Dokʉ̈ Körɛ̂nte 6:19 - Mbëtï Ndjapä: TÄFO MADƗ̈

¹⁹ Nyë wûn-âbo sə̂nə̈ pä tə̂ nyê wätə̂ gbölö nda ndə̂ Kpɨ̂ki Yingö ndə̂ tche sə̂ lə̂ nyê lâme? Kpɨ̂ki Yingö lâme, Ndjapä kä ndə̂ âzâ tchë sə̈ nyê, nyë sə̂âbo kütû bëte nyê la tə̂ nyê-a.

Dokʉ̈ Körɛ̂nte 6:19 Iomraidhean Croise

Jâan 2:21

Dëkë gbölö nda Ndjapä ndə̂ Jezü tô pö ndə̂nə̈ nə̂ lâme, wätə̂ tə̂ yê la tə̂ yê.

Rômo 8:9

Praâbalë âdə andə̂ nye nə̈, nyë kä mbôâbo rə gundə̂sə̂ angbongbo gʉ su nyê-a, ânyë kə̂ mbo rə gundə̂sə̂ rə ndə̂ Yingö nyîndə̂ nə̈, bëte Yingö ndə̂ Ndjapä sə̈ lə̂ su nyê. Âdə akrə âwabô wâ la Yingö ndə̂ Krîsiti-î, dëkë tche wâbo tə̂ akrə ndə̂ Krîsiti-a.

Dokʉ̈ Körɛ̂nte 3:16

Nyë wätə̂ gbölö nda ndə̂ Ndjapä, ndə̂ Yingö ndə̂ yê sə̂ lə̂ nyê. Nyë wûn-âbo sə̂nə̈ käko-ë?

Dokʉ̈ Körɛ̂nte 6:13

Angâ azü tö ndjë rə̂ päkëdə̂: «Kɨ̈zɨ̂ wä bëte tchə̂lə̂, ânyë tchə̂lə̂ wâ bëte kɨ̈zɨ̂.» Ɛn-ɛn, praâbalë Ndjapä ândɨadje kɨ̈zɨ̂ la tchə̂lə̂. Käko tə̂ akrə wâbo ndə̂kə̂ pa tche za rə̂ sə̈ ɛ̈chë âdəndjë köchë katchôgbɛ̂-a. Tə̂ akrə wä bëte Gbölö Gbïɛ̈, ânyë Gbölö Gbïɛ̈ wâ bëte tə̂ akrə.

Dokʉ̈ Körɛ̂nte 6:3

Nyë wûn-âbo sə̂nə̈ pä azə̈ kä ndə̂ âwadje ngbanga ndə̂ aânje? Âdə rə nə̈ âwa käko, atöko kä ndə̂ nyë wâbô ngbanga ndə̂ apö ndə̂ tchîsûwu âtə wâ-ê?

Bïchuû Körɛ̂nte 5:15

Tche tchü bëte azü gbɛ̂ ndə̂kə̂ pa azü ndə̂ andjë wâ la tʉ̂rʉ la andjê wa bata wâ la tʉ̈rʉ̂ la andjê bëte andjê la tə̂ andjê, praâbalë andjë wä la tʉ̈rʉ̂ la andjê bëte tchanə̈ ndə̂ tche tchû ânyë kə̈ jô lə̂ kuzü bëte andjê.

Bïchuû Körɛ̂nte 6:16

Giamâ kä ndə̂ âwâ balë lə̂ gbâtə̂ gbölö nda Ndjapä la angakʉ̈lä? Bëte azə̈ wätə̂ nda Ndjapä ndə̂ tche wâ la tʉ̈rʉ̂ la yê, batə̂ rə̂ ndə̂ Ndjapä la tə̂ yê tô rə̂ päkëdə̂: «Mê səadje lə̂ gbâtə̂ azü ndə̂ mê, kə̂ nəadje lə̂ gbâtə̂ andjê, mê wadje tə̂ Ndjapä ndə̂ andjê, ânyë andjê wadje tə̂ azü ndə̂ mê.»

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Jâke 4:5

Âdəndjë rə̂, nyë wûntî pä pö ndə̂ Mbëtï Ndjapä tô rə̂ lâme wätə̂ mbämbä pö? Ndə̂ âtô rə̂ päkëdə̂: «Yingö ndə̂ Ndjapä zâ rə̂ lə̂ azə̂ lâme, tche kï pânə̈ tə̂ gbölösə̂nə̈.»

Dokʉ̈ Pîêre 2:5

Nyënyê ndjë gbɛ̂, nyë sə̈ batə̂ atäme ndə̂ âwâ la tchîsûwu, ndə̂kə̂ pa a kʉ nyê kə̂ mbo nyê la gbölö nda Ndjapä ndə̂ Yingö mbô rə̂. Käko nyê wadje tə̂ kpûlû ndə̂ a-earə̂ kə̂ wa ngela sə̈ Ndjapä ndə̂ andjë dâka gbɛ̂ lə̂ la Ndjapä, ânyë kə̂ wa ngela ndə̂ Yingö nyisə̂ nə̈ sə̈ nyê, ndə̂ âfû lə̂ la Ndjapä lə̂ köbosə̂ Jezü Krîsiti.