Dokʉ̈ Körɛ̂nte 7:30 - Mbëtï Ndjapä: TÄFO MADƗ̈

³⁰ Azü ndə̂ andjë kɨ, äwäpä andjë sə âwûntî pä andjë kɨ̂âbo-a. Azü ndə̂ andjë wâ la mômô, äwäpä andjë sə âwûntî pä andjë wâbo la mômô-a. Azü ndə̂ andjë yo rə, äwäpä andjë sə âwûntî pä andjë wâbo la rə-a.

Dokʉ̈ Körɛ̂nte 7:30 Iomraidhean Croise

Lûke 16:25

Praâbalë Abrahâmo tô rə̂ päkëdə̂: ‹Bechë ndə̂ mê, äwäpä sə̂ pö âtə te lə̂ zə̈: Ndə̂ gbô mö ndə̂po la tʉ̈rʉ̂ la zə̈ bêche, mo gbö arə alême tə̂ gbölösə̂nə̈. Praâbalë andə̂ Lazäre, tche wün yûkü tə̂ gbölösə̂nə̈. Angaâtə, su yê zɨ̂ nə̂, ânyë momö ndə̂ zə nə̈, mo kä lakə̂ wun yûkü.

Lûke 6:21

Nyë kä la mômô, nyënyê ndə̂ gʉ nyu nyê angêta, bëte tchə̂lə̂ nyê sɨadje! Nyë kä la mômô, nyënyê ndə̂ nyê kɨ angêta, bëte nyê moadje tə̂ nyê.

Lûke 6:25

Nyonyo kä tə̂ nyê, nyënyê ndə̂ tchə̂lə̂ nyê sɨ̂ angêta, bëte gʉ ânyuadje nyê! Nyonyo kä tə̂ nyê, nyënyê ndə̂ nyê motə̂ nyê angêta, bëte nyê wadje la nyonyo, kə̂ kɨadje.

Jâan 16:22

Angaâtə, nyënyê ndjë gbɛ̂, nyë kä lə̂ nyonyo, praâbalë mê kä wun-adje nyê, ânyë su nyê wadje la mômô. Mômô nə̈ lâme, ngâ akrə balë ndə̂kə̂ krʉa rə̂ tə̂ su nyê wâbo-a.

Dokʉ̈ Körɛ̂nte 7:29

Arə̂mä, pö ndə̂ më nyîndə̂ kə̂ to rə̂ wä kâkë: Adɨ̂ alö ngbâbo-a, angaâtə azü ndə̂ andjë wâ la ɛ̈chë, äwäpä andjë sə̈ âwûntî pä andjë wâbo la ɛ̈chë-a.

Dokʉ̈ Körɛ̂nte 7:31

Azü ndə̂ andjë gbo arə tchêbêche âtə, äwäpä andjë sə âwûntî pä andjë gbôâbo rə-a, bëte arə tchêbêche âtə âro me rö.

Apökälîbïchi 18:7

Nyë mbö tchë la gbölö yûkü, la nyonyo gundə̂sə̂ kə̂ lusə̂tə̂ yê la gbölö gʉ ndə̂kə̂ gbo afûfû arə ndə̂ yê tə̂ gbölösə̂nə̈. Bëte tche tö rə̂ la tə̂ yê päkëdə̂: ‹Më sə̈ tchâtə batə̂ ɛ̈chë-gbïɛ̈, më wâbo tə̂ ɛ̈chë lə̂ ndavrö-a, mê səabô lə̂ müä lo balë tee-a.›

Apökälîbïchi 7:17

Bëte Ngbavö Ɛ̈bro-ngbaga ndə̂ tche sə̂ lə̂ gûtə̂ ngendë-gbïɛ̈ lâme, tchê batadje andjê batə̂ earə̂ kə̂ sə pâ aɛ̈bro-ngbaga bata aɛ̈bro-ngbaga ndə̂ yê. Tchê eadje la andjê pu aküma ngû ndə̂ âza tchîsûwu sə̈ azü. Ânyë Ndjapä âtroadje ngûla gbɛ̂ ndə̂ âwâ lə̂ la andjê.»