Dokʉ̈ Körɛ̂nte 7:19 - Mbëtï Ndjapä: TÄFO MADƗ̈

¹⁹ Ndə̂kə̂ wa gasa âdəndjë ndə̂kə̂ wabô gasa wâ, äwä ämbänə̈: Gbölö rə nə̈ wä ndə̂kə̂ mbo rə gundə̂sə̂ ndïɛ̈ ndə̂ Ndjapä.

Dokʉ̈ Körɛ̂nte 7:19 Iomraidhean Croise

Matiyə̈ 5:19

Bëte rə̂ kä, akrə ndə̂ tche kôsə̂ ngâ kpîɛ̂kpîɛ̂ pö lə̂ ndïɛ̈ nə̈, ânyë kə̈ nyîsə̂ köbo kə̂ kosə̂ ndïɛ̈ nə̈ sə̈ azü, tchê wadje tə̂ kpîɛ̂kpîɛ̂ akrə lə̂ Gbölö gö-gbïɛ̈ ndə̂ tchêlafô. Praâbalë akrə ndə̂ tche mbô rə gundə̂sə̂ ndïɛ̈ nə̈, ânyë kə̈ nyîsə̂ rə sə̈ azü ndə̂kə̂ pa andjë mbo ndjë rə̂ käko-ë, tchê wadje tə̂ gbölö akrə lə̂ Gbölö gö-gbïɛ̈ ndə̂ tchêlafô.

Jâan 15:14

Âdə nyê âmbo rə gundə̂sə̂ kə̂ zama ndə̂ mê, nyë wätə̂ araagü mê.

Rômo 3:30

bëte Ndjapä wä kütû balë. Tchetchë kä ndə̂ âmbo rə̂ pä ajuîfu la azü ndə̂ andjê wâbô wâtə̂ ajuîfu wa djîrə̂ lə̂ la yê lə̂ köbosə̂ kə̂ za su andjê sə̈ Jezü Krîsiti.

Dokʉ̈ Körɛ̂nte 8:8

Âdə̂âbo kɨ̈zɨ̂ kä ndə̂ âmbo rə̂ pä azə̈ wa ndola Ndjapä-a. Âdə azə̂ âzɨabô rə̂ zɨ̂-î, ngâ rə ndə̂ azə̂ ndə̂ âyû lə̂nə̈ wâbo-a. Âdə azə̂ âzɨ rə̂, ngâ rə ndə̂ azə̈ gbo ndjë rə̂ lə̂nə̈ wâbo-a.

Gälâte 3:28

Angaâtə, ngâ juîfu wâ bata-a, âdəndjë gerêke-a. Ngâ ngbâa wâ bata-a, âdəndjë akrə ndə̂ tche sə̂âbô sə̂ tchâtchâ ngbâa-a. Ngâ köchë wâ bata-a, âdəndjë ɛ̈chë-a. Bëte nyënyê gbɛ̂, nyë wä balë la Krîsiti Jezü.

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Gälâte 6:15

Bëte kə̂ wa gasa, âdəndjë ndə̂kə̂ wabô gasa wâ, âwâbo tə̂ ngâ rə-a. Praâbalë tchôtchô rə nə̈ də̈ rə̂ ndə̂ a kâ mbô azə̂ tə̂ täfo nə̈ nə̂.

Kölôse 3:11

Käko gerêke âdəndjë juîfu wâ bata-a, akrə ndə̂ tche wâ gasa âdəndjë akrə ndə̂ tche wâbô gasa wâ sə̂âbo-a. Akrə ndə̂ mawo ngbî, âdəndjë ngbɨ̈lə̈ akrə wâbo-a, ngbâa âdəndjë akrə ndə̂ tche wâbô wâtə̂ ngbâa kä wâ bata-a, praâbalë gbölö rə nə̈ də̈ rə̂ ndə̂ Krîsiti wâtə̂ rə gbɛ̂ ânyë kə̈ wâ bhâlə̂ su azü ndə̂ yê gbɛ̂.

Apökälîbïchi 22:14

Mômô kä tə̂ azü ndə̂ andjë djûtu alə̂ba ndə̂ andjê, ânyë a zâ köbo sə̈ andjê ndə̂kə̂ zɨ alêlê yö ndə̂ âza tchîsûwu sə̈ azü, ndjë ndə̂kə̂ li lə̂ amanda gö nə̈.