Dokʉ̈ Körɛ̂nte 5:8 - Mbëtï Ndjapä: TÄFO MADƗ̈

⁸ Käko âwâbo pä azə̈ mbo kpülü ndə̂ Pâke nə̈ la bəndɨ djëvö-a, ndə̂ âwâtə̂ djëvö ndə̂ ngbongbo rə, la andə̂ ngbongbo su lâme-a, praâbalë azə̈ mbö kpülü ndə̂ Pâke nə̈ la mâpa ndə̂ djëvö wâbô wâ lə̂nə̈-ê, ndə̂ ânyîndə̂ kə̂ to pö ndə̂kə̂ daka gbɛ̂ lakə̂ to lëge pö.

Dokʉ̈ Körɛ̂nte 5:8 Iomraidhean Croise

Matiyə̈ 16:12

Tchâme kä ndə̂ adjisîpili wûnsə̂ nə̈ pä tche tôâbo rə̂ sə̈ anyê pä anyë mbo wa djëvö ndə̂ mâpa ndə̂ afarizïɛ̈n la asadusïɛ̈n-a, praâbalë anyë mbo wa kə̂ nyisə̂ rə ndə̂ afarizïɛ̈n la asadusïɛ̈n.

Matiyə̈ 16:6

Jezü tô rə̂ sə̈ andjë päkëdə̂: «La nyê gbö-ê, kätâ mböäbô nyê mbô pu djëvö ndə̂ afarizïɛ̈n la asadusïɛ̈n-ê.»

Mâreke 8:15

Jezü zâma sə̈ andjê päkëdə̂: «La nyê gbö-ê! La nyê gbö tə̂ djëvö ndə̂ mâpa ndə̂ afarizïɛ̈n la andə̂ Hërôde!»

Lûke 12:1

Lo nə̈ lâme, angbängbä azü pâlatə̂ andjê sâke sâke, ânyë âmbô rə̂ pä andjë sə̂ lakə̂ dɨkpu tə̂ andjê lə̂ gbâtə̂ andjê. Jezü tô rə̂ sə̈ adjisîpili ndə̂ yê dokʉ̈tchê päkëdə̂: «Äwäpä la nyê gbo tə̂ djëvö ndə̂ afarizïɛ̈n, ndə̂ ânyîndə̂ kə̈ to rə̂ pä azü ndə̂ pö ma andjê wâ ngbî tə̂kə̂ mbo rə̂ ndə̂ andjê.

Jâan 1:47

Ndə̂ Jezü wûn Nätänäyêle ndə̂ tche sə̂ lakə̂ pu tchë, kə̈ tô pö ndə̂ yê päkëdə̂: «Lëge akrə gö ndə̂ Isarayële kä âtə. Tche wûn-âbo sə̂kə̂ mo yepa sə̈ azü-a.»

Dokʉ̈ Körɛ̂nte 3:3

Bëte gbô nyê kä lakə̂ mbo rə batə̂ azü ndə̂ tchêbêche âtə. Gbölö su lakə̂ po kä lə̂ gbâtə̂ nyê. Ânyîâbo sə̂nə̈ pä nyë mbö rə batə̂ azü ndə̂ tchêbêche âtə? Kə̂ mbo rə ndə̂ nyê wâbo batə̂ andə̂ azü gbɛ̂?

Dokʉ̈ Körɛ̂nte 5:1

A djë rə̂ katchôgbɛ̂ pä bhândə̂ nyê, kə̂ pu aɛ̈chë âdəndjë aköchë katchôgbɛ̂ rö masə̂nə̈. Achengana azü ndə̂ andjë wûn-âbô sə̂ Ndjapä wûn, a gbôâbo ndjë rə̂ bhândə̂ andjê-a! A tö rə̂ pä ngâ akrə balë lə̂ gûtə̂ nyê kä lakə̂ sə la ɛ̈chë ndə̂ bha nə̈.

Dokʉ̈ Körɛ̂nte 5:6

Rə ndə̂ nyê bhi gogo nyê tə̂ pö ndə̂nə̈ lâme dâkabô-a! Nyë wûn-âbo sə̂nə̈ pä kütû kpîɛ̂kpîɛ̂ djëvö ndə̂ âwâ lə̂ zûwü farîni kä ndə̂ âmbo rə̂ pä farîni nə̈ suku?

Bïchuû Körɛ̂nte 1:12

Bëte rə ndə̂ tə̂ ârâ krâ lə̂ köbosə̂ nə̈ wä kâkë: Kə̂ rɨ tchə̂lə̂ su ârâ nyïsə̂ nə̈ sə̈ ârâ pä ârâ sə̈ pâ cho âtə la grôgrô su. Ârâ sə̈ ndjë käko lakə̂ mbotə̂ ârâ kpîɛ̂kpîɛ̂ rə̂ lə̂ la nyê, ndjë lə̂ köbosə̂ lëge pö. Âdə̂âbo lə̂ köbosə̂ küma akrə ndə̂ âwâ lanə̈-a, praâbalë lə̂ köbosə̂ tchôtchô su ndə̂ Ndjapä.

Bïchuû Körɛ̂nte 2:17

Azə̈ wâbo batə̂ angbängbä azü ndə̂ andjë zâ pö Ndjapä batə̂ kə̂ ka rə-a. Azə̈ tö lëge pö ndə̂ âtô bhândə̂ Ndjapä lə̂ la yê, bëte rə̂ ndə̂ azə̈ wâ balë la Krîsiti.

Bïchuû Körɛ̂nte 8:8

Më tôâbo pö lâme ndə̂kə̂ za kümändëmä sə̈ nyê-a, praâbalë ndə̂kə̂ to pö ndə̂ angâ a-Egilîze ndə̂ andjë wâ la gʉ kua. Më tö rə̂ käko ndə̂kə̂ za köbo sə̈ nyê ndə̂kə̂ nyisə̂ köbo ndə̂ nyë nyîndə̂ angâ nyê.

Ëfêze 6:24

Äfü pä tchôtchô su ndə̂ Ndjapä wa pâ azü gbɛ̂ ndə̂ andjë nyîndə̂ Gbölö Gbïɛ̈ ndə̂ azə̂ Jezü Krîsiti lakə̂ nyində̂ yê ndə̂ âwâ pïï etə̂.

Dokʉ̈ Pîêre 4:2

Käko lə̂ adɨ̂ alö ndə̂ âwâ ngbânə̈ tchâtchu nyê ndə̂kə̂ sə pâ cho âtə, nyë mböämbô rə mbô gundə̂sə̂ ngbongbo gʉ su nyê-ê, praâbalë nyë mbö rə lə̂ köbosə̂ nə̈ ndə̂ Ndjapä nyîndə̂ nə̈.