Dokʉ̈ Körɛ̂nte 7:21 - Mbëtï Ndjapä: TÄFO MADƗ̈

²¹ Sə̂nə̈ ndə̂ Ndjapä ê mö, mo də̈ ngbâa? Amö dɨabô su zə̈ dɨ̂ tâ-ê. Praâbalë âdə ngâ köbo âwa tâ ndə̂kə̂ pa mo wutu tchâtchâ ngbâa nə̈, amö wutu tchâtchâ nə̈-ê.

Dokʉ̈ Körɛ̂nte 7:21 Iomraidhean Croise

Lûke 12:29

Âwâbo pä nyë sə lakə̂ dɨ su nyê tə̂ rə ndə̂ nyê zɨadje rə̂, âdəndjë rə ndə̂ nyê ndjoadje rə̂-a. Tchə̂lə̂ küma nyê djingɨliabô djîngɨli.

Lûke 21:34

«La nyê gbö-ê, nyë zäbô su nyê zâ pâ kə̂ zɨ kɨ̈zɨ̂ lə̂ kpülü lakə̂ ndjo pî âropâ nyê, âdəndjë rə̂ nyë rɨ̈äbô tchə̂lə̂ nyê rɨ̂ pâ arə tchêbêche âtə-ê. Ârə̂ âdəabô də̂ käko, lo kə̂ ka ndə̂ Modô ndə̂ Akrə âtroadje nyê.

Dokʉ̈ Körɛ̂nte 12:13

Bëte azə̈ gbɛ̂ gbö batɛ̂me lə̂ köbosə̂ Yingö balë, ndə̂kə̂ watə̂ tə̂ akrə balë. Ajuîfu la azü ndə̂ andjë wâbô wâtə̂ ajuîfu, angbâa la azü ndə̂ andjë wâbô wâtə̂ angbâa, azü gbɛ̂ gbö kütû Yingö balë lâme.

Dokʉ̈ Körɛ̂nte 7:20

Äwäpä akrə balë balë ndə̂po lə̂kə̂ sə ndə̂ yê dokʉ̈tchê tə̂ lo nə̈ ndə̂ Ndjapä ê tchë.

Dokʉ̈ Körɛ̂nte 7:22

Bëte ngâ ngbâa ndə̂ Gbölö Gbïɛ̈ ê tchë, tche wûtu tchâtchâ ngbâa nə̈ nə̂, kə̈ wâ nə̂ tə̂ akrə ndə̂ Gbölö Gbïɛ̈. Akrə ndə̂ tche wâbô wâtə̂ ngbâa ânyë Gbölö Gbïɛ̈ ê tchë, dëkë tche wâ nə̂ tə̂ ngbâa ndə̂ Krîsiti.

Gälâte 3:28

Angaâtə, ngâ juîfu wâ bata-a, âdəndjë gerêke-a. Ngâ ngbâa wâ bata-a, âdəndjë akrə ndə̂ tche sə̂âbô sə̂ tchâtchâ ngbâa-a. Ngâ köchë wâ bata-a, âdəndjë ɛ̈chë-a. Bëte nyënyê gbɛ̂, nyë wä balë la Krîsiti Jezü.

Fïlîpe 4:11

Më tôâbo pö lâme ndə̂kə̂ wa la gʉ ngâ rə-a. Bëte më mända ndə̂kə̂ za su mê logbɛ̂ kütû pâ rə ndə̂ më wâ la rə̂.

Fïlîpe 4:6

Nyë dɨ̈äbô su nyê dɨ̂ pâ ngâ rə balë-ê, praâbalë lə̂ arə gbɛ̂, nyë yükû rə ndə̂ nyë nyîndə̂ nə̈ tchânə̂ Ndjapä, lə̂ köbosə̂ kə̂ to pö sə̈ tchë lakə̂ dɨ tchə̂lə̂ ma, lakə̂ za ayîabâ sə̈ tchë.

Kölôse 3:11

Käko gerêke âdəndjë juîfu wâ bata-a, akrə ndə̂ tche wâ gasa âdəndjë akrə ndə̂ tche wâbô gasa wâ sə̂âbo-a. Akrə ndə̂ mawo ngbî, âdəndjë ngbɨ̈lə̈ akrə wâbo-a, ngbâa âdəndjë akrə ndə̂ tche wâbô wâtə̂ ngbâa kä wâ bata-a, praâbalë gbölö rə nə̈ də̈ rə̂ ndə̂ Krîsiti wâtə̂ rə gbɛ̂ ânyë kə̈ wâ bhâlə̂ su azü ndə̂ yê gbɛ̂.

Aheborö 13:5

Âwâbo pä lə̂ köbosə̂ kə̂ mbo rə ndə̂ nyê, nyê wa la gʉ makətche tə̂ gbölösə̂nə̈-a. Nyë zä su nyê pâ rə ndə̂ nyë wâ la rə̂, bëte Ndjapä la tə̂ yê tö rə̂ päkëdə̂: «Mê gboabô tə̂ zə̈ tee-a, mê djeabô tchêngbâ mê tə̂ zə̈ balë tee-a.»

Dokʉ̈ Pîêre 5:7

Arə gbɛ̂ ndə̂ nyê dɨ su nyê tâ, nyë gbötâ gbɛ̂ tchânə̂ Ndjapä, bëte tchetchë kä âkə̂ bata nyê.