Dokʉ̈ Körɛ̂nte 6:9 - Mbëtï Ndjapä: TÄFO MADƗ̈

⁹ Nyë wûn-âbo sə̂nə̈ pä azü ndə̂ andjë mbo ngbongbo rə gbôâbo tchô bhâlə̂ Gbölö gö-gbïɛ̈ ndə̂ Ndjapä? Nyë böloabô tə̂ nyê bôlo-ê: A-earə̂ kə̂ pu aɛ̈chë âdəndjë aköchë katchôgbɛ̂, azü ndə̂ andjë voga angakʉ̈lä, azü ndə̂ andjë pu aɛ̈chë âdəndjë aköchë ndə̂ angâ andjê, aköchë ndə̂ andjë lo la angâ andjê aköchë,

Dokʉ̈ Körɛ̂nte 6:9 Iomraidhean Croise

Matiyə̈ 19:29

Azü gbɛ̂ ndə̂ andjë gbôtə̂ nda ndə̂ andjê, ayîngâ andjê, anyînə̂ andjê, araabha andjê, araanyï andjê, abechë ndə̂ andjê la kɨ̈ndɨ̈ ndə̂ andjê bëte mê, andjê âkä gbo rə lâme sûsunə̈ ngbangbo balë, kə̂ gbo ndjë tchîsûwu ndə̂ logbɛ̂ logbɛ̂.

Matiyə̈ 25:34

Käko gbïɛ̈ âtoadje rə̂ sə̈ andjanə̈ ndə̂ andjë sə̂ də ndôkö päkëdə̂: ‹Nyë nə̈ atâ, nyënyê ndə̂ tchôtchô pö ndə̂ Bha mê wâ pâ nyê, nyë də̈ azü gö ndə̂ Gbölö gö-gbïɛ̈ ndə̂ tchêlafô, ndə̂ tche nyîkrə rə̂ alême bëte nyê dokʉ̈tchê ndə̂kə̂ pa a nyikrə tchîsûwu.

Lûke 21:8

Jezü tô rə̂ ndə̂nə̈ sə̈ andjê päkëdə̂: «La nyë gbö-ê, ngâ akrə böloabô nyê bôlo-ê! Bëte angbängbä azü ânəadje la rə̈ mê, kə̂ to rə̂ päkëdə̂: ‹Anyenyê kä ndə̂ âdə̂ Krîsiti› andjê toadje rə̂ me päkëdə̂: ‹Lo nə̈ tâ tâ nə̂!› Praâbalë nyë zäbô tchêngbâ andjê zâ-ê!

Abadjângele 20:32

«Angaâtə, më gbötə̂ nyê ëtchânə̂ Ndjapä. Më gbö ndjë tə̂ nyê ndə̂kə̂ pa pö ndə̂ tchôtchô su ndə̂ Ndjapä bata nyê. Ndjapä kä la gbôgbô ndə̂kə̂ kpokpo nyê, ndə̂kə̂ kʉ atchôtchô arə gbɛ̂ ndə̂ tche bâta rə̂ pra azü ndə̂ tche kʉ̂ andjê ngbî bëte tchë.

Abadjângele 24:25

Praâbalë ndə̂ Pôlo sə̂ lakə̂ to pö pâ kə̂ mbo rə djîrə̂, lakə̂ kitə̂ gʉ su, la pö ndə̂kə̂ wa ngbanga ndə̂ Ndjapä ndə̂ ânəadje tə̂ngâlo, wawa mbô Fëlîkese ânyë tche tô rə̂ sə̈ Pôlo päkëdə̂: «Andə̂ tchô angêta wä käko, âdə mê âgbo ngâ lö ânyë kə̂ kä eadje mö.»

Rômo 1:18

Bhâ lafô, Ndjapä nyïsə̂ mêrâ ndə̂ yê bëte rə̂ ndə̂ azü kôsə̂ yê, ndjë bëte ambə̈lï gbɛ̂ ndə̂ andjë mbô rə̂. Lə̂ köbosə̂ arə ndə̂ andjê, andjë mîɛ köbo tə̂ lëge pö.

Dokʉ̈ Körɛ̂nte 15:33

Nyë böloabô tə̂ nyê bôlo-ê: «Mo âmbo agü la ngbongbo akrə, kə̂ wadje tə̂ ngbongbo akrə.»

Dokʉ̈ Körɛ̂nte 15:50

Arə̂mä, pö ndə̂ më nyîndə̂ kə̂ to rə̂ kä âtə: Tə̂ azə̂ ndə̂ akrə wâbo ndə̂kə̂ gbo tchô bhâlə̂ Gbölö gö-gbïɛ̈ ndə̂ Ndjapä-a, rə ndə̂ âwâ ndə̂kə̂ ndɨ wâbo ndə̂kə̂ sə̈ pïï ëtə̂-a.

