Dokʉ̈ Körɛ̂nte 5:10 - Mbëtï Ndjapä: TÄFO MADƗ̈

¹⁰ Pö ndə̂ më tô rə̂ alême wûn-âbo azü gbɛ̂ pâ cho âtə ndə̂ andjë pu aköchë âdəndjë aɛ̈chë katchôgbɛ̂-a, azü ndə̂ andjë wâ la gʉ arə tchêbêche la a-earə̂ ngbä, âdəndjë azü ndə̂ andjë voga angakʉ̈lä. Âdə pö ndə̂ mê nə̈ âwatə̂ pö ndə̂ azü käko lâme gbɛ̂, dëkë äwä ndə̂kə̂ pa nyë gbo pâ cho âtə-ê.

Dokʉ̈ Körɛ̂nte 5:10 Iomraidhean Croise

Lûke 18:11

Farizïɛ̈n lâme krʉ̂ lafô ânyë kə̈ sə̂ lakə̂ to pö sə̈ Ndjapä bhâtə̂ su yê pä: ‹Ndjapä, më zä ayîabâ sə̈ mö, bëte më wâbo batə̂ adɨ̂ azü gbɛ̂-a, ndə̂ andjë wâtə̂ a-earə̂ ngbä, la a-earə̂ mbə̈lï, la azü ndə̂ andjë pu aɛ̈chë âdəndjë aköchë ndə̂ azü lâme-a. Më wâbo ndjë batə̂ earə̂ kə̂ pala makətche-lapöo lâme-a.

Jâan 15:19

Âdə nyê âwa alême tə̂ azü tchêbêche âtə, tchêbêche nə̈ nyiadje ndə̂ nyê, bëte nyë wätə̂ andjandə̂ ye nə̈. Praâbalë nyë kä wâbo tə̂ azü ndə̂ yê-a, bëte më dɨ̈ nyê lə̂ gûtə̂ azü tchêbêche. Bëte rə̂ kä ndə̂ azü tchêbêche kôsə̂ nyê.

Jâan 17:6

Azü ndə̂ mo gbɨ̂tɨ andjê lə̂ azü pâ cho âtə ânyë kə̈ kʉ̂ andjê sə̈ mê lâme, më nyîsə̂ zə̈ sə̈ andjê nə̂. Andjë wä alême tə̂ andjandə̂ zə nə̈, ânyë mo kʉ̂ andjê sə̈ mê. Andjë bâta apö ndə̂ zə̈ nə̂.

Jâan 17:9

«Më tö pö sə̈ mö bëte andjê. Më tôâbo pö sə̈ mö bëte azü ndə̂ tchêbêche âtə-a, praâbalë bëte andjanə̈ ndə̂ mo kʉ̂ andjê sə̈ mê, bëte andjë wätə̂ andjandə̂ zə nə̈.

Jâan 8:23

Jezü tô rə̂ sə̈ andjê päkëdə̂: «Nyë də̈ azü tchêbêche, më tö bhâ lafô ânyë kə̈ nə̂. Nyë wätə̂ azü tchêbêche, më də̂âbo akrə tchêbêche âtə-a.

Dokʉ̈ Körɛ̂nte 1:20

Akrə ndə̂ küma yê wâ lanə̈ sə̈ bhâ tchêbâ? Earə̂ kə̂ nyisə̂ ndïɛ̈ sə̈ bhâ tchêbâ? Earə̂ kə̂ to pö la köbo nə̈ ndə̂ tchô angêta sə̈ bhâ tchêbâ? Ndjapä mbôâbo rə̂ pä küma azü ndə̂ âwâ lanə̈ pâ cho âtə watə̂ nyî?

Dokʉ̈ Körɛ̂nte 10:27

Âdə ngâ akrə ndə̂ tche zâbô su yê zâ sə̈ Ndjapä âe nyê ndə̂ kɨ̈zɨ̂ ânyë nyë nyîndə̂ nə̈, kɨ̈zɨ̂ gbɛ̂ ndə̂ a kʉ̂ rə̂ sə̈ nyê, nyë zɨ̈ rə̂ kə̂ rɨabô tchə̂lə̂ su nyê rɨ̂-î, kə̂ yuabô kû pö pânə̈ yû-î.

