Dokʉ̈ Körɛ̂nte 7:31 - Mbëtï Ndjapä: TÄFO MADƗ̈

³¹ Azü ndə̂ andjë gbo arə tchêbêche âtə, äwäpä andjë sə âwûntî pä andjë gbôâbo rə-a, bëte arə tchêbêche âtə âro me rö.

Dokʉ̈ Körɛ̂nte 7:31 Iomraidhean Croise

Lûke 21:34

«La nyê gbö-ê, nyë zäbô su nyê zâ pâ kə̂ zɨ kɨ̈zɨ̂ lə̂ kpülü lakə̂ ndjo pî âropâ nyê, âdəndjë rə̂ nyë rɨ̈äbô tchə̂lə̂ nyê rɨ̂ pâ arə tchêbêche âtə-ê. Ârə̂ âdəabô də̂ käko, lo kə̂ ka ndə̂ Modô ndə̂ Akrə âtroadje nyê.

Dokʉ̈ Körɛ̂nte 7:29

Arə̂mä, pö ndə̂ më nyîndə̂ kə̂ to rə̂ wä kâkë: Adɨ̂ alö ngbâbo-a, angaâtə azü ndə̂ andjë wâ la ɛ̈chë, äwäpä andjë sə̈ âwûntî pä andjë wâbo la ɛ̈chë-a.

Dokʉ̈ Körɛ̂nte 7:30

Azü ndə̂ andjë kɨ, äwäpä andjë sə âwûntî pä andjë kɨ̂âbo-a. Azü ndə̂ andjë wâ la mômô, äwäpä andjë sə âwûntî pä andjë wâbo la mômô-a. Azü ndə̂ andjë yo rə, äwäpä andjë sə âwûntî pä andjë wâbo la rə-a.

Dokʉ̈ Körɛ̂nte 9:18

Käko makətche-kua ndə̂ mê nə̈ də̈ nə̈bâ? Ädə̈ rə̂ ndə̂ mê mu Tchôtchô Pö ämbämbänə̈ sə̈ azü. Rə ndə̂ âwâ âme ndə̂kə̂ pa më gbo rə̂ ngbânə̈, më yûâbo kû nə̈-a.

Aheborö 12:27

Apö ma Ndjapä ndə̂ âtô rə̂ päkëdə̂: «Mê kadje ngbâ mê», änyïsə̂ nə̈ pä arə gbɛ̂ ndə̂ a mbô rə̂ troadje ânyë kə̂ roadje, praâbalë kütû rə ndə̂ âtroabô trô kä ndə̂ âwa ngbânə̈.

Jâke 4:14

Nyë wûn-âbo sə̂ rə ndə̂ âwutu lə̂ tchîsûwu ndə̂ nyê ndə̂ tchêlâmbo-a. Bëte nyë wä batə̂ ndrö ndə̂ âwutu la ngû ânyë kpro la tchêngbâ nə̈ âyu-ê.

Dokʉ̈ Pîêre 1:24

Bëte Mbëtï Ndjapä tö rə̂ päkëdə̂: «Azü gbɛ̂ wä batə̂ bë, kə̂ fu ndə̂ andjê gbɛ̂ wä batə̂ anyînyî bë; bë nə̈ hrö ânyë anyînyî nə̈ nyoa,

Dokʉ̈ Pîêre 4:7

Ma arə gbɛ̂ ndô tə̂kə̂ krʉ nə̂. Käko äwäpä nyë mbo rə batə̂ azü ndə̂ küma andjê wâ lanə̈, nyë zɨ̈äbô rə zɨ̂ lakə̂ ndjo rə âro masə̂nə̈-ê, ânyë kə̂ gbo köbo ndə̂kə̂ to pö sə̈ Ndjapä.

Dokʉ̈ Jâan 2:17

Tchêbêche âtə âro më rö la arə gbɛ̂ ndə̂ su azü nyîndə̂ nə̈. Praâbalë akrə ndə̂ tche mbô rə ndə̂ su Ndjapä nyîndə̂ nə̈, tchîsûwu ndə̂ yê âwa pïï etə̂.