Dokʉ̈ Körɛ̂nte 3:16

Nyë wätə̂ gbölö nda ndə̂ Ndjapä, ndə̂ Yingö ndə̂ yê sə̂ lə̂ nyê. Nyë wûn-âbo sə̂nə̈ käko-ë?

Dokʉ̈ Körɛ̂nte 5:1

A djë rə̂ katchôgbɛ̂ pä bhândə̂ nyê, kə̂ pu aɛ̈chë âdəndjë aköchë katchôgbɛ̂ rö masə̂nə̈. Achengana azü ndə̂ andjë wûn-âbô sə̂ Ndjapä wûn, a gbôâbo ndjë rə̂ bhândə̂ andjê-a! A tö rə̂ pä ngâ akrə balë lə̂ gûtə̂ nyê kä lakə̂ sə la ɛ̈chë ndə̂ bha nə̈.

Dokʉ̈ Körɛ̂nte 5:10

Pö ndə̂ më tô rə̂ alême wûn-âbo azü gbɛ̂ pâ cho âtə ndə̂ andjë pu aköchë âdəndjë aɛ̈chë katchôgbɛ̂-a, azü ndə̂ andjë wâ la gʉ arə tchêbêche la a-earə̂ ngbä, âdəndjë azü ndə̂ andjë voga angakʉ̈lä. Âdə pö ndə̂ mê nə̈ âwatə̂ pö ndə̂ azü käko lâme gbɛ̂, dëkë äwä ndə̂kə̂ pa nyë gbo pâ cho âtə-ê.

Dokʉ̈ Körɛ̂nte 5:11

Praâbalë më mbö mbëtï lâme sə̈ nyê ndə̂kə̂ pa nyë ngboabô tə̂ nyê ngbô la ngâ akrə ndə̂ tche tô rə̂ pä ânyë də̈ akrə ndə̂ Krîsiti ngâ nyê, ânyë kə̂ pu aɛ̈chë âdəndjë aköchë katchôgbɛ̂, kə̂ wa la gbölö gʉ ndə̂kə̂ gbo arə gbɛ̂, kə̂ voga angakʉ̈lä, kə̂ to angbongbo pö tə̂ angâ yê, kə̂ watə̂ ngbâa ndə̂ pî lakə̂ watə̂ earə̂ ngbä. Âwâbo ndjë ndə̂kə̂ pa nyë zɨ rə la akrə käko-a.

Dokʉ̈ Körɛ̂nte 6:10

a-earə̂ ngbä, azü ndə̂ andjë wâ la gbölö gʉ ndə̂kə̂ gbo arə gbɛ̂, azü ndə̂ andjë wâtə̂ angbâa ndə̂ pî, azü ndə̂ andjë to angbongbo pö tə̂ angâ andjê, azü ndə̂ andjë kʉ rə tə̂ angâ andjê la gbôgbô, azü käko gbɛ̂ gboabô tchô bhâlə̂ Gbölö gö-gbïɛ̈ ndə̂ Ndjapä tee-a.

Dokʉ̈ Körɛ̂nte 6:18

Nyë kpë tə̂kə̂ pu aɛ̈chë âdəndjë aköchë katchôgbɛ̂! Adɨ̂ angbongbo rə gbɛ̂ ndə̂ akrə mbo rə̂ grʉ̂âbo tə̂ yê-a. Praâbalë âdə akrə âpu aɛ̈chë âdəndjë aköchë katchôgbɛ̂, dëkë tche sə̈ lakə̂ mbo ngbongbo rə tə̂ tə̂ yê la tə̂ yê.

Dokʉ̈ Körɛ̂nte 6:19

Nyë wûn-âbo sə̂nə̈ pä tə̂ nyê wätə̂ gbölö nda ndə̂ Kpɨ̂ki Yingö ndə̂ tche sə̂ lə̂ nyê lâme? Kpɨ̂ki Yingö lâme, Ndjapä kä ndə̂ âzâ tchë sə̈ nyê, nyë sə̂âbo kütû bëte nyê la tə̂ nyê-a.

Dokʉ̈ Körɛ̂nte 9:24

Nyë wûn-âbo sə̂nə̈ pä azü ndə̂ andjë pa adɨngâalî lə̂ la azü gbɛ̂, andjë kpë nyɛ̂ɛ̂ balë, praâbalë ngâ akrə balë kä ndə̂ âgbo tchôtchô rə ngbânə̈? Nyë pä adɨngâalî la känyï ndə̂kə̂ pa nyë gbo ngâ tchôtchô rə ngbânə̈.

