Dokʉ̈ Körɛ̂nte 7:2 - Mbëtï Ndjapä: TÄFO MADƗ̈

² Praâbalë ndə̂kə̂ pa akrə puabô ɛ̈chë âdəndjë köchë pû katchôgbɛ̂, äwäpä köchë wa la ɛ̈chë ndə̂ yê tâ, ânyë ɛ̈chë wa ndjë la köchë ndə̂ yê tâ.

Dokʉ̈ Körɛ̂nte 7:2 Iomraidhean Croise

Matiyə̈ 5:32

Mëmê ndə̂ me nə̈, më tö rə̂ sə̈ nyê päkëdə̂: Âdə ngâ köchë âgro ɛ̈chë ndə̂ yê, ndə̂ ɛ̈chë nə̈ pûâbô ngâ köchë ngbî pû-î, ânyë ɛ̈chë nə̈ tô ngâ täfo köchë, dëkë bəndɨ köchë nə̈ kä ndə̂ âmbô rə̂ pä ɛ̈chë nə̈ pu köchë ndə̂ ngâ akrə. Köchë ndə̂ tche tô ɛ̈chë ngbâ ngâ köchë ndə̂ tche grô tchë, dëkë tche pû ɛ̈chë ndə̂ akrə nə̂.»

Dokʉ̈ Körɛ̂nte 6:18

Nyë kpë tə̂kə̂ pu aɛ̈chë âdəndjë aköchë katchôgbɛ̂! Adɨ̂ angbongbo rə gbɛ̂ ndə̂ akrə mbo rə̂ grʉ̂âbo tə̂ yê-a. Praâbalë âdə akrə âpu aɛ̈chë âdəndjë aköchë katchôgbɛ̂, dëkë tche sə̈ lakə̂ mbo ngbongbo rə tə̂ tə̂ yê la tə̂ yê.

Dokʉ̈ Körɛ̂nte 7:1

Azə̈ kä ëpâ pö ndə̂ nyë yû mê la rə̂ lə̂ mbëtï ndə̂ nyê lâme. Ädäka ndə̂kə̂ pa köchë grʉabô ɛ̈chë grʉ̂-ê.

Dokʉ̈ Körɛ̂nte 7:3

Äwäpä köchë za rə ndə̂ ɛ̈chë ndə̂ yê sə̈ tchë, ânyë ɛ̈chë za ndjë rə ndə̂ köchë ndə̂ yê sə̈ tchë.

Dokʉ̈ Körɛ̂nte 7:9

Praâbalë âdə nyê âwabô wâ la gbôgbô ndə̂kə̂ kitə̂ gʉ tə̂ nyê-ê, äwäpä nyë totə̂ nyê! Bëte ädäka ndə̂kə̂ totə̂ nyê kə̈ rô anə̈ ndə̂kə̂ pa gʉ tə̂ nyê ropâ nyê.

Ëfêze 5:28

Käko äwäpä köchë nyində̂ ɛ̈chë ndə̂ yê batə̂ tə̂ yê. Akrə ndə̂ tche nyîndə̂ ɛ̈chë ndə̂ yê, tche nyïndə̂ tə̂ yê la tə̂ yê.

Ëfêze 5:33

Âdə andə̂ nye nə̈, äwäpä akrə balë balë nyində̂ ɛ̈chë ndə̂ yê batə̂ tə̂ yê la tə̂ yê, ânyë ɛ̈chë kpe wa köchë ndə̂ yê.

Dokʉ̈ Tësälönîke 4:4

Äwäpä akrə balë balë lə̂ gbâtə̂ nyê wunsə̂ köbo ndə̂kə̂ to ɛ̈chë ndə̂ âdâka gbɛ̂ lə̂ la Ndjapä lakə̂ lusə̂tə̂.

Dokʉ̈ Timotë 4:3

Andjë kïtə̂ köbo tə̂ azü ndə̂kə̂ pa andjë toabô tə̂ andjê tô-ê, kə̈ kîtə̂ köbo ndə̂kə̂ pa andjë zɨabô angâ akɨ̈zɨ̂ zɨ̂-ê. Dëkë Ndjapä mbö kɨ̈zɨ̂ lâme ndə̂kə̂ pa azü ndə̂ Krîsiti ndə̂ andjë wûnsə̂ lëge pö, andjë zɨ rə̂ lakə̂ za ayîabâ sə̈ Ndjapä.