Dokʉ̈ Körɛ̂nte 7:14 - Mbëtï Ndjapä: TÄFO MADƗ̈

¹⁴ Bëte köchë ndə̂ tche zâbô su yê zâ sə̈ Ndjapä lâme wä ngbî bëte Ndjapä tə̂ pö ndə̂ ɛ̈chë ndə̂ yê, ânyë ɛ̈chë ndə̂ tche zâbô ndjë su yê zâ sə̈ Ndjapä lâme wä ngbî bëte Ndjapä tə̂ pö ndə̂ köchë ndə̂ yê. Ârə̂ âdəabô də̂ käko, abechë ndə̂ nyê wä ngbo lə̂ la Ndjapä. Dëkë abechë ndə̂ nyê wä ngbî bëte Ndjapä.

Dokʉ̈ Körɛ̂nte 7:14 Iomraidhean Croise

Abadjângele 10:23

Pîêre lî la andjê bhâ tchâalê ndə̂kə̂ nyikrə sə̂ lö sə̈ andjê. Ndə̂ tchô krâ, Pîêre la azü vötaâ lâme âlafô ndə̂kə̂ gu, tche pâla la angâ arə̂mâ ndə̂ Krîsiti ndə̂ andjë sə̂ bhâ Jopë.

Rômo 11:16

Âdə a âkʉ adokʉ̈ mâpa ngbî bëte Ndjapä, adɨ̂ mâpa nə̈ gbɛ̂ watə̂ andə̂ ye nə̈. Âdə akrə âza chëchë da yö sə̈ Ndjapä, amatö yö nə̈ gbɛ̂ wä ndjë tə̂ andə̂ ye nə̈.

Dokʉ̈ Körɛ̂nte 7:13

Käko ndjë, âdə ngâ ɛ̈chë âwa la ngâ köchë ndə̂ tche zâbô su yê zâ sə̈ Ndjapä dämba-ê, ânyë köchë nə̈ nyîndə̂ kə̂ sə la tchë, âwâbo pä ɛ̈chë nə̈ kosə̂ yê-a.

Dokʉ̈ Timotë 4:5

Bëte pö Ndjapä, lakə̂ to pö sə̈ Ndjapä djütu angbongbo rə lə̂ arə gbɛ̂.

Tîte 1:15

Rə wätə̂ grôgrô nə̈ tchâtchu azü ndə̂ andjë wâ la grôgrô su. Praâbalë andə̂ andjanə̈ ndə̂ andjë wâ la kâkpö, ânyë kə̈ kôsə̂ kə̂ za su andjê sə̈ Krîsiti, ngâ rə ndə̂ âwâtə̂ grôgrô nə̈ lə̂ la andjê balë wâbo-a, praâbalë kə̂ wunsə̂ rə ndə̂ andjê lakə̂ rɨ tchə̂lə̂ su andjê wä la kâkpö.