Dokʉ̈ Körɛ̂nte 7:17 - Mbëtï Ndjapä: TÄFO MADƗ̈

¹⁷ Âdə andə̂ adɨ̂ azü nə̈, apö ndə̂ mê zama tə̂ pö ndə̂nə̈ kulə̂ a-Egilîze gbɛ̂ kä âtə: Äwäpä akrə balë balë ndəpo lə̂ köbo ndə̂ Gbölö Gbïɛ̈ zâ rə̂ sə̈ tchë. Äwäpä tche ndə̂po lə̂kə̂ sə ndə̂ yê dokʉ̈tchê tə̂ lo nə̈ ndə̂ Ndjapä ê tchë.

Dokʉ̈ Körɛ̂nte 7:17 Iomraidhean Croise

Matiyə̈ 19:12

Bëte arə ndə̂ âmbo pä aköchë toabô aɛ̈chë tô-ê wä ngbî ngbî. Angânə̈ ndə̂ andjë tôâbô aɛ̈chë tô lâme, a zɨ̈ andjê zɨ̈ la rə̂; angânə̈ ndə̂ andjë tôâbo aɛ̈chë tô lâme, bëte a wôn tchâtchâ andjê nə̂; angânə̈ kösə̂ kə̂ to aɛ̈chë bëte pö ndə̂ Gbölö gö-gbïɛ̈ ndə̂ tchêlafô. Akrə ndə̂ tche wâ ndə̂kə̂ dje tchə̂lə̂ pö, äwäpä tche dje tchə̂lə̂ nə̈!»

Dokʉ̈ Körɛ̂nte 10:32

Nyë mböäbô rə̂ mbô ndə̂kə̂ pa ngâ juîfu balë te lə̂ ngbongbo rə-ê, âdəndjë ngâ akrə ndə̂ tche wâbô wâtə̂ juîfu, âdəndjë ngâ akrə ndə̂ Egilîze ndə̂ Ndjapä-ê.

Dokʉ̈ Körɛ̂nte 11:16

Praâbalë âdə ngâ akrə ânyində̂ kə̂ kosə̂ pö lâme, äwäpä tche wunsə̂ nə̈ pä ngâ köbo ngbî ndə̂kə̂ pa ârâ la a-Egilîze ndə̂ Ndjapä mbo rə̂ wâbo-a.

Dokʉ̈ Körɛ̂nte 11:34

Âdə gʉ ânyu ngâ akrə, äwäpä tche zɨ rə bhândə̂ yê, käko ânyë ngbanga ndə̂ Ndjapä teabô tê pâ nyê sə̂nə̈ ndə̂ nyê palatə̂ nyê-ê. Âdə andə̂ adɨ̂ apö nə̈, më âwutu bhâye ânyë kə̂ nyikrəadje rə̂.

Dokʉ̈ Körɛ̂nte 14:33

Bëte Ndjapä də̈ Ndjapä ndə̂ tche mbo rə la köbo nə̈, kə̈ wâtə̂ Ndjapä ndə̂ zɨtɨ su. Batə̂ rə̂ ndə̂ a mbo rə̂ lə̂ a-Egilîze gbɛ̂ ndə̂ azü ndə̂ Ndjapä,

Dokʉ̈ Körɛ̂nte 16:1

Âdə andə̂ pö ndə̂ kə̂ pala makətche bëte azü ndə̂ Ndjapä, äwäpä nyënyê ndjë gbɛ̂, nyë mbö rə̂ batə̂ rə̂ ndə̂ më nyîsə̂ köbo nə̈ sə̈ a-Egilîze ndə̂ Gälâte.

Dokʉ̈ Körɛ̂nte 4:17

Tə̂ pö ndə̂nə̈ kä ndə̂ më wân Timotë sə̈ nyê, modô ndə̂ mê ndə̂ më nyîndə̂ yê tə̂ gbölösə̂nə̈, ndə̂ gbô tchë sə̂ lə̂ köbo Gbölö Gbïɛ̈. Tche kä ndə̂ ânyiadje sə̂ köbo ndə̂ më sə̂ la rə̂ la tchêngbâ nə̈ ndə̂ më wâ balë la Krîsiti, batə̂ rə̂ ndə̂ më nyîsə̂ nə̈ katchôgbɛ̂, kulə̂ a-Egilîze.

Dokʉ̈ Körɛ̂nte 7:18

A wä mö la gasa dokʉ̈tchê ndə̂kə̂ pa Ndjapä e mö? Âwâbo pä mo vusə̂ nə̈-a. Mo wâbo gasa dokʉ̈tchê ndə̂kə̂ pa Ndjapä e mö? Âwâbo pä a wa mö la gasa-a.

Dokʉ̈ Körɛ̂nte 7:24

Arə̂mä, äwäpä akrə balë balë ndəpo lə̂kə̂ sə ndə̂ yê dokʉ̈tchê tə̂ lo nə̈ ndə̂ Ndjapä ê tchë.

Dokʉ̈ Körɛ̂nte 7:7

Më nyïndə̂ nə̈ pä azü gbɛ̂ wa batə̂ mê, praâbalë akrə balë balë gbö gbôgbô ndə̂ Yingö ndə̂ Ndjapä za rə̂ sə̈ tchë. Tche zä ngânə̈ sə̈ tchanə̈ âtə, kə̂ za ngânə̈ ngbî sə̈ tchanə̈ təbhâ.

Bïchuû Körɛ̂nte 11:28

Më wâbo ndə̂kə̂ to pö ndə̂ adɨ̂ nə̈-a. Rə ndə̂ mê rɨ su mê pânə̈ dalobiî də̈ pö ndə̂ a-Egilîze gbɛ̂.

Bïchuû Körɛ̂nte 8:18

Ârâ wän tchë balë la ngâ earə̂ azə̂ ndə̂ azü ndə̂ a-Egilîze gbɛ̂ to tchôtchô pö ndə̂ yê, bëte kua ndə̂ tche mbô rə̂ lə̂ köbosə̂ kə̂ mu Tchôtchô Pö.

Gälâte 1:22

Praâbalë azü ndə̂ a-Egilîze ndə̂ Krîsiti ndə̂ andjë sə̂ bhâ Judë wûn-âbo mê lo balë-a.

Dokʉ̈ Tësälönîke 2:14

Käko arə̂mä, kə̂ mbo rə ndə̂ nyê wä batə̂ andə̂ azü ndə̂ a-Egilîze ndə̂ andjë sə̂ bhâ Judë, andjanə̈ ndə̂ andjë wâ balë la Jezü Krîsiti lâme, bëte nyë wün ndjë yûkü tchânə̂ azü gö ndə̂ nyê la tə̂ nyê batə̂ rə̂ ndə̂ azü ndə̂ a-Egilîze ndə̂ Judë wûn yûkü tchânə̂ ajuîfu.

Bïchuû Tësälönîke 1:4

Bëte rə̂ kä ndə̂ ârâ bhi gogo ârâ lə̂ köbosə̂ nyê kulə̂ a-Egilîze ndə̂ Ndjapä lə̂ köbosə̂ nə̈ ndə̂ nyë rʉ̂âtə̂ su nyê la rə̂ ndə̂ nyë ndə̂po lə̂ köbo kə̂ za su nyê sə̈ Krîsiti lə̂ agbôgbô arə gbɛ̂, la arə nyonyo ndə̂ âgbô nyê.