Dokʉ̈ Körɛ̂nte 4:5 - Mbëtï Ndjapä: TÄFO MADƗ̈

⁵ Käko âwâbo pä nyë wa ngbanga lə̂ küma akrə dokʉ̈tchê ndə̂kə̂ pa lo nə̈ wutu-a. Nyë krʉ̈ bëte Gbölö Gbïɛ̈, tche ka ânyë. Tchetchë kä ndə̂ âwutuadje la rə ndə̂ âwâ lə̂ küwû nə̈, lə̂ bübü tchô kə̂ za rə̂ ësûwu. Tchê nyiadje sə̂ rə ndə̂ âwâ bhâlə̂ su azü kraâ lə̂ la azü gbɛ̂. Käko Ndjapä gambadje akrə balë balë gundə̂sə̂ kua ndə̂ tche mbô rə̂.

Dokʉ̈ Körɛ̂nte 4:5 Iomraidhean Croise

Matiyə̈ 10:26

«Nyë mböäbô wa azü mbô-ê. Rə gbɛ̂ ndə̂ âwâ lə̂ küwû nə̈, ârə̂ âwutuadje ësûwu. Rə ndə̂ a wûn-âbô sə̂nə̈ wûn-î, a âwun-adje sə̂nə̈.

Matiyə̈ 24:30

Ngâ sɨ̂nyî toadje bhâ lafô ndə̂kə̂ nyisə̂ kə̂ ka ndə̂ Modô ndə̂ Akrə. Azü pâ amawo tchêbêche gbɛ̂ dɨadje tchə̂lə̂ ma andjê, andjê wun-adje Modô ndə̂ Akrə ndə̂ tche ka lə̂ ndrö la gbôgbô ndə̂ yê gbɛ̂ lə̂ golowäre ndə̂ Bha nə̈.

Matiyə̈ 24:46

Mômô kä tə̂ earə̂ kua lâme ndə̂ gbölö akrə ndə̂ yê kângbâ yê kə̈ gbô tchë tə̂ ma kua nə̈.

Matiyə̈ 25:21

Gbölö akrə ndə̂ yê nə̈ tô rə̂ sə̈ tchë päkëdə̂: ‹Sə̂nə̈ kä, âdâka nə̂, mo wätə̂ djîrə̂ earə̂ kua. Âbatə̂ mo mbô tchôtchô kua la kpîɛ̂kpîɛ̂ rə ndə̂ më kʉ̂ rə̂ sə̈ mö, më âza mö ndə̂kə̂ wun tchô pâ angbängbä arə ndə̂ mê. Amö nə kə̂ sə la mômô la mê.›

Matiyə̈ 25:23

Gbölö akrə ndə̂ yê nə̈ tô rə̂ sə̈ tchë päkëdə̂: ‹Sə̂nə̈ kä, âdâka nə̂, mo wätə̂ djîrə̂ earə̂ kua. Âbatə̂ mo mbô tchôtchô kua la kpîɛ̂kpîɛ̂ rə ndə̂ më kʉ̂ rə̂ sə̈ mö, më âza mö ndə̂kə̂ wun tchô pâ angbängbä arə ndə̂ mê. Amö nə kə̂ sə la mômô la mê.›

Lûke 6:37

«Nyë wäbô ngbanga wâ lə̂ küma angâ nyê, ânyë Ndjapä wabô ndjë ngbanga wâ lə̂ küma nyê. Nyë zäbô pö zâ lə̂ küma angâ nyê, ânyë Ndjapä zabô ndjë pö zâ lə̂ küma nyê. Nyë kö pö lə̂ küma angâ nyê lə̂ gbâtə̂ nyê, käko Ndjapä ko pö lə̂ küma nyê.

Jâan 21:22

Jezü tô rə̂ sə̈ tchë päkëdə̂: «Âdə mê ânyində̂ nə̈ pä tche sə la tʉ̈rʉ̂ la yê ndjoa tə̂ lo kə̂ ka ndə̂ mê, äwün mö? Momö, amö za tchêngbâ mê.»

Jâan 21:23

Kütû pâ pö lâme, azü ndə̂ Krîsiti tô rə̂ lə̂ gbâtə̂ andjê pä, djisîpili lâme tchuabô andə̂ ye nə̈ tee-a. Praâbalë Jezü tôâbo rə̂ sə̈ Pîêre pä tchê tchuabô tee-a, tche tö rə̂ päkëdə̂: «Âdə mê ânyində̂ nə̈ pä tche sə la tʉ̈rʉ̂ la yê ndjoa ëtə̂ lo kə̂ ka ndə̂ mê, äwün mö?»

