Dokʉ̈ Körɛ̂nte 6:15 - Mbëtï Ndjapä: TÄFO MADƗ̈

¹⁵ Nyë wûn-âbo sə̂nə̈ pä atchâme-tə̂ nyê də̈ tchâkalâ atchâme-tə̂ Krîsiti? Ndə̂ âdə̂ käko, më âza tchâkalâ tə̂ Krîsiti nə̈ ndə̂kə̂ mbo rə̂ pä äwatə̂ tchâkalâ ngâ ɛ̈chë ndə̂ kua ndə̂ yê wâ ndə̂kə̂ pu aköchë katchôgbɛ̂? Âdə̂âbo käko-a!

Dokʉ̈ Körɛ̂nte 6:15 Iomraidhean Croise

Lûke 20:16

Tchê kadje, kə̂ won-adje a-earə̂ kə̂ djo kɨ̈ndɨ̈ vînye nə̈ gbɛ̂ ânyë kə̂ gbotə̂ kɨ̈ndɨ̈ nə̈ ëtchânə̂ angâ azü ngbî.» Ndə̂ azü nə̈ djê pö lâme, andjë tô rə̂ päkëdə̂: «Rə nə̈ âmboabô balë tee-a!»

Rômo 12:5

Azəzə̂ ndjë gbɛ̂, azə̈ wä ndjë käko. Ndə̂ azə̈ ngbângbä lâme, azə̈ wä batə̂ tə̂ akrə balë lə̂ köbosə̂ nə̈ ndə̂ azə̈ wâ balë la Krîsiti. Azə̈ wä balë la angâ azə̂ lə̂ gbâtə̂ azə̂, ânyë akrə balë balë lə̂ kpâlâ yê, tche wä batə̂ atchâme-tə̂ akrə.

Rômo 3:31

Käko azə̈ wün ndïɛ̈ batə̂ mbämbä rə? Ndə̂ azə̈ zâ su azə̂ sə̈ Jezü Krîsiti âtə? Âdə̂âbo käko-a! Azə̈ mbö rə̂ ndə̂kə̂ pa ndïɛ̈ nə̈ lu lə̂ la azü.

Rômo 3:6

Âdə̂âbo käko-a! Âdə rə nə̈ âwa käko, atöko kä ndə̂ Ndjapä wa ngbanga lə̂ küma azü?

Rômo 6:15

Pö lâme nyïndə̂ kə̂ to rə̂ atöko? Ndə̂ azə̈ wûtu tchâtchâ ndïɛ̈ ânyë kə̈ wâ tchâtchâ tchôtchô su ndə̂ Ndjapä lâme, ârə̂ kä ndə̂ âzâ köbo sə̈ azə̂ ndə̂kə̂ mbo ngbongbo rə? Âdə̂âbo käko-a!

Rômo 6:2

Âdə̂âbo käko-a! Ndə̂ azə̈ tchû, ânyë tchə̂lə̂ tə̂ azə̂ krʉ̂ la ngbongbo rə lâme, atöko kä ndə̂ azə̈ ndəpo lakə̂ mbo ngbongbo rə etə̂?

Rômo 7:13

Rə ndə̂ âwâtə̂ tchôtchô rə kä âkə̂ watə̂ rə ndə̂ âwon mê? Âdə̂âbo käko-a! Praâbalë ngbongbo rə kä ndə̂ âwon mê: Ngbongbo rə zä rə ndə̂ âwâtə̂ tchôtchô nə̈ ndə̂kə̂ won mê la rə̂, ndə̂kə̂ nyisə̂ nə̈ pä tche wätə̂ ngbongbo rə tə̂ lëge nə̈. Bëte rə̂ kä lə̂ köbosə̂ ndïɛ̈, ngbongbo rə nyïsə̂ nə̈ pä anyë wätə̂ ngbongbo rə tə̂ lëge nə̈.

Rômo 7:7

Käko pö giamâ kä ndə̂ azə̈ to rə̂? Ndïɛ̈ wätə̂ ngbongbo rə? Âdə̂âbo käko-a! Praâbalë ndïɛ̈ kä ndə̂ ânyisə̂ kə̂ wunsə̂ ngbongbo rə sə̈ mê. Ndïɛ̈ tö rə̂ päkëdə̂: «Mboabô gʉ rə ndə̂ akrə mbô-ê!» Âdə ndïɛ̈ âtoabô pö tô pâ kə̂ mbo gʉ rə ndə̂ akrə-ê, mê wun-abô ndjë sə̂nə̈ tee-a.

Dokʉ̈ Körɛ̂nte 11:3

Më nyïndə̂ nə̈ pä nyë wunsə̂ pö âtə: Krîsiti də̈ akrə tə̂ küma aköchë gbɛ̂, köchë də̈ akrə tə̂ küma ɛ̈chë, Ndjapä wätə̂ akrə tə̂ küma Krîsiti.

