Dokʉ̈ Körɛ̂nte 6:13 - Mbëtï Ndjapä: TÄFO MADƗ̈

¹³ Angâ azü tö ndjë rə̂ päkëdə̂: «Kɨ̈zɨ̂ wä bëte tchə̂lə̂, ânyë tchə̂lə̂ wâ bëte kɨ̈zɨ̂.» Ɛn-ɛn, praâbalë Ndjapä ândɨadje kɨ̈zɨ̂ la tchə̂lə̂. Käko tə̂ akrə wâbo ndə̂kə̂ pa tche za rə̂ sə̈ ɛ̈chë âdəndjë köchë katchôgbɛ̂-a. Tə̂ akrə wä bëte Gbölö Gbïɛ̈, ânyë Gbölö Gbïɛ̈ wâ bëte tə̂ akrə.

Dokʉ̈ Körɛ̂nte 6:13 Iomraidhean Croise

Matiyə̈ 15:17

Nyë wûn-âbo sə̂nə̈ pä rə gbɛ̂ ndə̂ âli âtə̂lə̂ ma akrə, ärö atə̂lə̂ akrə dokʉ̈tchê ânyë kə̂ e âtə̂lə̂ güsü?

Matiyə̈ 15:20

Arə lâme kä ndə̂ âmbo rə̂ pä azü wa la kâkpö. Praâbalë kə̂ zɨ rə la kâkpö könô, ndə̂ âwâbô wâ gundə̂sə̂ ndïɛ̈ ndə̂ araâta lâme, mbôâbo rə̂ pä azü wa la kâkpö-a.»

Mâreke 7:19

Bëte rə nə̈ lâme lîâbo atə̂lə̂ su yê-a, praâbalë älï atə̂lə̂ yê dokʉ̈tchê, pânə̈ âwutu kə̂ e atə̂lə̂ güsü.» Jezü tö pö lâme käko ndə̂kə̂ nyisə̂ nə̈ pä akɨ̈zɨ̂ gbɛ̂ wätə̂ tchôtchô nə̈.

Jâan 6:27

Nyë mböäbô kua mbô bëte kɨ̈zɨ̂ ndə̂ âwâ ndə̂kə̂ ndɨ-ê, praâbalë äwäpä nyë mbo kua bëte kɨ̈zɨ̂ ndə̂ âza tchîsûwu ndə̂ logbɛ̂ logbɛ̂ sə̈ azü. Modô ndə̂ Akrə kä ndə̂ âzadje kɨ̈zɨ̂ nə̈ lâme sə̈ nyê, bëte tchetchë kä ndə̂ Ndjapä Bha mbô ngâ nyîsɨ̂ ndə̂ gbôgbô ëtə̂ yê.»

Jâan 6:49

Araâta nyê zɨ̈ mâne alême lə̂ kpaɛ̈gâ, praâbalë andjë tchû-î.

Rômo 12:1

Arə̂mä ndə̂ mê, batə̂ rə̂ ndə̂ Ndjapä wûn nyonyo azə̂ lâme, më yükû nə̈ sə̈ nyê ndə̂kə̂ pa nyë zatə̂ nyê gbɛ̂ sə̈ Ndjapä batə̂ ngela ndə̂ a wâ rə̂ sə̈ Ndjapä, ngela ndə̂ âwâ ngbî, kə̈ wâtə̂ tchôtchô nə̈ ânyë kə̈ fû tə̂ yê. Lëge köbo ndə̂kə̂ pa nyë voga Ndjapä la rə̂ kä lâme.

Rômo 14:17

Gbölö gö-gbïɛ̈ ndə̂ Ndjapä wâbo ndə̂kə̂ zɨ kɨ̈zɨ̂ âdəndjë ndə̂kə̂ ndjo rə-a, praâbalë äwä ndə̂kə̂ mbo rə djîrə̂, ndə̂kə̂ sə la zɨtɨ su la mômô ndə̂ Kpɨ̂ki Yingö za rə̂ sə̈ akrə.

