Dokʉ̈ Körɛ̂nte 6:14 - Mbëtï Ndjapä: TÄFO MADƗ̈

¹⁴ Ndjapä ndə̂ tche jô Gbölö Gbïɛ̈ lə̂ kuzü lâme, tchê joadje ndjë azə̂ lə̂ kuzü lə̂ köbosə̂ gbôgbô ndə̂ yê.

Dokʉ̈ Körɛ̂nte 6:14 Iomraidhean Croise

Abadjângele 17:31

Tche nyîkrə ngâ lö nə̂ ndə̂ tchê wadje ngbanga ndə̂ azü gbɛ̂ djîrə̂ lə̂ köbosə̂ akrə ndə̂ tche nyîsə̂ yê. Tche nyïsə̂ nə̈ sə̈ azü lə̂ köbosə̂ nə̈ ndə̂ tche jô tchë lə̂ kuzü.»

Abadjângele 2:24

Praâbalë Ndjapä jô tchë lə̂ kuzü lakə̂ ji tchë lə̂ nyonyo ndə̂ kuzü, bëte kuzü wâbo la gbôgbô ndə̂kə̂ kitə̂ yê-a.

Abadjângele 2:32

«Jezü lâme, Ndjapä jö tchë lə̂ kuzü, azə̂ gbɛ̂ wûn rə̂ la la azə̂ nə̂.

Rômo 8:11

Âdə Kpɨ̂ki Yingö ndə̂ tche jô Jezü lə̂ kuzü âsə lə̂ su nyê, käko Ndjapä ndə̂ tche jô Krîsiti lə̂ kuzü lâme, tchê zadje ndjë tchîsûwu sə̈ tə̂ nyê ndə̂ âwâ ndə̂kə̂ tchûtchü lâme, lə̂ köbosə̂ Yingö ndə̂ yê ndə̂ âsə̂ lə̂ su nyê.

Dokʉ̈ Körɛ̂nte 15:23

Praâbalë lö akrə balë balë âta tâ ânyë tche jo lə̂ kuzü: Dokʉ̈ akrə nə̈ də̈ Krîsiti, pânə̈ azü ndə̂ Krîsiti joadje kpô lo kə̂ ka ndə̂ yê.

Bïchuû Körɛ̂nte 13:4

Tə̂ lëge nə̈, a wön tchë pâ yö ndə̂ gba bëte tche wâbo la gbôgbô-a, praâbalë angaâtə tche wä la tchîsûwu lə̂ köbosə̂ gbôgbô ndə̂ Ndjapä. Azə̂ ndjë gbɛ̂, ndə̂ azə̈ wâ la tchë balë, azə̈ wâbo la gbôgbô-a, praâbalë ârâ nyïsə̂ nə̈ sə̈ nyê pä azə̂ wadje la tchîsûwu balë la tchë lə̂ köbosə̂ gbôgbô ndə̂ Ndjapä.

Bïchuû Körɛ̂nte 4:14

Tə̂ lëge nə̈, azə̈ wûnsə̂ nə̈ nə̂ pä Ndjapä ndə̂ tche jô Gbölö Gbïɛ̈ Jezü lə̂ kuzü, tchê joadje ndjë azə̂ balë la Jezü, kə̂ mboadje rə̂ pä ârâ la nyê wutu tchâtchu yê.

Fïlîpe 3:21

Tchê mboadje rə̂ pä tə̂ azə̂ ndə̂ ganô âtə wa batə̂ tə̂ yê ndə̂ tchêlafô. Lə̂ köbosə̂ gbôgbô ndə̂ yê, ndə̂ âmbo rə̂ pä tche kʉ arə gbɛ̂ tchâtchâ kümändëmä ndə̂ yê.

Dokʉ̈ Tësälönîke 4:14

Bëte âdə azə̂ âgamba rə̂ pä Jezü tchû kə̈ jô lə̂ kuzü nə̂, dëkë azü ndə̂ andjë wâ balë la Krîsiti ânyë kə̈ tchû lâme, Ndjapä joadje andjê lə̂ kuzü ânyë kə̂ paladje andjê ndə̂kə̂ sə la Jezü sə̂nə̈ balë.