Dokʉ̈ Körɛ̂nte 12:27

Dëkë nyënyê gbɛ̂ nyë wätə̂ tə̂ Krîsiti, nyënyê balë balë gbɛ̂ nyë wätə̂ atchâme-tə̂ yê.

Dokʉ̈ Körɛ̂nte 6:13

Angâ azü tö ndjë rə̂ päkëdə̂: «Kɨ̈zɨ̂ wä bëte tchə̂lə̂, ânyë tchə̂lə̂ wâ bëte kɨ̈zɨ̂.» Ɛn-ɛn, praâbalë Ndjapä ândɨadje kɨ̈zɨ̂ la tchə̂lə̂. Käko tə̂ akrə wâbo ndə̂kə̂ pa tche za rə̂ sə̈ ɛ̈chë âdəndjë köchë katchôgbɛ̂-a. Tə̂ akrə wä bëte Gbölö Gbïɛ̈, ânyë Gbölö Gbïɛ̈ wâ bëte tə̂ akrə.

Dokʉ̈ Körɛ̂nte 6:17

Praâbalë akrə ndə̂ tche ngbôtə̂ yê balë la Gbölö Gbïɛ̈, andjë ngbö kə̈ wâ batə̂ akrə balë lə̂ köbosə̂ Yingö.

Dokʉ̈ Körɛ̂nte 6:19

Nyë wûn-âbo sə̂nə̈ pä tə̂ nyê wätə̂ gbölö nda ndə̂ Kpɨ̂ki Yingö ndə̂ tche sə̂ lə̂ nyê lâme? Kpɨ̂ki Yingö lâme, Ndjapä kä ndə̂ âzâ tchë sə̈ nyê, nyë sə̂âbo kütû bëte nyê la tə̂ nyê-a.

Dokʉ̈ Körɛ̂nte 6:3

Nyë wûn-âbo sə̂nə̈ pä azə̈ kä ndə̂ âwadje ngbanga ndə̂ aânje? Âdə rə nə̈ âwa käko, atöko kä ndə̂ nyë wâbô ngbanga ndə̂ apö ndə̂ tchîsûwu âtə wâ-ê?

Gälâte 2:17

Praâbalë âdə ârâ âpu köbo ndə̂kə̂ wa djîrə̂ lə̂ la Ndjapä lə̂ köbosə̂ Krîsiti, ânyë a wûn ndjë ârâ batə̂ a-earə̂ ngbongbo rə, änyïndə̂ kə̂ to rə̂ pä Krîsiti ë la ârâ ndə̂kə̂ mbo ngbongbo rə? Âdə̂âbo käko-a.

Gälâte 3:21

Käko änyïndə̂ kə̂ to rə̂ päkëdə̂ ndïɛ̈ wä ngbî tə̂kə̂ za bâlâ ndə̂ Ndjapä? Âdə̂âbo käko-a! Âdə a âza ngâ ndïɛ̈ alême ndə̂ âwâ ndə̂kə̂ za tchîsûwu sə̈ azü, dëkë akrə wä ndə̂kə̂ wa djîrə̂ lə̂ la Ndjapä lə̂ köbosə̂ ndïɛ̈ nə̈.

Gälâte 6:14

Âdə andə̂ me nə̈, tə̂ mê krâbo tə̂ ngâ rə ngbî-a, tə̂ më krä kütû tə̂ pö ndə̂ yö ndə̂ gba ndə̂ Gbölö Gbïɛ̈ ndə̂ azə̂ Jezü Krîsiti. Lə̂ köbosə̂ yö ndə̂ gba nə̈, arə tchêbêche âtə tchû lə̂ mê nə̂, ânyë më tchû ndjë tə̂ pö ndə̂ arə tchêbêche nə̂.

Ëfêze 4:12

Tche kʉ̈ arə nə̈ lâme käko ndə̂kə̂ pa azü ndə̂ Ndjapä gbo köbo ndə̂kə̂ mbo kua ndə̂ Ndjapä zâ rə̂ sə̈ andjê ânyë tə̂ Krîsiti ge,

Ëfêze 5:23

Bëte köchë də̈ akrə tə̂ küma ɛ̈chë batə̂ rə̂ ndə̂ Krîsiti də̂ akrə tə̂ küma Egilîze. Krîsiti nə̈ də̈ Earə̂ kə̂ tcha Egilîze ndə̂ âdə̂ tə̂ yê.

Ëfêze 5:30

Bëte azə̈ də̈ atchâme-tə̂ ndə̂ tə̂ yê.

Kölôse 2:19

Azü käko wâbo ndə̂kə̂ pi ëtə̂ Krîsiti-a, ndə̂ tche wâ batə̂ küma akrə. Bëte küma akrə kä ndə̂ tə̂ akrə gbo rə gbɛ̂ ndə̂ tche nyîndə̂ nə̈, bëte tchë kä ndə̂ atâtäkpa sə̂ agbäbï la ambë palatə̂ andjê kə̂ wa balë, kə̂ kʉche batə̂ rə̂ ndə̂ Ndjapä nyîndə̂ nə̈.