Dokʉ̈ Körɛ̂nte 6:11 - Mbëtï Ndjapä: TÄFO MADƗ̈

¹¹ Angâ azü lə̂ gbâtə̂ nyê wä alême käko. Praâbalë Ndjapä kô pö lə̂ küma nyê nə̂, kə̈ kʉ̂ nyê ngbî ânyë nyë dâka gbɛ̂ bëte tchë, kə̈ mbô rə̂ pä nyë wa djîrə̂ lə̂ la yê la rə̈ Gbölö Gbïɛ̈ Jezü Krîsiti ndjë la Kpɨ̂ki Yingö ndə̂ azə̂.

Dokʉ̈ Körɛ̂nte 6:11 Iomraidhean Croise

Matiyə̈ 20:4

Tche tô rə̂ sə̈ andjê päkëdə̂: ‹Nyënyê ndjë gbɛ̂, äwäpä nyë e kə̂ mbo kua bhâlə̂ kɨ̈ndɨ̈ vînye ndə̂ mê. Më âkʉ makətche sə̈ nyê gundə̂sə̂ kua ndə̂ nyê mbo rə̂.›

Lûke 18:14

Jezü kâ tö rə̂ päkëdə̂: «Më tö rə̂ sə̈ nyê: Earə̂ kə̂ pala makətche-lapöo lâme âsə̈ gu atə̂ndə̂ yê, dëkë tche dâka tchâtchu Ndjapä nə̂, âdə̂âbo farizïɛ̈n lâme-a. Bëte akrə ndə̂ tche mbôtə̂ yê gbölö, a âmboadje tchë, tche wa kpîɛ̂kpîɛ̂ rə̂, ânyë akrə ndə̂ tche mbôtə̂ yê kpîɛ̂kpîɛ̂ rə̂, a âmboadje tchë, tche wa gbölö.»

Jâan 13:10

Jezü tô rə̂ sə̈ tchë päkëdə̂: «Akrə ndə̂ tche djûtu kʉ̂tê yê nə̂, tche kä wâbo ndə̂kə̂ djutu kʉ̂tê yê-a, praâbalë tche wä kütû ndə̂kə̂ djutu da yê, bëte tche grô nə̈ gbɛ̂. Dëkë kʉ̂tê nyê grô nə̂, praâbalë âdə̂âbo nyënyê gbɛ̂-a.»

Jâan 13:8

Pîêre tô rə̂ ndə̂nə̈ sə̈ tchë päkëdə̂: «Âdəabô käko balë tee-a, mô djutuabô da mê tee-a!» Jezü tô rə̂ sə̈ tchë päkëdə̂: «Âdə mê âdjutuabô da zə̈ djûtu, dëkë ngâ rə balë ndə̂ âkä pâla mê la mö wabô tee-a.»

Jâan 5:4

Bëte ngâ ânje ndə̂ Gbölö Gbïɛ̈ jrë tə̂ngâlo lə̂ ngû nə̈ ndə̂kə̂ mbo rə̂ pä ngû nə̈ tro. Dokʉ̈ earə̂ tə̂kömbô nə̈ ndə̂ tche jre lə̂ ngû nə̈ pânə̈ ndə̂ âtrô lâme, tə̂kömbô ndə̂ yê nə̈ âmbo tchë atöko, tche tcha-ê.]

Abadjângele 13:39

Lə̂ köbosə̂ Jezü kä ndə̂ azü gbɛ̂ ndə̂ andjë zâ su andjê sə̈ Ndjapä, a kô pö lə̂ küma andjê.

Abadjângele 22:16

Giamâ kä ndə̂ mo kâ krʉ̂ bëte rə̂? Alafô kə̈ gbô batɛ̂me, ânyë a ko pö lə̂ küma zə̈, lə̂ köbosə̂ nə̈ ndə̂ mo ê rə̈ Jezü.›»

Abadjângele 26:18

Më wän mö ndə̂kə̂ vro la andjê, ndə̂kə̂ kʉ andjê lə̂ bübü tchô, kə̂ wutu la andjê lə̂ ngbänga. Mo âji andjê tchâtchâ gbôgbô ndə̂ Satäa ndə̂kə̂ e la andjê sə̈ Ndjapä. Âdə andjê âza su andjê gbɛ̂ sə̈ mê, a koadje pö lə̂ küma andjê ânyë andjë gbo tchô lə̂ gûtə̂ azü ndə̂ andjë wâ ngbî bëte Ndjapä.›»

Rômo 3:24

Praâbalë Ndjapä mbö tchôtchô su tə̂ andjê ämbänə̈, tche mbö rə̂ ânyë andjë wâtə̂ adjîrə̂ azü lə̂ la yê. Tche mbö rə̂ käko lə̂ köbosə̂ Jezü Krîsiti ndə̂ tche jî andjê lə̂ ngbongbo rə.

