Dokʉ̈ Körɛ̂nte 4:6 - Mbëtï Ndjapä: TÄFO MADƗ̈

⁶ Arə̂mä, tə̂ pö ndə̂ nyê kä ndə̂ më tô pö ndə̂ Äpölôse ndjë la andə̂ me nə̈ la tə̂ mê, ndə̂kə̂ nyisə̂ nə̈ sə̈ nyê lə̂ köbosə̂ kə̂ mbo rə ndə̂ ârâ. Nyë djë tchə̂lə̂ ndoka âtə: «Äwäpä akrə balë balë krʉ kütû pâ pö ndə̂ a mbô rə̂ lə̂ mbëtï.» Käko ânyë ngâ akrə balë bhiabô gogo yê bhî ndə̂kə̂ sə dəndə̂ ngâ akrə ânyë kə̂ kosə̂ ngânə̈.

Dokʉ̈ Körɛ̂nte 4:6 Iomraidhean Croise

Abadjângele 18:24

Ngâ juîfu ndə̂ a zɨ̂ tchë bhâlə̂ gö ndə̂ Alegezandirï, ndə̂ rə̈ yê wû pä Äpölôse, wûtu bhâ Ëfêze. Tche tö pö la köbo nə̈ kə̈ wûnsə̂ apö lə̂ Mbëtï Ndjapä tə̂ gbölösə̂nə̈.

Abadjângele 19:1

Tə̂ lo nə̈ ndə̂ Äpölôse ndə̂po bhâ Körɛ̂nte, Pôlo rô lə̂ köbo ndə̂ aga wâ tâ, kə̈ wûtu bhâ Ëfêze, tche gbô angâ adjisîpili bhâye.

Rômo 12:3

Ndjapä mbö tchôtchô su tə̂ mê. Bëte rə̂ kä ndə̂, më nyîndə̂ kə̂ to rə̂ sə̈ nyê balë balë gbɛ̂, äwäpä nyë wun-abô tə̂ nyê wûn batə̂ agbölö azü-î. Praâbalë nyë wüntə̂ nyê batə̂ ambämbä azü, gundə̂sə̂ rə ndə̂ Kpɨ̂ki Yingö za rə̂ sə̈ akrə balë balë.

Dokʉ̈ Körɛ̂nte 1:12

Pö ndə̂ më nyîndə̂ kə̂ to rə̂ wä kâkë: Akrə balë balë lə̂ gbâtə̂ nyê tö pö ngbî ngbî. Ngânə̈ tö rə̂ päkëdə̂: «Më də̈ akrə ndə̂ Pôlo.» Ngânə̈ tô rə̂ päkëdə̂: «Më də̈ tchandə̂ Äpölôse.» Ngânə̈ tô andə̂ ye nə̈ päkëdə̂: «Më də̈ tchandə̂ Pîêre.» Ânyë ngânə̈ tô ndjë rə̂ päkëdə̂: «Më də̈ tchandə̂ Krîsiti.»

Dokʉ̈ Körɛ̂nte 1:19

Bëte a mbö rə̂ lə̂ Mbëtï Ndjapä päkëdə̂: «Mê ndɨadje küma ndə̂ âwa lanə̈ ndə̂ azü ndə̂ küma andjê wâ lanə̈, kə̂ koadje sə kə̂ wunsə̂ rə ndə̂ a-earə̂ kə̂ wunsə̂ rə.»

Dokʉ̈ Körɛ̂nte 1:31

Käko batə̂ rə̂ ndə̂ Mbëtï Ndjapä tô rə̂ päkëdə̂: «Âdə ngâ akrə ânyində̂ kə̂ bhi gogo yê, äwäpä tche bhi gogo yê tə̂ pö ndə̂ rə ndə̂ Gbölö Gbïɛ̈ mbô rə̂.»

Dokʉ̈ Körɛ̂nte 13:4

Akrə ndə̂ tche nyîndə̂ ngâ yê, tche rʉ̈ätə̂ su yê, tche mbö dâkâ, tche mbôâbo gbölö su-a, kə̈ mbôâbo tə̂ yê gbölö-a, kə̈ bhîâbo gogo yê-a.

Dokʉ̈ Körɛ̂nte 3:19

Bëte küma azü tchêbêche ndə̂ âwa lanə̈ wätə̂ rə nyî lə̂ la Ndjapä. Ädə̈ käko ânyë Mbëtï Ndjapä tô rə̂ päkëdə̂: «Ndjapä gbö azü ndə̂ küma andjê wâ lanə̈ lâme lə̂ känyï ndə̂kə̂ bolo azü ndə̂ andjê la tə̂ andjê.»

