Dokʉ̈ Körɛ̂nte 7:34 - Mbëtï Ndjapä: TÄFO MADƗ̈

³⁴ käko su yê wä pâ arə bïchuû. Äwä ndjë batə̂ rə̂ ndə̂ ɛ̈chë ndə̂ tche tôâbô köchë tô-ê, la bechë-ɛ̈chë ndə̂ tche tôâbô köchë tô-ê, andjê dɨadje su andjê pâ arə ndə̂ Gbölö Gbïɛ̈. Andjê batadje tə̂ andjê la yingö ndə̂ andjê ngbî bëte Ndjapä. Praâbalë ɛ̈chë ndə̂ tche tô köchë, kə̂ dɨ su yê wä pâ arə ndə̂ tchêbêche âtə, tche pü köbo ndə̂kə̂ pa su köchë ndə̂ yê fu la tchë.

Dokʉ̈ Körɛ̂nte 7:34 Iomraidhean Croise

Jâan 10:13

Tche mbö kua nə̈ kütû bëte makətche, kə̈ wûn-âbo nyonyo aɛ̈bro-ngbaga nə̈-a.

Rômo 6:13

Nyë zäbô ngâ tchâme-tə̂ nyê zâ ndə̂kə̂ mbo ngbongbo rə batə̂ ngâ rə kʉ̈ʉ̈ ndə̂ ngbongbo rə-ê. Praâbalë äwäpä nyë zatə̂ nyê la tə̂ nyê bëte kua ndə̂ Ndjapä, batə̂ azü ndə̂ andjë jô lə̂ kuzü. Nyë zätə̂ nyê gbɛ̂ bëte kua ndə̂ Ndjapä, batə̂ ngâ rə kʉ̈ʉ̈ ndə̂kə̂ mbo rə ndə̂ âwâ djîrə̂.

Dokʉ̈ Körɛ̂nte 6:20

Ndjapä yö nyê la gbölö ngîrî. Äwäpä nyë zatə̂ nyê ndə̂kə̂ voga tchë la rə̂.

Dokʉ̈ Körɛ̂nte 7:33

Praâbalë köchë ndə̂ tche tô ɛ̈chë, kə̂ dɨ su yê wä pâ arə ndə̂ tchêbêche âtə, tche pü köbo ndə̂kə̂ pa su ɛ̈chë ndə̂ yê fu la tchë,

Dokʉ̈ Körɛ̂nte 7:35

Më tö pö lâme bëte tchôtchô kə̂ sə ndə̂ nyê, âwâbo batə̂ ngâ kû ndə̂ më drô rə̂ lə̂ köbo nyê-a. Praâbalë më nyïndə̂ nə̈ pä nyë mbo anə̈ ndə̂ âwâ djîrə̂ ânyë kə̂ za su nyê gbɛ̂ kütû pâ Gbölö Gbïɛ̈ balë.

Bïchuû Körɛ̂nte 11:28

Më wâbo ndə̂kə̂ to pö ndə̂ adɨ̂ nə̈-a. Rə ndə̂ mê rɨ su mê pânə̈ dalobiî də̈ pö ndə̂ a-Egilîze gbɛ̂.

Bïchuû Körɛ̂nte 8:16

Ârâ zä ayîabâ sə̈ Ndjapä ndə̂ tche zâ gʉ tə̂ su Tîte ndə̂kə̂ mbo rə̂ la nyê batə̂ rə̂ ndə̂ ârâ wâ ndjë la gʉ ndə̂kə̂ mbo rə̂ la nyê.

Fïlîpe 1:20

Bëte rə ndə̂ më krʉ̂ bëte rə̂ ânyë kə̈ zâ su mê pânə̈, ganô mboabô mê tee-a. Praâbalë angaâtə âdəndjë logbɛ̂, âdə mê âtchu âdəndjë rə̂ ndə̂ më wâ la tʉ̈rʉ̂ la mê, më wünsə̂ nə̈ tə̂ lëge nə̈ bhâtə̂ su mê pä Krîsiti gë lə̂ mê tə̂ gbölösə̂nə̈.

Dokʉ̈ Tësälönîke 5:23

Äwäpä Ndjapä la tə̂ yê ndə̂ tche za zɨtɨ su sə̈ azü mbo rə̂ ânyë tə̂ nyê wa gbɛ̂ ngbî bëte tchë. Äwäpä tche bata yingö ndə̂ nyê, vrö nyê la tə̂ nyê gbɛ̂ ânyë ngâ pö balë wabô wâ lə̂ küma nyê tə̂ lo kə̂ ka ndə̂ Gbölö Gbïɛ̈ ndə̂ azə̂ Jezü Krîsiti-î.

Dokʉ̈ Timotë 3:5

Âdə ngâ akrə âwun-abô wûnsə̂ kə̂ nyisə̂ köbo sə̈ azü lə̂ bûngrɨ̂ ndə̂ yê la tə̂ yê, tche âwun tchô pâ Egilîze ndə̂ Ndjapä tchïtchïnə̈ atöko?

Dokʉ̈ Timotë 5:5

Âdə andə̂ tchanə̈ ndə̂ tche wâtə̂ lëge ɛ̈chë lə̂ ndavrö, ndə̂ tche sə̂ la kütû yê, tche zä su yê pâ Ndjapä, kə̂ rʉatə̂ su yê dalobiî lakə̂ dɨ tchə̂lə̂ ma yê sə̈ Ndjapä, ndjë lakə̂ to pö sə̈ tchë.

Tîte 3:8

Pö lâme wätə̂ lëge pö. Käko më nyïndə̂ nə̈ pä mo chi pânə̈ djîrə̂, ânyë azü gbɛ̂ ndə̂ andjë zâ su andjê sə̈ Krîsiti, andjë zatə̂ andjê gbɛ̂ ndə̂kə̂ mbo tchôtchô kua. Rə ndə̂ âdâka ânyë kə̈ kʉ̂sə̂ kə̂ za könô sə̈ azü kä lâme.