Dokʉ̈ Körɛ̂nte 7:22 - Mbëtï Ndjapä: TÄFO MADƗ̈22 Bëte ngâ ngbâa ndə̂ Gbölö Gbïɛ̈ ê tchë, tche wûtu tchâtchâ ngbâa nə̈ nə̂, kə̈ wâ nə̂ tə̂ akrə ndə̂ Gbölö Gbïɛ̈. Akrə ndə̂ tche wâbô wâtə̂ ngbâa ânyë Gbölö Gbïɛ̈ ê tchë, dëkë tche wâ nə̂ tə̂ ngbâa ndə̂ Krîsiti. Faic an caibideil |
Âdə mê âsə lə̂ gûtə̂ andjanə̈ ndə̂ andjë wûn-âbô sə̂ ndïɛ̈ ndə̂ Möyîze wûn-î, kə̂ mbo rə batə̂ azü ndə̂ andjë wûn-âbô sə̂ ndïɛ̈ ndə̂ Möyîze wûn-î, ânyë kə̂ gbo andjê sə̈ Krîsiti. Ânyîâbo ndə̂kə̂ to rə̂ pä më kösə̂ ndïɛ̈ ndə̂ Ndjapä-a, bëte më mbö rə gundə̂sə̂ ndïɛ̈ ndə̂ Krîsiti.
Ëpäfrâse, ngâ akrə ndə̂ nyê, pô ndə̂ nyê nə̂, tche də̈ earə̂ kua ndə̂ Jezü Krîsiti, gbô tche kä lakə̂ mbo kʉ̈ʉ̈ tə̂ pö ndə̂ nyê. Tche kä lakə̂ yukû nə̈ sə̈ Ndjapä ndə̂kə̂ pa nyë krʉ ndjii-ï, kə̂ kpökpo tə̂ nyê, kə̂ daka gbɛ̂ lə̂ köbosə̂ Yingö ânyë kə̂ sə tchêtchêtchê logbɛ̂, ndə̂kə̂ mbo rə ndə̂ su Ndjapä nyîndə̂ nə̈.
Bëte angaâtə, tche kä wâ bata kütû tə̂ ngbâa-a, praâbalë tche kä rô ngbâa tə̂ gbölösə̂nə̈, tche də̈ ngâ mê lə̂ Krîsiti ndə̂ më nyîndə̂ yê tə̂ gbölösə̂nə̈, ndə̂ tche wâtə̂ lëge tchandə̂ me nə̈, momö ndjë gbɛ̂ mô kä nyiadje ndə̂ yê tə̂ gbölösə̂nə̈ bëte tche wä ndjë tə̂ akrə batə̂ mö, kə̈ wâ ndjë tə̂ ngâ zə̈ ndə̂ tche zâ su yê sə̈ Krîsiti.
Mëmê Chemôn-Pîêre, më wätə̂ earə̂ kua la badjângele ndə̂ Jezü Krîsiti. Më mbö mbëtï âtə sə̈ andjanə̈ ndə̂ andjë zâ su andjê sə̈ Ndjapä. Kə̂ za su andjê sə̈ Ndjapä nə̈ lâme, ngîrî nə̈ wä ndjë batə̂ andə̂ azə̈ nə̈, lə̂ köbosə̂ djîrə̂ rə ndə̂ Ndjapä ndə̂ azə̂ la Jezü Krîsiti Earə̂ kə̂ tcha azə̂.