Dokʉ̈ Körɛ̂nte 5:7 - Mbëtï Ndjapä: TÄFO MADƗ̈

⁷ Äwäpä nyë ji bəndɨ djëvö lə̂ gûtə̂ nyê ndə̂kə̂ pa nyë wa batə̂ täfo zûwü farîni ndə̂ djëvö wâbô wâ lə̂nə̈-ê. Ndə̂ Krîsiti wâtə̂ Ngbavö Ɛ̈bro-ngbaga ndə̂ Pâke ndə̂ azə̂, ndə̂ a zâ tchë la ngela lâme, nyë wâ nə̂ batə̂ täfo farîni ndə̂ djëvö wâbô wâ lə̂nə̈.

Dokʉ̈ Körɛ̂nte 5:7 Iomraidhean Croise

Matiyə̈ 13:33

Jezü kä tô ngâ ndoka sə̈ andjê päkëdə̂: «Gbölö gö-gbïɛ̈ ndə̂ tchêlafô wä batə̂ djëvö ndə̂ ngâ ɛ̈chë kʉ̂ rə̂, kə̈ gîâ rə̂ la gbölö zûwü zoo nyînyî nə̈ sûku.»

Mâreke 14:12

Lə̂ dokʉ̈ lö ndə̂ kpülü ndə̂ mâpa ndə̂ djëvö wâbô wâ lə̂nə̈, ndə̂ azü wa ngela la angbavö ɛ̈bro-ngbaga bëte kpülü nə̈, adjisîpili ndə̂ Jezü tô rə̂ sə̈ tchë päkëdə̂: «Mo nyïndə̂ nə̈ pä ârâ e kə̂ nyikrə kɨ̈zɨ̂ Pâke nə̈ ndə̂kə̂ pa mo zɨ rə̂ bhâ tchêbâ?»

Jâan 1:29

Ndə̂ tchô krâ pânə̈, Jâan wûn Jezü ndə̂ tche nə pu tchë, kə̈ tô rə̂ päkëdə̂: «Wunsa Ngbavö Ɛ̈bro-ngbaga ndə̂ Ndjapä ndə̂ tche ji angbongbo rə ndə̂ azü tchêbêche âtə.

Jâan 1:36

Ndə̂ tche wûn Jezü ndə̂ tche ro, kə̈ tô rə̂ päkëdə̂: «Wunsa Ngbavö Ɛ̈bro-ngbaga ndə̂ Ndjapä.»

Jâan 19:14

Dëkë lö nə̈ lâme wätə̂ lö kə̂ nyikrətə̂ bëte kpülü ndə̂ Pâke. Ndə̂ lo âsə̈ wa lə̂ gûgû tchə̂lə̂ɛtchô, Pïlâte tô rə̂ sə̈ ajuîfu päkëdə̂: «Nyë wünsa gbïɛ̈ ndə̂ nyê!»

Rômo 3:25

Ndjapä zä Jezü Krîsiti batə̂ ngela ânyë lə̂ köbosə̂ jï yê, Krîsiti jî ngbongbo rə ndə̂ azü ndə̂ andjë zâ su andjê sə̈ tchë. Ndjapä mbö rə̂ käko ndə̂kə̂ nyisə̂ nə̈ pä tche wä djîrə̂: Angbongbo rə ndə̂ azü mbo rə̂ alême, tche gʉ̈ä la yê pânə̈,

Dokʉ̈ Körɛ̂nte 10:17

Ndə̂ mâpa nə̈ wâ kütû balë lâme, azə̈ gbɛ̂ wätə̂ tə̂ akrə balë, bëte azə̈ gbɛ̂ zɨ̈ kütû mâpa balë lâme.

Dokʉ̈ Körɛ̂nte 5:13

Andə̂ azü də sûwu, Ndjapä kä ndə̂ âwadje ngbanga ndə̂ andjê. Mbëtï Ndjapä tö rə̂ päkëdə̂: «Nyë jï Ngbongbo akrə lə̂ gûtə̂ nyê.»

Ëfêze 4:22

Äwäpä nyë gbotə̂ bəndɨ kə̂ sə ndə̂ nyê, kə̂ jitə̂ nyê tə̂ bəndɨ kə̂ mbo rə ndə̂ nyê, ndə̂ âmbo rə̂ pä gʉ su nyê bolo nyê ndə̂kə̂ pa nyë ndɨ-î.

Apökälîbïchi 5:12

Andjë sə̂ lakə̂ pa düwü ngbôô päkëdə̂: «Ngbavö Ɛ̈bro-ngbaga ndə̂ a wôn tchë, tche kʉ̈sə̂ nə̈ pä azü voga tchë, kə̂ lusə̂ yê lə̂ golowäre ndə̂ yê, la kümändëmä ndə̂ yê la gbôgbô ndə̂ yê, bëte arə ndə̂ tche wâ la rə̂, la küma yê ndə̂ âwâ lanə̈!»