, tche wä ndə̂kə̂ to ngâ täfo köchë batə̂ rə̂ ndə̂ su yê nyîndə̂ nə̈, praâbalë äwäpä köchë nə̈ watə̂ akrə ndə̂ Krîsiti.

Dokʉ̈ Körɛ̂nte 7:8

Azü ndə̂ andjë tôâbô aɛ̈chë âdəndjë aköchë tô dämba-ê, la aɛ̈chë lə̂ ndavrö, më tö pö âtə sə̈ nyê päkëdə̂: Ädäka ndə̂kə̂ pa nyë ndəpo ndə̂kə̂ sə la kütû nyê batə̂ mê.

Aheborö 13:4

Äwäpä azü gbɛ̂ lusə̂ kə̂ totə̂ ndə̂ köchë la ɛ̈chë. Äwäpä aköchë la aɛ̈chë bata tə̂ andjê lə̂ gbâtə̂ andjê. Bëte Ndjapä âwadje ngbanga pâ azü ndə̂ andjë pu aɛ̈chë âdəndjë aköchë katchôgbɛ̂, la andjanə̈ ndə̂ andjë pu aköchë âdəndjë aɛ̈chë ndə̂ azü.