Dokʉ̈ Körɛ̂nte 6:19 - Mbëtï Ndjapä: TÄFO MADƗ̈19 Nyë wûn-âbo sə̂nə̈ pä tə̂ nyê wätə̂ gbölö nda ndə̂ Kpɨ̂ki Yingö ndə̂ tche sə̂ lə̂ nyê lâme? Kpɨ̂ki Yingö lâme, Ndjapä kä ndə̂ âzâ tchë sə̈ nyê, nyë sə̂âbo kütû bëte nyê la tə̂ nyê-a. Faic an caibideil |
Angâ azü tö ndjë rə̂ päkëdə̂: «Kɨ̈zɨ̂ wä bëte tchə̂lə̂, ânyë tchə̂lə̂ wâ bëte kɨ̈zɨ̂.» Ɛn-ɛn, praâbalë Ndjapä ândɨadje kɨ̈zɨ̂ la tchə̂lə̂. Käko tə̂ akrə wâbo ndə̂kə̂ pa tche za rə̂ sə̈ ɛ̈chë âdəndjë köchë katchôgbɛ̂-a. Tə̂ akrə wä bëte Gbölö Gbïɛ̈, ânyë Gbölö Gbïɛ̈ wâ bëte tə̂ akrə.
Giamâ kä ndə̂ âwâ balë lə̂ gbâtə̂ gbölö nda Ndjapä la angakʉ̈lä? Bëte azə̈ wätə̂ nda Ndjapä ndə̂ tche wâ la tʉ̈rʉ̂ la yê, batə̂ rə̂ ndə̂ Ndjapä la tə̂ yê tô rə̂ päkëdə̂: «Mê səadje lə̂ gbâtə̂ azü ndə̂ mê, kə̂ nəadje lə̂ gbâtə̂ andjê, mê wadje tə̂ Ndjapä ndə̂ andjê, ânyë andjê wadje tə̂ azü ndə̂ mê.»
Nyënyê ndjë gbɛ̂, nyë sə̈ batə̂ atäme ndə̂ âwâ la tchîsûwu, ndə̂kə̂ pa a kʉ nyê kə̂ mbo nyê la gbölö nda Ndjapä ndə̂ Yingö mbô rə̂. Käko nyê wadje tə̂ kpûlû ndə̂ a-earə̂ kə̂ wa ngela sə̈ Ndjapä ndə̂ andjë dâka gbɛ̂ lə̂ la Ndjapä, ânyë kə̂ wa ngela ndə̂ Yingö nyisə̂ nə̈ sə̈ nyê, ndə̂ âfû lə̂ la Ndjapä lə̂ köbosə̂ Jezü Krîsiti.