Dokʉ̈ Körɛ̂nte 6:12 - Mbëtï Ndjapä: TÄFO MADƗ̈

¹² Angâ azü tö rə̂ päkëdə̂: «A zä köbo sə̈ anyë ndə̂kə̂ mbo arə gbɛ̂.» Tə̂ lëge nə̈, praâbalë rə gbɛ̂ də̂âbo rə̂ ndə̂ âdâka la nyê-a. Më tö ndjë rə̂ pä «A zä köbo sə̈ mê ndə̂kə̂ mbo arə gbɛ̂.» Praâbalë më nyîâbo ndə̂kə̂ watə̂ ngbâa ndə̂ ngâ rə balë-a.

Dokʉ̈ Körɛ̂nte 6:12 Iomraidhean Croise

Jâan 5:10

Ajuîfu tô rə̂ sə̈ köchë ndə̂ tə̂ yê dâka lâme päkëdə̂: «Angêta wätə̂ lö sabäa, ndïɛ̈ zâbo köbo sə̈ mö ndə̂kə̂ pa mo za kʉ̈ngrʉ ndə̂ zə̈ kə̂ nə la rə̂-a.»

Rômo 7:14

Azə̈ wûnsə̂ nə̈ nə̂ pä ndïɛ̈ wätə̂ rə ndə̂ Yingö. Andə̂ me nə̈, më wätə̂ mbämbä akrə. A yösə̂ mê sə̈ ngbongbo rə ânyë më wâtə̂ ngbâa ndə̂ ngbongbo rə nə̈.

Dokʉ̈ Körɛ̂nte 8:4

Käko äwä ndə̂kə̂ zɨ gûsû ndə̂ a wâ rə̂ la ngela sə̈ angakʉ̈lä ämbänə̈? Azə̈ wûnsə̂ nə̈ nə̂ pä ngâ ngakʉ̈lä balë sə̂âbo pâ cho âtə-a, ânyë ngâ ndjapä ngbî wâbo-a, kütû Ndjapä balë.

Dokʉ̈ Körɛ̂nte 9:12

Âdə angâ azü âyukû rə nə̈ tchânə̂ nyê, bëte giamâ kä ndə̂ ârâ yuabô kû nə̈ yû âro andə̂ andjanə̈ lâme? Praâbalë ârâ mbôâbo tâ käko-a. Ârâ rʉ̈ätə̂ su ârâ pâ arə gbɛ̂, ânyë kə̂ mboabô ngâ rə mbô ndə̂ âkitə̂ köbo tə̂ Tchôtchô Pö ndə̂ Krîsiti-î.

Dokʉ̈ Körɛ̂nte 9:27

Më mbö arə gbôgbô tə̂ tə̂ mê, ndə̂kə̂ pa ädje mê. Ârə̂ âdəabô də̂ käko-ë, Tchôtchô Pö ndə̂ mê mu rə̂ lâme, mê âwutu lə̂nə̈ kênê ämbänə̈.

Bïchuû Tësälönîke 3:9

Äkä la köbo nə̈ ndə̂kə̂ pa ârâ yukû rə tchânə̂ nyê, praâbalë ârâ yûâbo kû nə̈-a, bëte ârâ nyïndə̂ nə̈ pä nyë mbo rə batə̂ ârâ.

Jûde 1:12

Andjendjê kä ndə̂ âwâ batə̂ kâkpö lə̂ kɨ̈zɨ̂ ndə̂ nyê ngbotâ nyɛ̂ɛ̂ balë, ânyë kə̂ zɨ rə̂ lə̂ gbâtə̂ nyê. Andjë zɨ̂âbo rə lakə̂ ndjo rə la ganô-a. Andjë wün kütû gʉ tchə̂lə̂ andjê. Andjë wä batə̂ ndrö ndə̂ yi rô la rə̂ ânyë nyïvrö nyîâbô nyî. Andjë wä batə̂ angâ ayö ndə̂ lo kə̂ le ndə̂nə̈ âta nə̂, âlêâbo balë-a, âdə a âsu da nə̈ âtchu tratralë.