Dokʉ̈ Körɛ̂nte 3:21

Käko âwâbo pä ngâ akrə bhi gogo yê tə̂ pö ndə̂ azü-a, bëte rə nə̈ gbɛ̂ wätə̂ andə̂ nye nə̈.

Dokʉ̈ Körɛ̂nte 5:2

Nyë sə̈ lakə̂ bhi gogo nyê pâ arə käko! Äwä âme ndə̂kə̂ pa nyë sə la nyonyo, ânyë akrə ndə̂ tche mbo tə̂ rə käko, nyê ji tchë lə̂ gûtə̂ nyê-ê.

Dokʉ̈ Körɛ̂nte 5:6

Rə ndə̂ nyê bhi gogo nyê tə̂ pö ndə̂nə̈ lâme dâkabô-a! Nyë wûn-âbo sə̂nə̈ pä kütû kpîɛ̂kpîɛ̂ djëvö ndə̂ âwâ lə̂ zûwü farîni kä ndə̂ âmbo rə̂ pä farîni nə̈ suku?

Dokʉ̈ Körɛ̂nte 8:1

Âdə andə̂ gûsû ndə̂ a wâ rə̂ la ngela sə̈ angakʉ̈lä: Tə̂ lëge nə̈, «azə̂ gbɛ̂ də̈ a-earə̂ kə̂ wunsə̂ rə», batə̂ rə̂ ndə̂ nyê to tchê rə̂. Kə̂ wunsə̂ rə lâme mbö rə̂ pä azü bhi gogo andjê, praâbalë kə̂ nyində̂ ngâ mbö rə̂ ânyë akrə ndə̂ Krîsiti ge lə̂ Yingö.

Dokʉ̈ Körɛ̂nte 9:23

Më mbö arə lâme gbɛ̂ tə̂ pö ndə̂ Tchôtchô Pö ânyë kə̂ gbo atchôtchô arə ndə̂ Tchôtchô Pö nə̈ za rə̂.

Bïchuû Körɛ̂nte 10:12

Tə̂ lëge nə̈, angâ azü wüntə̂ andjê batə̂ agbölö azü, praâbalë ârâ kʉ̂âbo sə̂kə̂ wa batə̂ andjê-a, âdəndjë ndə̂kə̂ wuntə̂ ârâ batə̂ andjê-a. Lə̂ la andjê, andjë wüntə̂ andjê la tə̂ andjê batə̂ azü ndə̂ sə̂ andjê lû kə̈ rô adɨ̂ azü gbɛ̂, andjë wün kə̂ sə ndə̂ andjê kə̈ tâkpa rə̂ la andə̂ azü gbɛ̂, dëkë küma andjê wâbo lanə̈-a.

Bïchuû Körɛ̂nte 10:15

Ârâ bhîâbo gogo ârâ ârôpâ nə̈ tə̂ pö ndə̂ kua ndə̂ angâ azü mbô rə̂-a. Praâbalë rə ndə̂ ârâ rɨ̂ su ârâ tâ wä pä âdə kə̂ za su nyê sə̈ Ndjapä âge, ârâ âmbo agbölö kua lə̂ gûtə̂ nyê kütû ëtə̂ manə̈ ndə̂ Ndjapä nyîsə̂ nə̈ sə̈ ârâ.

Bïchuû Körɛ̂nte 10:7

Nyë sə̈ lakə̂ wun arə batə̂ rə̂ ndə̂ azü wun rə. Âdə ngâ akrə âwunsə̂ nə̈ pä ânyë də̈ akrə ndə̂ Krîsiti, äwäpä tche wunsə̂ nə̈ angêta tratralë pä ârâ ndjë gbɛ̂ ârâ wä ndjë tə̂ azü ndə̂ Krîsiti.

Bïchuû Körɛ̂nte 11:4

Bëte nyë rʉ̈ätə̂ su nyê la azü ndə̂ andjë nə̂ ndə̂kə̂ mu pö sə̈ nyê pâ ngâ Jezü ngbî tə̂ Jezü ndə̂ ârâ mû pö ndə̂ yê sə̈ nyê lâme. Nyë kä ndjë tchêtchêtchê ndə̂kə̂ nyində̂ ngâ yingö ngbî tə̂ Yingö ndə̂ nyë gbô tchë dokʉ̈tchê lâme. Nyë kä ndjë tchêtchêtchê ndə̂kə̂ gamba ngâ tchôtchô pö ngbî tə̂ Tchôtchô Pö ndə̂ nyë djê rə̂ dokʉ̈tchê!