Dokʉ̈ Körɛ̂nte 5:11

Praâbalë më mbö mbëtï lâme sə̈ nyê ndə̂kə̂ pa nyë ngboabô tə̂ nyê ngbô la ngâ akrə ndə̂ tche tô rə̂ pä ânyë də̈ akrə ndə̂ Krîsiti ngâ nyê, ânyë kə̂ pu aɛ̈chë âdəndjë aköchë katchôgbɛ̂, kə̂ wa la gbölö gʉ ndə̂kə̂ gbo arə gbɛ̂, kə̂ voga angakʉ̈lä, kə̂ to angbongbo pö tə̂ angâ yê, kə̂ watə̂ ngbâa ndə̂ pî lakə̂ watə̂ earə̂ ngbä. Âwâbo ndjë ndə̂kə̂ pa nyë zɨ rə la akrə käko-a.

Dokʉ̈ Körɛ̂nte 5:9

Lə̂ ngâ mbëtï ndə̂ më wân rə̂ sə̈ nyê dokʉ̈tchê, më tö rə̂ lə̂nə̈ päkëdə̂: «Nyë ngböäbô tə̂ nyê ngbô la azü ndə̂ andjë pu aɛ̈chë âdəndjë aköchë katchôgbɛ̂ lâme-ê.»

Bïchuû Körɛ̂nte 4:4

Andə̂ andjanə̈ ndə̂ andjë kôsə̂ kə̂ za su andjê sə̈ Ndjapä, ndjapä ndə̂ tchêbêche gʉ̈ä kə̂ wunsə̂ rə ndə̂ andjê, ndə̂kə̂ pa andjë wun-abô ngbänga Tchôtchô Pö ndə̂ Krîsiti wûn-î, ndə̂ âdə̂ nyîsɨ̂ Ndjapä.

Ëfêze 2:2

Nyë mbö rə alême batə̂ kə̂ mbo rə ndə̂ azü tchêbêche atə̂, kə̈ djê ma makündji ndə̂ angbongbo atchozö, ndə̂ tche sə̂ lə̂ gûtə̂ tchêbêche la tchêlafô, tchetchë kä âkə̂ mbo rə̂ angaâtə lə̂ su azü ndə̂ andjë kôsə̂ pö ma Ndjapä.

Fïlîpe 2:15

Käko nyê watə̂ azü ndə̂ pö wâbô wâ lə̂ küma andjê-ê, abechë ndə̂ Ndjapä ndə̂ ngbongbo rə wâbô wâ lə̂ küma andjê-ê, lə̂ gbâtə̂ azü ndə̂ tchô angêta âtə, ndə̂ andjë wâ ngbo ânyë kə̂ mbo ngbongbo rə. Äwäpä ngbänga nyê tcho lə̂ gûtə̂ andjê batə̂ akêkêrə̂ lafô,

Dokʉ̈ Jâan 4:5

Andjë wätə̂ azü pâ cho âtə. Bëte rə̂ kä ndə̂ andjë to pö batə̂ azü pâ cho âtə, ânyë azü pâ cho nə̈ djê andjê.

Dokʉ̈ Jâan 4:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä azə̈ nyində̂ angâ azə̂ lə̂ gbâtə̂ azə̂, bëte kə̂ nyində̂ ngâ tö bhândə̂ Ndjapä. Akrə ndə̂ tche nyîndə̂ ngâ yê, tche də̈ bechë ndə̂ Ndjapä, bëte tche wûnsə̂ Ndjapä nə̂.

Dokʉ̈ Jâan 5:19

Azə̈ wûnsə̂ nə̈ nə̂ pä azə̈ wätə̂ azü ndə̂ Ndjapä, ânyë tchêbêche âtə gbɛ̂ wä tchâtchâ gbôgbô ndə̂ Ngbongbo akrə.

Apökälîbïchi 12:9

A yî gbölö gia ndə̂ tche wâ batə̂ mbölëngä lâme atə̂ bêche. Tchetchë kä ndə̂ âwâtə̂ bəndɨ ɛ̈krʉ̂ ndə̂ a ê rə̂ tə̂ yê pä Jâbolo, Satäa earə̂ kə̂ bolo azü pâ cho gbɛ̂. A yî tchë atə̂ bêche, tchetchë la aânje ndə̂ yê.