Dokʉ̈ Körɛ̂nte 7:33 - Mbëtï Ndjapä: TÄFO MADƗ̈

³³ Praâbalë köchë ndə̂ tche tô ɛ̈chë, kə̂ dɨ su yê wä pâ arə ndə̂ tchêbêche âtə, tche pü köbo ndə̂kə̂ pa su ɛ̈chë ndə̂ yê fu la tchë,

Dokʉ̈ Körɛ̂nte 7:33 Iomraidhean Croise

Lûke 12:22

Jezü tô rə̂ sə̈ adjisîpili ndə̂ yê päkëdə̂: «Bëte rə̂ kä më tô rə̂ sə̈ nyê: Nyë dɨ̈äbô su nyê dɨ̂ bëte tchîsûwu ndə̂ nyê, tə̂ pö ndə̂ kɨ̈zɨ̂ ndə̂ nyê zɨ rə̂, âdəndjë tə̂ pö ndə̂ lə̂ba ndə̂ nyê yu rə̂ tê nyê.

Lûke 14:20

Ngânə̈ kä tô rə̂ päkëdə̂: ‹Më tö ɛ̈chë angaâtə; bëte rə̂ kä ndə̂ mê eabô tee-a.›

Jâan 10:13

Tche mbö kua nə̈ kütû bëte makətche, kə̈ wûn-âbo nyonyo aɛ̈bro-ngbaga nə̈-a.

Dokʉ̈ Körɛ̂nte 7:3

Äwäpä köchë za rə ndə̂ ɛ̈chë ndə̂ yê sə̈ tchë, ânyë ɛ̈chë za ndjë rə ndə̂ köchë ndə̂ yê sə̈ tchë.

Dokʉ̈ Körɛ̂nte 7:32

Më nyïndə̂ nə̈ pä nyë dɨ̈äbô su nyê dɨ̂-î. Akrə ndə̂ tche tôâbô ɛ̈chë tô-ê, tchê dɨadje su yê pâ arə ndə̂ Gbölö Gbïɛ̈, tche pü köbo ndə̂kə̂ pa su Gbölö Gbïɛ̈ fu la tchë.

Dokʉ̈ Körɛ̂nte 7:34

käko su yê wä pâ arə bïchuû. Äwä ndjë batə̂ rə̂ ndə̂ ɛ̈chë ndə̂ tche tôâbô köchë tô-ê, la bechë-ɛ̈chë ndə̂ tche tôâbô köchë tô-ê, andjê dɨadje su andjê pâ arə ndə̂ Gbölö Gbïɛ̈. Andjê batadje tə̂ andjê la yingö ndə̂ andjê ngbî bëte Ndjapä. Praâbalë ɛ̈chë ndə̂ tche tô köchë, kə̂ dɨ su yê wä pâ arə ndə̂ tchêbêche âtə, tche pü köbo ndə̂kə̂ pa su köchë ndə̂ yê fu la tchë.

Kölôse 3:19

Aköchë, nyë nyïndə̂ aɛ̈chë ndə̂ nyê, kə̂ mboabô rə mbô la ngbongbo su tə̂ andjê.

Dokʉ̈ Timotë 5:8

Âdə ngâ akrə âbatabô azü lə̂ bûngrɨ̂ ndə̂ yê bâta, tə̂ gbogbôsə̂nə̈ azü ndə̂ andjë sə̂ lə̂ nda ndə̂ yê, dëkë tche gbôtə̂ köbo su yê ndə̂ tche zâ rə̂ sə̈ Krîsiti nə̂, ngbongbo rə ndə̂ yê lâme, rö andə̂ akrə ndə̂ tche zâbô su yê zâ sə̈ Krîsiti dämba-ê.

Dokʉ̈ Pîêre 3:7

Nyënyê ndjë aköchë ndə̂ aɛ̈chë, lə̂kə̂ sə ndə̂ nyê pâ cho la aɛ̈chë ndə̂ nyê, äwäpä nyë wunsə̂ nə̈ pä aɛ̈chë ndə̂ nyê də̈ amömö azü. Nyë lüsə̂ andjê, bëte nyënyê la andjê gbɛ̂ kä ndə̂ âgbo tchîsûwu ndə̂ Ndjapä za rə̂ sə̈ akrə, ndə̂kə̂ pa ngâ rə balë kiabô kîtə̂ köbo tə̂kə̂ to pö ndə̂ nyê sə̈ Ndjapä-ê.