Dokʉ̈ Körɛ̂nte 6:5 - Mbëtï Ndjapä: TÄFO MADƗ̈

⁵ Më tö pö lâme käko, bëte äwätə̂ ganô ndə̂ nyê. Käko lə̂ gbâtə̂ nyê, ngâ akrə balë ndə̂ küma yê wâ lanə̈, ndə̂ tche wâ la gbôgbô ndə̂kə̂ wa ngbanga ndə̂ pö lə̂ gûtə̂ arə̂mâ sə̂âbo?

Dokʉ̈ Körɛ̂nte 6:5 Iomraidhean Croise

Abadjângele 1:15

Tə̂ngâlo, azü ndə̂ Jezü pâlatə̂ andjê. Kə̂ ngba ndə̂ andjê gbɛ̂ wä ngbangbo balë la tə̂ akrə gbɛ̂ (120). Pîêre âlafô lə̂ gbâtə̂ andjê kə̈ tô rə̂ päkëdə̂:

Abadjângele 9:13

Änänîâse tô rə̂ ndə̂nə̈ päkëdə̂: «Gbölö Gbïɛ̈, më djë pö ndə̂ angbängbä azü tô rə̂ tə̂ köchë âtə, andjë tö ndjë pö ndə̂ angbongbo arə gbɛ̂ ndə̂ tche mbô rə̂ tə̂ azü ndə̂ zə̈ ndə̂ andjë sə̂ bhâ Jerûzalêmo.

Dokʉ̈ Körɛ̂nte 11:14

Äwätə̂ rə ganô ndə̂kə̂ pa köchë gbotə̂ su küma yê âgu! Tchîsûwu kä ndə̂ ânyîsə̂ arə käko sə̈ nyê.

Dokʉ̈ Körɛ̂nte 15:34

Nyë mbö rə batə̂ azü ndə̂ küma andjê wâ lanə̈, kə̂ mboabô ngbongbo rə mbô-ê! Bëte angâ azü lə̂ gbâtə̂ nyê wûn-abo sə̈ Ndjapä-a, më tö pö lâme bëte äwätə̂ ganô ndə̂ nyê.

Dokʉ̈ Körɛ̂nte 3:18

Âwâbo pä akrə bolotə̂ yê la tə̂ yê-a. Âdə ngâ akrə lə̂ gbâtə̂ nyê âwun rə̂ pä küma anyê kä lanə̈ batə̂ azü ndə̂ tchêbêche âtə, äwäpä tche watə̂ earə̂ nyî ânyë kə̂ watə̂ djîrə̂ akrə ndə̂ küma yê wâ lanə̈.

Dokʉ̈ Körɛ̂nte 4:10

Ârâ wätə̂ a-earə̂ nyî bëte Krîsiti, praâbalë nyënyê ndə̂ nye nə̈, nyë wätə̂ azü ndə̂ küma andjê wâ lanə̈ lə̂ köbosə̂ nə̈ ndə̂ nyë wâ balë la Krîsiti. Ârâ wâbo la gbôgbô-a, praâbalë nyë kä la gbôgbô. A lüsə̂ nyê, praâbalë kə̈ tâlusə̂ ârâ.

Dokʉ̈ Körɛ̂nte 4:14

Më mbôâbo mbëtï âtə sə̈ nyê ndə̂kə̂ za ganô lə̂ la nyê-a, praâbalë më nyïndə̂ kə̂ kra tü nyê dokʉ̈tchê batə̂ abechë ndə̂ mê ndə̂ më nyîndə̂ andjê tə̂ gbölösə̂nə̈.

Dokʉ̈ Körɛ̂nte 6:1

Âdə nyë âgbo pö la angâ nyê lə̂ gbâtə̂ nyê, kə̂ e la andjê atə̂ tchâtchu a-earə̂ kə̂ wa ngbanga də sûwu ndə̂ andjë wûn-âbô sə̂ Ndjapä wûn-î, ânyë kə̂ gbotə̂ kə̂ e la andjê atə̂ tchâtchu azü ndə̂ Ndjapä-ê. Atöko kä ndə̂ nyê alafô ndə̂kə̂ mbo tə̂ rə käko-ë?

Dokʉ̈ Körɛ̂nte 6:4

Âdə apö käko âwa lə̂ gbâtə̂ nyê, bëte giamâ kä ndə̂ nyê e la pö nə̈ atə̂ tchâtchu a-earə̂ kə̂ wa ngbanga də sûwu, ndə̂ Egilîze wûn andjê batə̂ ngâ mbämbä rə?

Jâke 1:5

Âdə ngâ akrə ndə̂ küma yê wâbô wâ lanə̈ âwa lə̂ gbâtə̂ nyê, äwäpä tche yukû nə̈ tchânə̂ Ndjapä, ndə̂ tche kʉ rə sə̈ azü gbɛ̂ la tchôtchô su, tchê zadje rə̂ sə̈ tchë, kə̂ yuabô ma akrə nə̈ pânə̈ tee-a.