Dokʉ̈ Körɛ̂nte 6:1 - Mbëtï Ndjapä: TÄFO MADƗ̈

¹ Âdə nyë âgbo pö la angâ nyê lə̂ gbâtə̂ nyê, kə̂ e la andjê atə̂ tchâtchu a-earə̂ kə̂ wa ngbanga də sûwu ndə̂ andjë wûn-âbô sə̂ Ndjapä wûn-î, ânyë kə̂ gbotə̂ kə̂ e la andjê atə̂ tchâtchu azü ndə̂ Ndjapä-ê. Atöko kä ndə̂ nyê alafô ndə̂kə̂ mbo tə̂ rə käko-ë?

Dokʉ̈ Körɛ̂nte 6:1 Iomraidhean Croise

Matiyə̈ 5:45

Käko-ë, nyê wadje tə̂ abechë ndə̂ Bha nyê ndə̂ tche sə̂ bhâ lafô. Bha nyê nə̈ kä ndə̂ âmbo rə̂ ânyë lo ndə̂ yê ta pâ angbongbo azü ndjë pâ atchôtchô azü. Tche wän nyïvrö pâ adjîrə̂ azü ndjë pâ a-earə̂ mbə̈lï.

Abadjângele 19:38

Âdə Dëmëtrïyûse la azü ndə̂ tche mbo kua balë la andjê âwa la pö la ngâ akrə, äwäpä andjë e la tchë sə̈ a-earə̂ kə̂ wa ngbanga, bëte nda ngbanga nə̈ kä tâ, äwäpä andjë e la pö nə̈ atə̂lə̂ ngbanga.

Dokʉ̈ Körɛ̂nte 1:2

ârâ mbö mbëtï âtə sə̈ Egilîze ndə̂ Ndjapä ndə̂ âwâ bhâ Körɛ̂nte, andjanə̈ ndə̂ Ndjapä kʉ̂ andjê ngbî lə̂ köbosə̂ Jezü Krîsiti. Tche ë andjê kə̈ kʉ̂ andjê ngbî bëte tchë la andjanə̈ gbɛ̂ ndə̂ andjë sə̂ lə̂ atchô ngbî ngbî ânyë kə̂ e rə̈ Gbölö Gbïɛ̈ Jezü Krîsiti, tche wätə̂ Gbölö Gbïɛ̈ ndə̂ andjê ânyë kə̈ wâ ndjë tə̂ Gbölö Gbïɛ̈ ndə̂ ârâ.

Dokʉ̈ Körɛ̂nte 14:33

Bëte Ndjapä də̈ Ndjapä ndə̂ tche mbo rə la köbo nə̈, kə̈ wâtə̂ Ndjapä ndə̂ zɨtɨ su. Batə̂ rə̂ ndə̂ a mbo rə̂ lə̂ a-Egilîze gbɛ̂ ndə̂ azü ndə̂ Ndjapä,

Dokʉ̈ Körɛ̂nte 16:1

Âdə andə̂ pö ndə̂ kə̂ pala makətche bëte azü ndə̂ Ndjapä, äwäpä nyënyê ndjë gbɛ̂, nyë mbö rə̂ batə̂ rə̂ ndə̂ më nyîsə̂ köbo nə̈ sə̈ a-Egilîze ndə̂ Gälâte.

Dokʉ̈ Körɛ̂nte 16:15

Nyë wûnsə̂ nə̈ nə̂ pä Sëtëfänâse la azü lə̂ bûngrɨ̂ ndə̂ yê də̈ adokʉ̈ azü ndə̂ Akayï ndə̂ andjë zâ su andjê sə̈ Krîsiti, ânyë kə̈ zâtə̂ andjê gbɛ̂ ndə̂kə̂ mbo dâkâ tə̂ azü ndə̂ Ndjapä. Arə̂mä, më yükû nə̈ sə̈ nyê:

Dokʉ̈ Körɛ̂nte 5:12

Mëmê kä ndə̂ âwa ngbanga pâ azü də sûwu? Äwäpä nyë wä ngbanga ndə̂ azü dələ̂nə̈!

Dokʉ̈ Körɛ̂nte 6:5

Më tö pö lâme käko, bëte äwätə̂ ganô ndə̂ nyê. Käko lə̂ gbâtə̂ nyê, ngâ akrə balë ndə̂ küma yê wâ lanə̈, ndə̂ tche wâ la gbôgbô ndə̂kə̂ wa ngbanga ndə̂ pö lə̂ gûtə̂ arə̂mâ sə̂âbo?