Dokʉ̈ Körɛ̂nte 5:9 - Mbëtï Ndjapä: TÄFO MADƗ̈

⁹ Lə̂ ngâ mbëtï ndə̂ më wân rə̂ sə̈ nyê dokʉ̈tchê, më tö rə̂ lə̂nə̈ päkëdə̂: «Nyë ngböäbô tə̂ nyê ngbô la azü ndə̂ andjë pu aɛ̈chë âdəndjë aköchë katchôgbɛ̂ lâme-ê.»

Dokʉ̈ Körɛ̂nte 5:9 Iomraidhean Croise

Dokʉ̈ Körɛ̂nte 5:10

Pö ndə̂ më tô rə̂ alême wûn-âbo azü gbɛ̂ pâ cho âtə ndə̂ andjë pu aköchë âdəndjë aɛ̈chë katchôgbɛ̂-a, azü ndə̂ andjë wâ la gʉ arə tchêbêche la a-earə̂ ngbä, âdəndjë azü ndə̂ andjë voga angakʉ̈lä. Âdə pö ndə̂ mê nə̈ âwatə̂ pö ndə̂ azü käko lâme gbɛ̂, dëkë äwä ndə̂kə̂ pa nyë gbo pâ cho âtə-ê.

Dokʉ̈ Körɛ̂nte 5:2

Nyë sə̈ lakə̂ bhi gogo nyê pâ arə käko! Äwä âme ndə̂kə̂ pa nyë sə la nyonyo, ânyë akrə ndə̂ tche mbo tə̂ rə käko, nyê ji tchë lə̂ gûtə̂ nyê-ê.

Dokʉ̈ Körɛ̂nte 5:7

Äwäpä nyë ji bəndɨ djëvö lə̂ gûtə̂ nyê ndə̂kə̂ pa nyë wa batə̂ täfo zûwü farîni ndə̂ djëvö wâbô wâ lə̂nə̈-ê. Ndə̂ Krîsiti wâtə̂ Ngbavö Ɛ̈bro-ngbaga ndə̂ Pâke ndə̂ azə̂, ndə̂ a zâ tchë la ngela lâme, nyë wâ nə̂ batə̂ täfo farîni ndə̂ djëvö wâbô wâ lə̂nə̈.

Bïchuû Körɛ̂nte 6:14

Nyë ngböäbo tə̂ nyê ngbô balë la angbongbo azü ndə̂kə̂ mbo kua-ê. Djîrə̂ rə la ngbongbo rə ângbotə̂ yê balë atöko? Ngbänga la bübü tchô səadje sə̂nə̈ balë?

Bïchuû Körɛ̂nte 6:17

Bëte rə̂ kä: «Nyë wütu lə̂ gbâtə̂ andjê, kə̂ sə̂ ngbî, nyë grʉ̈äbô ngbongbo rə grʉ̂-ê, mê kʉadje nyê ndrotə̂ mê.»

Ëfêze 5:11

Nyë ngböäbô tə̂ nyê ngbô la azü ndə̂ andjë mbo rə lə̂ bübü tchô, ndə̂ ngâ tchôtchô rə wâbô wâ lə̂nə̈-ê. Praâbalë nyë wütu la pö ndə̂nə̈ ësûwu.

Bïchuû Tësälönîke 3:14

Âdə ngâ akrə âmboabô rə mbô gundə̂sə̂ apö ndə̂ ârâ tô rə̂ lə̂ mbëtï âtə, la nyê gbö tə̂ yê. Nyë wabô wâ la tchë lə̂ ngâ rə balë-ê, käko ânyë ganô mbo tchë.

Bïchuû Tësälönîke 3:6

Arə̂mä, ârâ yükû nə̈ sə̈ nyê la rə̈ Gbölö Gbïɛ̈ Jezü Krîsiti, nyë gïäbô tə̂ nyê gî pu a-earə̂ dö-ê, ndə̂kə̂ mbo rə ndə̂ andjê wâ ngbî tə̂ pö ndə̂ ârâ nyîsə̂ nə̈ sə̈ nyê.