Rômo 4:5

Praâbalë âdə ngâ akrə âmboabô ngâ rə mbô, ânyë kə̈ zâ su yê sə̈ Ndjapä ndə̂ tche mbo rə̂ ânyë a-earə̂ kə̂ mbo ngbongbo rə wa djîrə̂, kə̂ za su yê nə̈ âmbo rə̂ ânyë Ndjapä wun tchë batə̂ djîrə̂ akrə.

Rômo 5:1

Käko-ë, ndə̂ azə̈ wâtə̂ adjîrə̂ azü lə̂ köbosə̂ kə̂ za su azə̂ sə̈ Ndjapä, azə̈ wä la zɨtɨ su lə̂ gbâtə̂ azə̂ la Ndjapä lə̂ köbosə̂ Gbölö Gbïɛ̈ ndə̂ azə̂ Jezü Krîsiti.

Rômo 5:9

Angaâtə azə̈ wâ nə̂ djîrə̂ lə̂ la Ndjapä lə̂ köbosə̂ jï Krîsiti. Käko ngâ rə balë ndə̂ âwâ ndə̂kə̂ kitə̂ köbo tə̂ yê ndə̂kə̂ tcha azə̂ lə̂ mêrâ ndə̂ Ndjapä wâbo-a.

Rômo 8:30

Azü ndə̂ Ndjapä nyîkrə rə̂ käko lə̂ su yê dokʉ̈tchê bëte andjê, tche ê ndjë andjê. Andjanə̈ ndə̂ tche ê andjê, tche mbô rə̂ ânyë andjë wâ ndjë adjîrə̂ azü lə̂ la yê. Ndə̂ andjë wâtə̂ adjîrə̂ azü lə̂ la yê, tche lüsə̂ andjê.

Rômo 8:33

Azü ndə̂ Ndjapä dɨ̂ andjê lâme, tchabâ kä ndə̂ âwâ ndə̂kə̂ za pö lə̂ küma andjê? Akrə balë sə̂âbo-a, bëte rə̂ ndə̂ Ndjapä mbô rə̂ ânyë andjë wâtə̂ adjîrə̂ azü lə̂ la yê.

Dokʉ̈ Körɛ̂nte 1:2

ârâ mbö mbëtï âtə sə̈ Egilîze ndə̂ Ndjapä ndə̂ âwâ bhâ Körɛ̂nte, andjanə̈ ndə̂ Ndjapä kʉ̂ andjê ngbî lə̂ köbosə̂ Jezü Krîsiti. Tche ë andjê kə̈ kʉ̂ andjê ngbî bëte tchë la andjanə̈ gbɛ̂ ndə̂ andjë sə̂ lə̂ atchô ngbî ngbî ânyë kə̂ e rə̈ Gbölö Gbïɛ̈ Jezü Krîsiti, tche wätə̂ Gbölö Gbïɛ̈ ndə̂ andjê ânyë kə̈ wâ ndjë tə̂ Gbölö Gbïɛ̈ ndə̂ ârâ.

Dokʉ̈ Körɛ̂nte 1:30

Praâbalë tchetchë kä ndə̂ âmbô rə̂ pä nyë wa balë la Jezü Krîsiti, ânyë Jezü Krîsiti nə̈ wätə̂ küma azə̂ ndə̂ âwâ lanə̈, ndə̂ âtô bhândə̂ Ndjapä. Lə̂ köbosə̂ Krîsiti, Ndjapä mbö rə̂ pä azə̈ watə̂ adjîrə̂ azü, kə̂ watə̂ azü ndə̂ tche dɨ̂ andjê bëte tchë, ânyë kə̈ jî azə̂ tchâtchâ ngbongbo rə.

Dokʉ̈ Körɛ̂nte 12:2

Nyë wûnsə̂ nə̈ nə̂ pä sə̂nə̈ ndə̂ nyë wûn-âbô sə̂ Ndjapä wûn dämba-ê, a gbɨ̈tɨ nyê kə̈ ê la nyê ngbâ angakʉ̈lä ndə̂ andjë wâtə̂ amangbɨ̈lə̈.