Bïchuû Körɛ̂nte 12:21

Wawa mbö ndjë mê ndə̂kə̂ pa âdə mê âkä wutu bhândə̂ nyê, Ndjapä mbo ganô tə̂ mê lə̂ la nyê, ânyë mê sə lakə̂ kɨ tə̂ angbängbä azü lə̂ gbâtə̂ nyê, ndə̂ gbô andjê sə̂ lakə̂ mbo ngbongbo rə batə̂ anə̈ dokʉ̈tchê, ndə̂ andjë gbôâbô gbôtə̂ arə batə̂: Kə̂ wa la kâkpö, kə̂ pu aɛ̈chë âdəndjë aköchë katchôgbɛ̂, la angâ arə ganô.

Gälâte 6:7

Nyë böloabô tə̂ nyê bôlo-ê: Akrə wâbo ndə̂kə̂ mo Ndjapä-a, bëte rə ndə̂ akrə lû rə̂, tchê soadje ndjî nə̈.

Kölôse 3:5

Käko nyë jï agʉ tə̂ su nyê ndə̂ âmbo rə̂ pä nyë mbo angbongbo rə ndə̂ tchêbêche âtə batə̂: Kə̂ pu aɛ̈chë âdəndjë aköchë katchôgbɛ̂, kə̂ mbo arə kâkpö, gʉ tə̂ su akrə, gʉ ndə̂kə̂ mbo angbongbo rə la gbölö gʉ ndə̂kə̂ gbo rə ndə̂ âwâtə̂ ngâ köbo ndə̂kə̂ voga angakʉ̈lä.

Aheborö 12:14

Nyë pü köbo ndə̂kə̂ sə la zɨtɨ su la azü gbɛ̂, kə̂ mbo rə̂ pä tchîsûwu ndə̂ nyê daka gbɛ̂. Bëte ârə̂ âdəabô də̂ käko, akrə balë wun-abô Gbölö Gbïɛ̈ tee-a.

Aheborö 12:16

La nyê gbö-ê, ânyë akrə balë lə̂ gbâtə̂ nyê puabô aɛ̈chë âdəndjë aköchë pû katchôgbɛ̂! Nyê lüsə̂ arə ndə̂ âwâtə̂ andə̂ Ndjapä. Nyê mbôâbô rə mbô batə̂ Ezawü ndə̂ tche yôsə̂ tchô ndə̂ yê ndə̂ dokʉ̈ bechë bëte kalângʉ balë ndə̂ kɨ̈zɨ̂ lâme-ê.

Aheborö 13:4

Äwäpä azü gbɛ̂ lusə̂ kə̂ totə̂ ndə̂ köchë la ɛ̈chë. Äwäpä aköchë la aɛ̈chë bata tə̂ andjê lə̂ gbâtə̂ andjê. Bëte Ndjapä âwadje ngbanga pâ azü ndə̂ andjë pu aɛ̈chë âdəndjë aköchë katchôgbɛ̂, la andjanə̈ ndə̂ andjë pu aköchë âdəndjë aɛ̈chë ndə̂ azü.

Jâke 1:16

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë böloabô tə̂ nyê bôlo-ê.

Dokʉ̈ Jâan 3:7

Abechë ndə̂ mê, ngâ akrə balë yüäbô köbo nyê yû-î. Akrə ndə̂ tche mbô djîrə̂ rə, dëkë tche wätə̂ djîrə̂ akrə batə̂ Jezü ndə̂ tche wâ djîrə̂.

Apökälîbïchi 21:8

Andə̂ a-earə̂ gbugbu la azü ndə̂ andjë zâbô su andjê zâ sə̈ Ndjapä la a-earə̂ ngbongbo rə la a-earə̂ kə̂ won tchô la a-earə̂ kə̂ pu aɛ̈chë âdəndjë aköchë katchôgbɛ̂ la a-earə̂ yëwä la a-earə̂ kə̂ voga angakʉ̈lä la a-earə̂ yepa gbɛ̂; tchô ndə̂ andjê kä bhâlə̂ gbölö tïmï wo ndə̂ sûfre, ndə̂ âwâtə̂ bïchuû kuzü.»

Apökälîbïchi 22:15

Praâbalë a âyiadje azü kâkë atə̂ sûwu: Azü ndə̂ andjë mbo rə batə̂ aɛ̈vrô la a-earə̂ yëwä la azü ndə̂ andjë pu aɛ̈chë âdəndjë aköchë katchôgbɛ̂ la a-earə̂ kə̂ won azü la a-earə̂ kə̂ voga angakʉ̈lä la akrə balë balë gbɛ̂ ndə̂ tche nyîndə̂ yepa lakə̂ mo yepa!