Dokʉ̈ Körɛ̂nte 4:9 - Mbëtï Ndjapä: TÄFO MADƗ̈

⁹ Bëte lə̂ la mê, Ndjapä kʉ̈ ârâ ndə̂ abadjângele kə̈ gbôtə̂ ârâ dəngbâ azü gbɛ̂, batə̂ azü ndə̂ a wâ ngbanga kuzü lə̂ küma andjê: Azü tchêbêche gbɛ̂ täkpa ndə̂ ârâ lakə̂ wun ârâ batə̂ rə ngɨ̈, aânje ndjë la azü gbɛ̂ wün ndjë ârâ.

Dokʉ̈ Körɛ̂nte 4:9 Iomraidhean Croise

Abadjângele 19:29

Pö âlafô lə̂ gö nə̈ gbɛ̂. Azü gbɛ̂ wöto tə̂ andjê ndə̂kə̂ e atə̂ sə̂nə̈ ndə̂ azü pala tchê tə̂ andjê tâ ndə̂kə̂ wun ngɨ̈. Andjë zâ Gäyïwûse la Ärïstâreke, azü ndə̂ Mäsëdöâne bïchuû lâme, ndə̂ andjë zâ tchêngbâ Pôlo lə̂ wrʉ̂ ndə̂ yê, kə̈ ê la andjê bhâsə̂ gbölö tchô nə̈ lâme.

Abadjângele 19:31

Angâ agbölö a-earə̂ kua ndə̂ ngâ gö ndə̂ Azï, ndə̂ andjë wâtə̂ araagü Pôlo wân tchô sə̈ tchë ndə̂kə̂ dɨ tchə̂lə̂ ma andjê sə̈ tchë pä tche eabô ê atə̂sə̂ tchô ndə̂ a vu ngɨ̈ tâ lâme-ê.

Rômo 8:36

Batə̂ rə̂ ndə̂ Mbëtï Ndjapä tô rə̂ päkëdə̂: «Logbɛ̂, la mbatchâ ndjoa ëtə̂ tchêndə̂gölo, azü kä lakə̂ pu azə̂ ndə̂kə̂ won azə̂ bëte mö. Azü wün azə̂ batə̂ aɛ̈bro-ngbaga ndə̂ a e la andjê ndə̂kə̂ wa gɨ̈ andjê.»

Dokʉ̈ Körɛ̂nte 15:19

Âdə azə̂ âza su azə̂ pâ Krîsiti kütû bëte tchîsûwu ndə̂ azə̈ wâ la rə̂ angêta, dëkë azə̈ də̈ a-earə̂ nyonyo ârô adɨ̂ azü gbɛ̂.

Bïchuû Körɛ̂nte 11:23

Andjë də̈ earə̂ kua ndə̂ Krîsiti? Käko më rö andjê gbɛ̂, më tö pö lâme batə̂ earə̂ nyî. Më mbö kua kə̈ rô andjê gbɛ̂, më mbö kânga kə̈ rô andjê gbɛ̂, a bhï mê la djapra kə̈ rô andjê gbɛ̂, lə̂ agbôgbô rə ësə̂ kuzü, më rö andjê gbɛ̂.

Bïchuû Körɛ̂nte 6:9

Angâ azü wün ârâ batə̂ azü ndə̂ a wûn-âbô sə̂ andjê wûn-î, dëkë andjë wûnsə̂ ârâ nə̂, angâ azü wün ârâ batə̂ azü ndə̂ andjë tchûtchü dëkë ârâ kä la tʉ̈rʉ̂ la ârâ, andjë bhï ârâ praâbalë kə̂ wôn-âbo ârâ-a.

Dokʉ̈ Tësälönîke 3:3

ânyë ngâ akrə balë teabô tê lə̂ köbosə̂ yûkü ndə̂ azə̈ wun rə̂ angêta lâme-ê. Bëte nyënyê la tə̂ nyê, nyë wûnsə̂ nə̈ nə̂ pä yûkü ndə̂ ârâ sə̂ lakə̂ wun rə̂ âtə, Ndjapä nyïkrə rə̂ dokʉ̈tchê bëte ârâ.

Aheborö 1:14

Aânje gbɛ̂ də̂âbo atchozö ndə̂ andjë mbo kua sə̈ Ndjapä? Tche wän andjê ndə̂kə̂ za könô sə̈ azü ndə̂ andjë wâ ndə̂kə̂ tcha lə̂ kuzü.

Aheborö 10:33

A drö angâ azü lə̂ gbâtə̂ nyê, kə̈ mbô arə yûkü tə̂ andjê lə̂ la azü gbɛ̂, dëkë angânə̈ wä tchêtchêtchê ndə̂kə̂ za könô sə̈ azü ndə̂ a yûku andjê lâme.

Aheborö 11:36

A mö angânə̈, kə̈ bhî andjê la djapra, kə̈ î andjê la djingîli ânyë kə̂ yî andjê bhâlə̂ nda kânga.