Gälâte 2:16

Azə̈ wûnsə̂ nə̈ nə̂ pä akrə wâbo tə̂ djîrə̂ akrə lə̂ la Ndjapä lə̂ köbosə̂ kə̂ mbo rə gundə̂sə̂ ndïɛ̈-a, praâbalë kütû lə̂ köbosə̂ kə̂ za su sə̈ Jezü Krîsiti. Bëte rə̂ kä ndə̂, ârâ ndjë gbɛ̂ zâ su ârâ sə̈ Krîsiti Jezü ndə̂kə̂ pa ârâ watə̂ adjîrə̂ azü lə̂ la Ndjapä. Âdə̂âbo lə̂ köbosə̂ kə̂ mbo rə gundə̂sə̂ ndïɛ̈-a. Bëte akrə balë wâbo tə̂ djîrə̂ akrə lə̂ la Ndjapä lə̂ köbosə̂ kə̂ mbo rə gundə̂sə̂ ndïɛ̈-a.

Gälâte 3:11

Pö âtə wätə̂ lëge nə̈: Akrə balë wâbo ndə̂kə̂ wa djîrə̂ lə̂ la Ndjapä lə̂ köbosə̂ ndïɛ̈-a, bëte Mbëtï Ndjapä tö rə̂ päkëdə̂: «Djîrə̂ akrə wadje la tchîsûwu lə̂ köbosə̂ kə̂ za su yê sə̈ Gbölö Gbïɛ̈.»

Gälâte 3:24

Käko ndïɛ̈ wä batə̂ ngâ akrə ndə̂ tche wun tchô pâ azə̂ dokʉ̈tchê, zoo ëtə̂ lo kə̂ ka ndə̂ Krîsiti, ânyë azə̈ wa djîrə̂ lə̂ la Ndjapä lə̂ köbosə̂ kə̂ za su sə̈ Krîsiti.

Gälâte 3:8

Mbëtï Ndjapä tô pö ndə̂ rə nə̈ lâme dokʉ̈tchê nə̂ pä Ndjapä âmbo rə̂ ânyë azü ndə̂ andjë wâbô wâtə̂ ajuîfu wa djîrə̂ lə̂ la yê lə̂ köbosə̂ kə̂ za su andjê sə̈ tchë. Mbëtï nə̈ tö ndjë tchôtchô pö sə̈ Abrahâmo dokʉ̈tchê päkëdə̂: «Lə̂ köbosə̂ zə̈, Ndjapä eadje tchôtchô pö pâ azü tchêbêche gbɛ̂.»

Ëfêze 5:26

Ndə̂kə̂ pa Egilîze nə̈ wa ngbî kə̂ daka gbɛ̂, tche djutu rə̂ la ngû lə̂ köbosə̂ pö ndə̂ yê. Rə ndə̂ tche nyîndə̂ nə̈ kä lâme.

Ëfêze 5:8

Dokʉ̈tchê alême, nyë sə̈ lə̂ bübü nə̈. Praâbalë angaâtə, nyë kä lə̂ ngbänga lə̂ köbosə̂ nə̈ ndə̂ nyë wâ balë la Gbölö Gbïɛ̈. Nyë mbö rə batə̂ azü ndə̂ andjë sə̂ lə̂ ngbänga.

Bïchuû Tësälönîke 2:13

Âdə andə̂ ârâ, arə̂mä ndə̂ Gbölö Gbïɛ̈ nyîndə̂ nyê, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Bëte Ndjapä dɨ̈ nyê dokʉ̈tchê ânyë kə̈ mbô arə gbɛ̂, ndə̂kə̂ pa nyë tcha lə̂ kuzü lə̂ köbosə̂ Yingö ndə̂ yê ndə̂ âmbo rə̂ pä tchîsûwu ndə̂ nyê daka gbɛ̂ lə̂ la yê. Bëte nyë gämba lëge pö.

Aheborö 10:22

Käko äwäpä azə̈ gitə̂ azə̂ pu Ndjapä la su azə̂ ndə̂ âwâ djîrə̂, ndjë la su azə̂ ndə̂ azə̈ zâ rə̂ tə̂ lëge nə̈ sə̈ Jezü, la su azə̂ ndə̂ azə̈ wûnsə̂ nə̈ pä âgrô nə̂ gbɛ̂, lakə̂ rɨ tchə̂lə̂ su azə̂ ndə̂ a djûtu rə̂ lə̂ tchôtchô ngû.

