Dokʉ̈ Körɛ̂nte 6:2 - Mbëtï Ndjapä: TÄFO MADƗ̈

² Nyë wûn-âbo sə̂nə̈ pä azü ndə̂ Ndjapä kä ndə̂ âwadje ngbanga ndə̂ azü tchêbêche âtə? Âdə nyënyê kä ndə̂ âwadje ngbanga ndə̂ azü tchêbêche âtə, atöko ânyë nyë wâbô wâ la gbôgbô ndə̂kə̂ wa ngbanga ndə̂ ayɛ̈yɛ̈ pö-ê?

Dokʉ̈ Körɛ̂nte 6:2 Iomraidhean Croise

Matiyə̈ 19:28

Jezü tô rə̂ sə̈ andjê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê: Lo nə̈ ndə̂ Modô ndə̂ Akrə ka ndə̂kə̂ sə pâ mbätä-gbïɛ̈ ndə̂ yê, nyënyê lə̂ könô gbɛ̂ tchêpâ nə̈ bïchuû ndə̂ nyë zâ tchêngbâ mê lâme, nyê səadje pâ ambätä-gbïɛ̈ lə̂ könô gbɛ̂ tchêpâ nə̈ bïchuû ndə̂kə̂ wa ngbanga pâ azü pâ mawo lə̂ könô gbɛ̂ tchêpâ nə̈ bïchuû ndə̂ Isarayële.

Lûke 22:30

Nyê zɨadje rə, kə̂ ndjoadje rə la mê lə̂ Gbölö gö-gbïɛ̈ ndə̂ mê. Nyê səadje lə̂ angendë-gbïɛ̈ ndə̂kə̂ wa ngbanga pâ azü pâ amawo ndə̂ Isarayële lə̂ könô gbɛ̂ tchêpâ nə̈ bïchuû.»

Rômo 6:16

Nyë wûn-âbo sə̂nə̈? Âdə nyê âzatə̂ nyê la ngbâa tchâtchâ ngâ akrə ndə̂kə̂ dje pö ma yê, dëkë nyë wâ nə̂ tə̂ ngbâa ndə̂ akrə nə̈ lâme. Änyïndə̂ kə̂ to rə̂ päkëdə̂, âdə nyê âzatə̂ nyê sə̈ ngbongbo rə, nyë wâ nə̂ tə̂ angbâa ndə̂ ngbongbo rə ânyë ngbongbo rə nə̈ âe la nyê pu kuzü. Âdə nyê âzatə̂ nyê batə̂ angbâa ndə̂kə̂ dje pö ma Ndjapä, Ndjapä nə̈ âmbo rə̂ pä nyê watə̂ adjîrə̂ azü lə̂ la yê.

Dokʉ̈ Körɛ̂nte 1:20

Akrə ndə̂ küma yê wâ lanə̈ sə̈ bhâ tchêbâ? Earə̂ kə̂ nyisə̂ ndïɛ̈ sə̈ bhâ tchêbâ? Earə̂ kə̂ to pö la köbo nə̈ ndə̂ tchô angêta sə̈ bhâ tchêbâ? Ndjapä mbôâbo rə̂ pä küma azü ndə̂ âwâ lanə̈ pâ cho âtə watə̂ nyî?

Dokʉ̈ Körɛ̂nte 1:21

Bëte azü pâ cho âtə, lə̂ köbosə̂ küma andjê ndə̂ âwâ lanə̈, andjë wûn-âbo sə̂ Ndjapä la küma yê ndə̂ âwâ lanə̈ lâme-a. Ädə̈ käko ânyë âdâka lə̂ la Ndjapä ndə̂kə̂ tcha andjanə̈ ndə̂ andjë zâ su andjê sə̈ tchë kütû lə̂ köbosə̂ pö ndə̂ ârâ mû rə̂, ndə̂ âwâ batə̂ pö nyî lâme.

Dokʉ̈ Körɛ̂nte 6:4

Âdə apö käko âwa lə̂ gbâtə̂ nyê, bëte giamâ kä ndə̂ nyê e la pö nə̈ atə̂ tchâtchu a-earə̂ kə̂ wa ngbanga də sûwu, ndə̂ Egilîze wûn andjê batə̂ ngâ mbämbä rə?

Bïchuû Körɛ̂nte 4:18

Rə ndə̂ azə̈ krʉ̂ bëte rə̂ də̂âbo rə ndə̂ akrə wun rə̂-a, praâbalë rə ndə̂ akrə wun rə̂ rôrö, ânyë rə ndə̂ akrə wûn-âbô rə̂ wûn äwä ndə̂ logbɛ̂ logbɛ̂.

Dokʉ̈ Tësälönîke 3:13

Äwäpä tche za gbôgbô tə̂ su nyê ânyë lo nə̈ ndə̂ Gbölö Gbïɛ̈ kangbâ yê la azü ndə̂ yê gbɛ̂, nyê watə̂ azü ndə̂ andjë wâ ngbî ânyë kə̈ dâka gbɛ̂ tchâtchu Ndjapä Bha azə̂, ndjë la azü ndə̂ pö wâbô wâ lə̂ küma andjê-ê.

Apökälîbïchi 20:4

Pânə̈ më wûn angendë-gbïɛ̈, ânyë a zâ gbôgbô sə̈ andjanə̈ ndə̂ andjë sə̂ pânə̈ ndə̂kə̂ wa ngbanga. Më wûn ndjë avrö azü ndə̂ a wâ gɨ̈ andjê bëte rə̂ ndə̂ andjë wûnsə̂ apö pâ Jezü ânyë kə̈ nyîsə̂ nə̈, ndjë la pö Ndjapä ndə̂ andjë mû rə̂. Andjë gʉ̂teabô tchâtchâ gia nə̈-a, âdəndjë nyîsɨ̂ yê-a, a gbôâbo ndjë sɨ̂nyî gia nə̈ pâ la andjê âdəndjë pâ könô andjê-a. Andjë jö lə̂ kuzü ânyë kə̈ mbô kümändëmä la Krîsiti lə̂ ngû sâke balë.

Apökälîbïchi 3:21

«Akrə ndə̂ tche rô lə̂ arə gbɛ̂ la gbôgbô, mê zadje köbo sə̈ tchë ndə̂kə̂ sə sə̂nə̈ balë la mê lə̂ ngendë-gbïɛ̈ ndə̂ mê, batə̂ rə̂ ndə̂ mëmê ndjë gbɛ̂, më rô lə̂ arə gbɛ̂ la gbôgbô ânyë kə̈ sə̂ sə̂nə̈ balë la Bha mê lə̂ ngendë-gbïɛ̈ ndə̂ yê.