Dokʉ̈ Körɛ̂nte 7:26 - Mbëtï Ndjapä: TÄFO MADƗ̈

²⁶ Bhândə̂ mê, më wün rə̂ pä, ädäka ndə̂kə̂ pa akrə sə kütû käko lə̂ köbosə̂ tchô ndə̂ âwâ ngbo angêta. Tə̂ lëge nə̈, më wün andə̂ me nə̈ pä akrə sə kütû käko.

Dokʉ̈ Körɛ̂nte 7:26 Iomraidhean Croise

Matiyə̈ 24:19

Lə̂ alö nə̈ lâme, nyonyo kä tə̂ aɛ̈chë ndə̂ andjë wâ la güzu la andjanə̈ ndə̂ andjê zadje ngo ma bechë!

Lûke 21:23

Lə̂ alö nə̈ lâme, nyonyo kä tə̂ aɛ̈chë ndə̂ andjë wâ la güzu la andjanə̈ ndə̂ andjë zadje ngo ma bechë! Bëte azü gö nə̈ lâme âwun-adje yûkü tə̂ gbölösə̂nə̈, ânyë mêrâ ndə̂ Ndjapä âteadje pâ andjê.

Dokʉ̈ Körɛ̂nte 7:1

Azə̈ kä ëpâ pö ndə̂ nyë yû mê la rə̂ lə̂ mbëtï ndə̂ nyê lâme. Ädäka ndə̂kə̂ pa köchë grʉabô ɛ̈chë grʉ̂-ê.

Dokʉ̈ Körɛ̂nte 7:27

Mo kä la ɛ̈chë? Amö puabô köbo pû ndə̂kə̂ gbotə̂ yê-ê. Mo wâbo la ɛ̈chë dämba? Amö puabô köbo pû ndə̂kə̂ to ɛ̈chë-ê.

Dokʉ̈ Körɛ̂nte 7:28

Praâbalë âdə mo âto ɛ̈chë, mo mbôâbo ngbongbo rə-a. Âdə ngâ bechë-ɛ̈chë âto köchë, tche mbôâbo ngbongbo rə-a. Praâbalë azü ndə̂ andjë tôtə̂ andjê wun-adje yûkü tə̂ gbölösə̂nə̈ lə̂ tchîsûwu ndə̂ andjê, ârə̂ kä ndə̂ më nyîndə̂ nə̈ pä ägboabô nyê gbô-ê.

Dokʉ̈ Körɛ̂nte 7:8

Azü ndə̂ andjë tôâbô aɛ̈chë âdəndjë aköchë tô dämba-ê, la aɛ̈chë lə̂ ndavrö, më tö pö âtə sə̈ nyê päkëdə̂: Ädäka ndə̂kə̂ pa nyë ndəpo ndə̂kə̂ sə la kütû nyê batə̂ mê.

Bïchuû Tësälönîke 2:2

Âdə ngâ akrə âto rə̂ päkëdə̂: Lö kə̂ ka ndə̂ Gbölö Gbïɛ̈ wûtu nə̂, tchə̂lə̂ küma nyê djingɨliabô djîngɨli gasa-ê, nyë mböäbô ndjë wa mbô-ê. Âdə tche âto rə̂ pä pö nə̈ tö lə̂ ma Ndjapä, âdəndjë rə̂ ndə̂ pö nə̈ tö lə̂ ma ârâ, âdəndjë rə̂ ndə̂ ârâ kä âkə̈ wân mbëtï sə̈ nyê, nyë nyïäbô nyîndə̂ nə̈-ê.

Dokʉ̈ Pîêre 4:17

Bëte lo ndə̂kə̂ pa Ndjapä jetə̂ kə̂ wa ngbanga ndə̂ azü nda ndə̂ yê wûtu nə̂. Âdə tche âdokʉtchê tə̂ azə̂, andə̂ andjanə̈ ndə̂ andjë kôsə̂ kə̂ gamba Tchôtchô Pö ndə̂ Ndjapä lâme, tchîsûwu ndə̂ andjê âka atöko?