Aheborö 10:29

Käko andə̂ akrə ndə̂ tche tâlusə̂ Modô ndə̂ Ndjapä, ânyë kə̈ wûn jï madɨ̈ ndə̂ âdjûtu kâkpö ndə̂ yê tə̂ mbämbä rə, lakə̂ dro Kpɨ̂ki Yingö ndə̂ tche mbô rə̂ pä azə̈ wunsə̂ tchôtchô su ndə̂ Ndjapä, pö ndə̂ yê âdə atöko? Tchê gboadje ngâ gbölö nyonyo ngbânə̈!

Aheborö 2:11

Jezü ndə̂ tche kʉ azü ngbî bëte Ndjapä, ânyë tchetchë la azü nə̈ ndə̂ tche kʉ̂ andjê ngbî bëte Ndjapä nə̈ lâme gbɛ̂ wä kütû la Bha balë. Bëte rə̂ kä ndə̂ Jezü wâbo la ganô ndə̂kə̂ e rə̂ tə̂ andjê pä arə̂mä ndə̂ anyê-a.

Dokʉ̈ Pîêre 1:2

Ndjapä Bha dɨ̈ nyê gundə̂sə̂ nə̈ ndə̂ tche nyikrə rə̂ dokʉ̈tchê bhâtə̂ su yê. Tche mbö rə̂ pä nyë daka gbɛ̂, lə̂ köbosə̂ Yingö ndə̂ yê, ndə̂kə̂ pa nyë dje ma Jezü Krîsiti, ânyë tche djutu ngbongbo rə ndə̂ nyê la jï yê. Äfü pä tchôtchô su la zɨtɨ su ndə̂ Ndjapä wa pâ nyê tə̂ gbölösə̂nə̈.

Dokʉ̈ Pîêre 1:22

A djûtu ngbongbo rə ndə̂ nyê nə̂ lə̂ köbosə̂ nə̈ ndə̂ nyë mbô rə gundə̂sə̂ lëge pö, lakə̂ nyində̂ angâ nyê la su nyê balë lâme. Käko nyë nyïndə̂ angâ nyê lə̂ gbâtə̂ nyê la grôgrô su, kə̂ sə kpôtâ.

Dokʉ̈ Pîêre 3:21

Rə lâme wä batə̂ nyîsɨ̂ batɛ̂me ndə̂ âtcha nyê angaâtə. Batɛ̂me nə̈ lâme djûtuabô kâkpö ndə̂ âwatə̂ kpoto nyê-a, praâbalë äwätə̂ kə̂ zatə̂ akrə sə̈ Ndjapä, ndə̂kə̂ pa kə̂ rɨ tchə̂lə̂ su yê wabô wâ la ngâ ngbongbo rə balë-ê. Ârə̂ kä âkə̂ tcha nyê lə̂ köbosə̂ kə̂ jo ndə̂ Jezü Krîsiti lə̂ kuzü.

Dokʉ̈ Jâan 2:12

Nyënyê ndə̂ abechë ndə̂ mê, më mbö mbëtï âtə sə̈ nyê bëte Ndjapä kô pö lə̂ küma nyê nə̂ lə̂ köbosə̂ rə̈ Jezü.

Apökälîbïchi 1:5

Äfü pä Jezü Krîsiti kʉ arə lâme sə̈ nyê, tchetchë ndə̂ tche to tchêngbâ apö djîrə̂, tche wätə̂ dokʉ̈ Modô, kə̈ wâtə̂ dokʉ̈ akrə ndə̂ tche jô lə̂ gûtə̂ akuzü. Tche wätə̂ makündji ndə̂ agbïɛ̈ ndə̂ tchêbêche! Krîsiti nyïndə̂ azə̂, ânyë kə̈ jî azə̂ lə̂ ngbongbo rə ndə̂ azə̂ lə̂ köbosə̂ jï yê,

Apökälîbïchi 7:14

Më tô rə̂ ndə̂nə̈ sə̈ tchë päkëdə̂: «Gbölö Gbïɛ̈ ndə̂ mê, mo wûnsə̂ nə̈ nə̂ gbɛ̂.» Tche tô rə̂ sə̈ mê päkëdə̂: «Andjë də̈ azü ndə̂ andjê tô lə̂ agbôgbô arə ndə̂ a mbô rə̂ tə̂ andjê. Andjë djûtu ngrɨ̈ngrɨ̈ lə̂ba ndə̂ andjê lə̂ jï Ngbavö Ɛ̈bro-ngbaga nə̂, ânyë lə̂ba nə̈ grô lâme.