Dokʉ̈ Körɛ̂nte 5:13 - Mbëtï Ndjapä: TÄFO MADƗ̈

¹³ Andə̂ azü də sûwu, Ndjapä kä ndə̂ âwadje ngbanga ndə̂ andjê. Mbëtï Ndjapä tö rə̂ päkëdə̂: «Nyë jï Ngbongbo akrə lə̂ gûtə̂ nyê.»

Dokʉ̈ Körɛ̂nte 5:13 Iomraidhean Croise

Matiyə̈ 18:17

Âdə tche âkosə̂ kə̂ dje andjê, amö to ndə̂ma pö nə̈ sə̈ azü ndə̂ Egilîze. Âdə tche âkosə̂ kə̂ dje azü ndə̂ Egilîze, amö wun tchë batə̂ akrə ndə̂ tche wûn-âbô sə̂ Ndjapä wûn-î, wun tchë batə̂ earə̂ kə̂ pala makətche-lapöo lə̂ la zə̈.

Abadjângele 17:31

Tche nyîkrə ngâ lö nə̂ ndə̂ tchê wadje ngbanga ndə̂ azü gbɛ̂ djîrə̂ lə̂ köbosə̂ akrə ndə̂ tche nyîsə̂ yê. Tche nyïsə̂ nə̈ sə̈ azü lə̂ köbosə̂ nə̈ ndə̂ tche jô tchë lə̂ kuzü.»

Rômo 2:16

Rə ndə̂ âwutu kraâ lə̂ la azü lo ngbanga nə̈ kä. Äwä gundə̂sə̂ Tchôtchô Pö ndə̂ mê mu rə̂ ndə̂ âtô rə̂ pä Ndjapä âwa ngbanga lə̂ köbosə̂ Jezü Krîsiti pâ arə gbɛ̂ ndə̂ azü mbo rə̂ lə̂ küwû nə̈.

Dokʉ̈ Körɛ̂nte 5:1

A djë rə̂ katchôgbɛ̂ pä bhândə̂ nyê, kə̂ pu aɛ̈chë âdəndjë aköchë katchôgbɛ̂ rö masə̂nə̈. Achengana azü ndə̂ andjë wûn-âbô sə̂ Ndjapä wûn, a gbôâbo ndjë rə̂ bhândə̂ andjê-a! A tö rə̂ pä ngâ akrə balë lə̂ gûtə̂ nyê kä lakə̂ sə la ɛ̈chë ndə̂ bha nə̈.

Dokʉ̈ Körɛ̂nte 5:2

Nyë sə̈ lakə̂ bhi gogo nyê pâ arə käko! Äwä âme ndə̂kə̂ pa nyë sə la nyonyo, ânyë akrə ndə̂ tche mbo tə̂ rə käko, nyê ji tchë lə̂ gûtə̂ nyê-ê.

Dokʉ̈ Körɛ̂nte 5:5

Äwäpä nyë gbotə̂ akrə käko tchânə̂ Satäa ânyë Satäa ndɨ tə̂ akrə nə̈. Käko ânyë yingö ndə̂ akrə nə̈ tcha lə̂ kuzü lo kə̂ ka ndə̂ Gbölö Gbïɛ̈.

Dokʉ̈ Körɛ̂nte 5:7

Äwäpä nyë ji bəndɨ djëvö lə̂ gûtə̂ nyê ndə̂kə̂ pa nyë wa batə̂ täfo zûwü farîni ndə̂ djëvö wâbô wâ lə̂nə̈-ê. Ndə̂ Krîsiti wâtə̂ Ngbavö Ɛ̈bro-ngbaga ndə̂ Pâke ndə̂ azə̂, ndə̂ a zâ tchë la ngela lâme, nyë wâ nə̂ batə̂ täfo farîni ndə̂ djëvö wâbô wâ lə̂nə̈.

Aheborö 13:4

Äwäpä azü gbɛ̂ lusə̂ kə̂ totə̂ ndə̂ köchë la ɛ̈chë. Äwäpä aköchë la aɛ̈chë bata tə̂ andjê lə̂ gbâtə̂ andjê. Bëte Ndjapä âwadje ngbanga pâ azü ndə̂ andjë pu aɛ̈chë âdəndjë aköchë katchôgbɛ̂, la andjanə̈ ndə̂ andjë pu aköchë âdəndjë aɛ̈chë ndə̂ azü.

Bïchuû Pîêre 2:9

Käko Gbölö Gbïɛ̈ wä ndə̂kə̂ ji adjîrə̂ azü ndə̂ andjë zâtə̂ andjê gbɛ̂ sə̈ tchë ânyë kə̂ wun yûkü. Tche wä ndjë ndə̂kə̂ nyikrə sə̂ angbongbo azü ndə̂kə̂ pa tche mbo andjê la yûkü tə̂ lo kə̂ wa ngbanga.