Dokʉ̈ Körɛ̂nte 7:36 - Mbëtï Ndjapä: TÄFO MADƗ̈

³⁶ Âdə ngâ köchë ndə̂ gbô tchë sə̂ lakə̂ e ngbâ ngâ ɛ̈chë, tchë âwun rə̂ pä anyë wä ndə̂kə̂ gitə̂ anyê pu ɛ̈chë nə̈ tə̂ pö ndə̂nə̈ ndə̂ gʉ ɛ̈chë nə̈ rôpâ yê, ânyë tche wûn rə̂ pä ädäka ndə̂kə̂ pa anyë to tchë, käko äwäpä tche mbo rə̂ batə̂ rə̂ ndə̂ su yê nyîndə̂ nə̈. Ngbongbo rə də̂âbo rə̂ ndə̂ tche mbô rə̂ lâme-a: Äwäpä andjê bïchuû gbɛ̂ totə̂ andjê.

Dokʉ̈ Körɛ̂nte 7:36 Iomraidhean Croise

Matiyə̈ 1:18

Pö ndə̂kə̂ zɨ Jezü Krîsiti wä kâkë. Anyï nə̈ Malê wätə̂ ɛ̈chë ndə̂ Jozêfu nyîndə̂ kə̂ to tchë. Dokʉ̈tchê ndə̂kə̂ pa andjë totə̂ andjê dëkë Malê kä la güzu ndə̂ Kpɨ̂ki Yingö.

Matiyə̈ 5:40

Âdə ngâ akrə ânyində̂ kə̂ e la mö bhâ tchâtchu earə̂ kə̂ wa ngbanga ndə̂kə̂ za krʉ lə̂ba ndə̂ zə̈, amö gbo ndjë tə̂ gbölö ngrɨ̈ngrɨ̈ lə̂ba zɨ ndə̂ zə̈ sə̈ tchë.

Dokʉ̈ Körɛ̂nte 7:35

Më tö pö lâme bëte tchôtchô kə̂ sə ndə̂ nyê, âwâbo batə̂ ngâ kû ndə̂ më drô rə̂ lə̂ köbo nyê-a. Praâbalë më nyïndə̂ nə̈ pä nyë mbo anə̈ ndə̂ âwâ djîrə̂ ânyë kə̂ za su nyê gbɛ̂ kütû pâ Gbölö Gbïɛ̈ balë.

Dokʉ̈ Körɛ̂nte 7:37

Praâbalë âdə köchë nə̈ ânyîkrə rə̂ bhâtə̂ su yê ndə̂kə̂ toabô ɛ̈chë tô-ê, ânyë ngâ rə kîâbô kîtə̂ köbo tə̂ yê-ê, äwä lə̂ köbo nə̈. Âdə tche âwa la gbôgbô ndə̂kə̂ kitə̂ gʉ tə̂ yê, ânyë kə̈ nyîkrə rə̂ bhâtə̂ su yê ndə̂kə̂ səabô sə̂ la tchë köchë la ɛ̈chë-ê, tche mbö rə̂ lə̂ köbo nə̈.

Dokʉ̈ Körɛ̂nte 7:9

Praâbalë âdə nyê âwabô wâ la gbôgbô ndə̂kə̂ kitə̂ gʉ tə̂ nyê-ê, äwäpä nyë totə̂ nyê! Bëte ädäka ndə̂kə̂ totə̂ nyê kə̈ rô anə̈ ndə̂kə̂ pa gʉ tə̂ nyê ropâ nyê.