Rômo 6:12

Bëte rə̂ kä ndə̂, äwäpä ngbongbo rə ka wâbô wâ la gbôgbô pâ tə̂ nyê ndə̂ âtchuadje lâme-ê. Käko ânyë nyê mboabô rə mbô gundə̂sə̂ angbongbo gʉ su nyê.

Rômo 7:4

Arə̂mâ ndə̂ mê, rə nə̈ wä ndjë käko tə̂ pö ndə̂ nyê. Lə̂ köbosə̂ kuzü ndə̂ Krîsiti tchû rə̂, nyë tchû ndjë nə̂, kə̈ wûtu tchâtchâ ndïɛ̈ nə̂, ânyë kə̈ wâ bëte ngâ akrə ngbî. Angaâtə, nyë wätə̂ azü ndə̂ Krîsiti ndə̂ tche jô lə̂ kuzü lâme. Nyë wätə̂ azü ndə̂ yê ndə̂kə̂ pa azə̈ mbo atchôtchô arə bëte Ndjapä.

Dokʉ̈ Körɛ̂nte 3:16

Nyë wätə̂ gbölö nda ndə̂ Ndjapä, ndə̂ Yingö ndə̂ yê sə̂ lə̂ nyê. Nyë wûn-âbo sə̂nə̈ käko-ë?

Dokʉ̈ Körɛ̂nte 6:15

Nyë wûn-âbo sə̂nə̈ pä atchâme-tə̂ nyê də̈ tchâkalâ atchâme-tə̂ Krîsiti? Ndə̂ âdə̂ käko, më âza tchâkalâ tə̂ Krîsiti nə̈ ndə̂kə̂ mbo rə̂ pä äwatə̂ tchâkalâ ngâ ɛ̈chë ndə̂ kua ndə̂ yê wâ ndə̂kə̂ pu aköchë katchôgbɛ̂? Âdə̂âbo käko-a!

Dokʉ̈ Körɛ̂nte 6:19

Nyë wûn-âbo sə̂nə̈ pä tə̂ nyê wätə̂ gbölö nda ndə̂ Kpɨ̂ki Yingö ndə̂ tche sə̂ lə̂ nyê lâme? Kpɨ̂ki Yingö lâme, Ndjapä kä ndə̂ âzâ tchë sə̈ nyê, nyë sə̂âbo kütû bëte nyê la tə̂ nyê-a.

Bïchuû Körɛ̂nte 11:2

Më mbö kû tə̂ nyê, kû nə̈ lâme tö bhândə̂ Ndjapä. Më zä bâlâ tə̂ nyê ndə̂kə̂ to nyê sə̈ ngâ köchë balë, tche də̈ Krîsiti. Më nyïndə̂ kə̂ ma nyê tə̂ yê batə̂ ngâ bechë-ɛ̈chë ndə̂ tche wûn-âbô sə̂ aköchë wûn-î.

Bïchuû Körɛ̂nte 5:15

Tche tchü bëte azü gbɛ̂ ndə̂kə̂ pa azü ndə̂ andjë wâ la tʉ̂rʉ la andjê wa bata wâ la tʉ̈rʉ̂ la andjê bëte andjê la tə̂ andjê, praâbalë andjë wä la tʉ̈rʉ̂ la andjê bëte tchanə̈ ndə̂ tche tchû ânyë kə̈ jô lə̂ kuzü bëte andjê.

Gälâte 5:24

Andjanə̈ ndə̂ andjë wâ balë la Krîsiti, andjë wôn ngbongbo gʉ su andjê la kua nə̈ pâ yö ndə̂ gba nə̂.

Ëfêze 5:23

Bëte köchë də̈ akrə tə̂ küma ɛ̈chë batə̂ rə̂ ndə̂ Krîsiti də̂ akrə tə̂ küma Egilîze. Krîsiti nə̈ də̈ Earə̂ kə̂ tcha Egilîze ndə̂ âdə̂ tə̂ yê.