Dokʉ̈ Körɛ̂nte 5:5 - Mbëtï Ndjapä: TÄFO MADƗ̈

⁵ Äwäpä nyë gbotə̂ akrə käko tchânə̂ Satäa ânyë Satäa ndɨ tə̂ akrə nə̈. Käko ânyë yingö ndə̂ akrə nə̈ tcha lə̂ kuzü lo kə̂ ka ndə̂ Gbölö Gbïɛ̈.

Dokʉ̈ Körɛ̂nte 5:5 Iomraidhean Croise

Matiyə̈ 4:10

Jezü tô rə̂ sə̈ tchë päkëdə̂: «Gitə̂ zə̈ chï, Satäa! Mbëtï Ndjapä tö rə̂ päkëdə̂: ‹Äwäpä mo gʉte tchâtchâ Ndjapä Gbölö Gbïɛ̈ ndə̂ zə̈, kə̂ voga kütû tchë balë.›»

Lûke 22:31

Jezü tô rə̂ sə̈ Chemôn-Pîêre päkëdə̂: «Chemön, Chemön, amö dje mê! Satäa yükû nə̈ ndə̂kə̂ teke nyê batə̂ rə̂ ndə̂ a teke ndjî rəgʉ lə̂ ɛ̈ gbasa ndə̂kə̂ pa krətche nə̈ tu ngbî.

Abadjângele 26:18

Më wän mö ndə̂kə̂ vro la andjê, ndə̂kə̂ kʉ andjê lə̂ bübü tchô, kə̂ wutu la andjê lə̂ ngbänga. Mo âji andjê tchâtchâ gbôgbô ndə̂ Satäa ndə̂kə̂ e la andjê sə̈ Ndjapä. Âdə andjê âza su andjê gbɛ̂ sə̈ mê, a koadje pö lə̂ küma andjê ânyë andjë gbo tchô lə̂ gûtə̂ azü ndə̂ andjë wâ ngbî bëte Ndjapä.›»

Dokʉ̈ Körɛ̂nte 1:8

Tchetchë kä ndə̂ âmbo rə̂ pä nyë kpokpo tə̂ nyê ndjoa ësə̂nə̈ ndə̂ manə̈ krʉ tâ. Käko lo kə̂ ka ndə̂ Gbölö Gbïɛ̈ ndə̂ azə̂ Jezü Krîsiti, ngâ pö balë ndə̂ a gbo rə̂ lə̂ küma nyê wâbo-a.

Dokʉ̈ Körɛ̂nte 11:32

Praâbalë Gbölö Gbïɛ̈ wä ngbanga ndə̂ azə̂, kə̈ gbɨ̂tɨ tu azə̂ ânyë kə̈ wâbô ngbanga wâ lə̂ küma azə̂ la adɨ̂ azü tchêbêche âtə-ê.

Dokʉ̈ Körɛ̂nte 5:13

Andə̂ azü də sûwu, Ndjapä kä ndə̂ âwadje ngbanga ndə̂ andjê. Mbëtï Ndjapä tö rə̂ päkëdə̂: «Nyë jï Ngbongbo akrə lə̂ gûtə̂ nyê.»

Bïchuû Körɛ̂nte 10:6

Âdə nyë âmbo rə gundə̂sə̂ pö ma Krîsiti djîrə̂ nə̂, ârâ âsə tchêtchêtchê ndə̂kə̂ wa ngbanga lə̂ küma azü ndə̂ andjë kôsə̂ pö.

Bïchuû Körɛ̂nte 12:7

Rə ndə̂ Ndjapä nyîsə̂ nə̈ sə̈ mê wätə̂ rə ndə̂ ârôpâ küma azü. Ndə̂kə̂ pa më bhiabô gogo mê bhî tâ-ê, Ndjapä zä ngâ rə batə̂ chi lə̂ tə̂ mê, chi nə̈ wä batə̂ ngâ akrə ndə̂ Satäa wân tchë ndə̂kə̂ bhi mê, ânyë kə̈ kîtə̂ köbo tə̂ mê ndə̂kə̂ bhiabô gogo mê bhî-î.

Bïchuû Körɛ̂nte 13:10

Bëte rə̂ kä ndə̂ gbô mê sə̂ ngrɨ̈ tə̂ nyê, kə̈ mbô mbëtï âtə ndə̂kə̂ wan rə̂ sə̈ nyê. Käko âdə mê âwutu bhâye, kə̂ hroabô hrô la nyê-ê lə̂ köbosə̂ gbôgbô ndə̂ Gbölö Gbïɛ̈ zâ rə̂ sə̈ mê ndə̂kə̂ mbo rə̂ pä Egilîze ndə̂ nyê kpokpo tə̂ yê, âdə̂âbo ndə̂kə̂ ndɨ rə̂ ndɨ̈-a.

Fïlîpe 1:6

Më wünsə̂ nə̈ tə̂ lëge nə̈ pä Ndjapä ndə̂ tche jêtə̂ tchôtchô kua lə̂ köbosə̂ nyê, tchê mboadje rə̂ ndjoa ëtə̂ lo kə̂ ka ndə̂ Jezü Krîsiti.

Dokʉ̈ Timotë 1:20

Lə̂ gûtə̂ azü nə̈ lâme, a gbö Imenë la Alegezândere. Më gbötə̂ andjê tchânə̂ Satäa, ndə̂kə̂ pa andjë ka tôâbô angbongbo pö tô tə̂ Ndjapä-ê.

Bïchuû Timotë 1:18

Äfü pä Gbölö Gbïɛ̈ Jezü za rə̂ sə̈ tchë ndə̂kə̂ gbo dâkâ ndə̂ Gbölö Gbïɛ̈ Ndjapä tə̂ lo nə̈ lâme. Atchôtchô arə gbɛ̂ ndə̂ tche mbô rə̂ tə̂ mê bhâ Ëfêze lâme, mo wünsə̂ nə̈ ârô adɨ̂ azü gbɛ̂.

Bïchuû Pîêre 3:12

Äwäpä nyë krʉ bëte lö ndə̂ Ndjapä lakə̂ mbo rə̂ gbɛ̂ ndə̂kə̂ pa äwutu angaâtə, äwäpä nyë wunsə̂ nə̈ pä, tə̂ lo nə̈ lâme kä ndə̂ wo juadje tchêlafô ânyë arə tchêlafô gbɛ̂ juwuadje lə̂ atïmï wo.

Dokʉ̈ Jâan 5:16

Âdə ngâ akrə âwun ngâ yê ndə̂ tche mbô ngbongbo rə, ndə̂ âwâbô wâ ndə̂kə̂ e la tchë pu kuzü, äwäpä tche to pö sə̈ Ndjapä ânyë Ndjapä zadje tchîsûwu sə̈ ngâ yê nə̈ lâme. Pö âtə wä bëte azü ndə̂ andjë mbô ngbongbo rə, ndə̂ âwâbô wâ ndə̂kə̂ e la andjê pu kuzü-î. Praâbalë ngâ ngbongbo rə kädje ndə̂ âe la azü pu kuzü, âdə̂âbo tə̂ pö ndə̂ ngbongbo rə ndə̂ âe la azü pu kuzü nə̈ lâme kä ndə̂ më yûkû nə̈ pä nyë to pö sə̈ Ndjapä bëte rə̂-a.