Bïchuû Körɛ̂nte 12:19

Ndə̂nə̈ gû nə̂ ndə̂ nyë wûn rə̂ pä ârâ sə̈ lakə̂ pu köbo ndə̂kə̂ wa djîrə̂ lə̂ la nyê? Ɛ̂n-ɛ̈n! Âdə̂âbo käko-a. Bëte rə̂ ndə̂ ârâ wâ balë la Krîsiti, ârâ tö pö lâme lə̂ la Ndjapä. Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, rə gbɛ̂ ndə̂ më mbô rə̂ lâme, më mbö rə̂ ndə̂kə̂ pa Egilîze ndə̂ nyê kpokpo tə̂ yê.

Bïchuû Körɛ̂nte 12:20

Wawa mbö mê ndə̂kə̂ pa âdə mê âsə̈ wutu bhândə̂ nyê, kə̂ wun kə̂ sə ndə̂ nyê âwa ngbî tə̂ anə̈ ndə̂ su mê nyîndə̂ nə̈, ânyë nyënyê ndjë gbɛ̂, nyê wun kə̂ sə ndə̂ mê âwa ngbî tə̂ anə̈ ndə̂ su nyê nyîndə̂ nə̈. Wawa mbö mê ndə̂kə̂ pa angbongbo arə kâkë wabô wâ lə̂ gbâtə̂ nyê: Kə̂ gama, gbölö su, mêrâ, kə̂ pu köbo ndə̂kə̂ wa batə̂ ngâ yê, kə̂ dro akrə la angbongbo apö, kə̂ to alû, kə̂ bhi gogo, kə̂ mbo angbongbo rə katchôgbɛ̂.

Bïchuû Körɛ̂nte 12:6

Âdə mê ânyində̂ kə̂ bhi gogo mê, mê wabô tee batə̂ earə̂ nyî-a, mê âto kütû lëge pö. Praâbalë më nyîâbo ndə̂kə̂ bhi gogo mê-a, ânyë azü wun-abô mê wûn gbölö âropâ rə ndə̂ mê mbo rə̂-a, âdəndjë rə ndə̂ andjë dje rə̂ lə̂ ma mê-a.

Bïchuû Körɛ̂nte 4:15

Bëte arə lâme gbɛ̂ wütu lə̂ köbosə̂ nyê, ndə̂kə̂ pa tchôtchô su ndə̂ Ndjapä za tchô gbɛ̂, ânyë angbängbä azü za ayîabâ sə̈ tchë lakə̂ voga tchë.

Kölôse 2:18

Âwâbo pä nyë gbotə̂ köbo sə̈ azü ndə̂ andjë mbötə̂ andjê lə̂ la azü batə̂ akpîɛ̂kpîɛ̂ azü ânyë kə̂ voga aânje lâme-a. Andjë wäbô ngbanga wâ lə̂ küma nyê-ê. Andjë zä su andjê tə̂ angâ arə ndə̂ andjë wûn rə̂ batə̂ lü. Kə̂ wunsə̂ rə ndə̂ andjê wä batə̂ mbämbä kə̂ za küma azü, âmbô rə̂ pä andjë wüntə̂ andjê gbölö kə̈ rô azü gbɛ̂.

Dokʉ̈ Tësälönîke 1:5

Bëte Tchôtchô Pö ndə̂ ârâ mû rə̂ sə̈ nyê, âdə̂âbo kütû mbämbä pö lə̂ ma-a, praâbalë ârâ mü rə̂ la gbôgbô ndjë lakə̂ za könô ndə̂ Kpɨ̂ki Yingö. Ârâ wünsə̂ nə̈ bhâtə̂ su ârâ pä pö ndə̂ ârâ mû rə̂ lâme wätə̂ lëge nə̈. Nyë wûnsə̂ köbo ndə̂kə̂ sə ndə̂ ârâ lə̂ gbâtə̂ nyê nə̂, ârâ mbö tâ käko ndə̂kə̂ za könô sə̈ nyê.

Bïchuû Timotë 2:10

Bëte rə̂ kä ndə̂ më rʉ̂âtə̂ su mê lə̂ arə gbɛ̂, bëte azü ndə̂ Ndjapä dɨ̂ andjê ndə̂kə̂ pa andjë tcha ndjë lə̂ kuzü. Kə̂ tcha lə̂ kuzü nə̈ lâme wâ lə̂ Jezü Krîsiti lakə̂ lusə̂tə̂ ndə̂ logbɛ̂ logbɛ̂.