Jâan 5:44

Nyë nyïndə̂ nə̈ pä angâ nyê gamba nyê, nyê gamba ndjë andjê, ânyë kə̈ nyîâbô nyîndə̂ kə̂ pu köbo ndə̂kə̂ pa Ndjapä gamba nyê lâme, nyë âza su nyê sə̈ mê tchïtchïnə̈ atöko?

Rômo 14:4

Mo də̈ andə̂ zə̈ nə̈ tchabâ ânyë kə̂ jende earə̂ kua ndə̂ ngâ akrə ngbî? Âdə gbô tche âwa lafô âdəndjë rə̂ ndə̂ tche tê, äwün kütû gbölö akrə ndə̂ yê. Gbô tchë səadje lakə̂ krʉ lafô bëte Gbölö Gbïɛ̈ wä la gbôgbô ndə̂kə̂ mbo rə̂ pä tche krʉ po lafô.

Rômo 2:1

Bëte rə̂ kä ndə̂, momö ndə̂ mo wa ngbanga lə̂ küma angâ zə̈ âtə, mo âdəndjë tchabâ gbɛ̂, mo wâbo la ngâ pö balë ndə̂kə̂ to rə̂-a. Mo âsə̈ wa ngbanga lə̂ küma angâ zə̈ ânyë kə̂ mbo ndjë rə batə̂ andjê dëkë mo kä lakə̂ wa ngbanga lə̂ küma zə̈ la tə̂ zə̈.

Rômo 2:16

Rə ndə̂ âwutu kraâ lə̂ la azü lo ngbanga nə̈ kä. Äwä gundə̂sə̂ Tchôtchô Pö ndə̂ mê mu rə̂ ndə̂ âtô rə̂ pä Ndjapä âwa ngbanga lə̂ köbosə̂ Jezü Krîsiti pâ arə gbɛ̂ ndə̂ azü mbo rə̂ lə̂ küwû nə̈.

Rômo 2:29

Praâbalë rə ndə̂ azü wûn-âbô rə̂ wûn-î, mbö rə̂ pä akrə watə̂ lëge juîfu. Lëge kə̂ wa gasa wätə̂ kua ndə̂ Ndjapä mbo rə̂ lə̂ köbosə̂ Yingö ndə̂ yê lə̂ su akrə, âdə̂âbo lə̂ köbosə̂ ndïɛ̈-a. Âdə̂âbo azü kä ndə̂ âvoga lëge juîfu-a, Ndjapä kä ndə̂ a voga tchë.

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Dokʉ̈ Körɛ̂nte 1:7

Käko arə ndə̂ Kpɨ̂ki Yingö kʉ̂ rə̂ sə̈ azü, nyë kä la rə̂ gbɛ̂, nyënyê ndə̂ nyë krʉ̂ bëte kə̂ ka ndə̂ Gbölö Gbïɛ̈ ndə̂ azə̂ Jezü Krîsiti lâme.

Dokʉ̈ Körɛ̂nte 11:16

Praâbalë âdə ngâ akrə ânyində̂ kə̂ kosə̂ pö lâme, äwäpä tche wunsə̂ nə̈ pä ngâ köbo ngbî ndə̂kə̂ pa ârâ la a-Egilîze ndə̂ Ndjapä mbo rə̂ wâbo-a.

Dokʉ̈ Körɛ̂nte 11:26

Bëte logbɛ̂ ndə̂ nyê sə lakə̂ zɨ mâpa lâme, ânyë kə̂ ndjo kangûchi vɛ̂n-ɛn lâme, nyë mü pö ndə̂ kuzü Gbölö Gbïɛ̈ zoo ëtə̂ lo nə̈ ndə̂ tche ka.

Dokʉ̈ Körɛ̂nte 15:23

Praâbalë lö akrə balë balë âta tâ ânyë tche jo lə̂ kuzü: Dokʉ̈ akrə nə̈ də̈ Krîsiti, pânə̈ azü ndə̂ Krîsiti joadje kpô lo kə̂ ka ndə̂ yê.

Dokʉ̈ Körɛ̂nte 3:13

Kua ndə̂ akrə balë balë wutuadje kraâ lə̂ la azü gbɛ̂ tə̂ lo kə̂ wa ngbanga. Bëte kua ndə̂ akrə balë balë roadje lə̂ wo, ânyë wo ânyiadje sə̂ tchôtchô kua âdəndjë ngbongbo kua ndə̂ akrə balë balë gbɛ̂ ësûwu.

Dokʉ̈ Körɛ̂nte 3:14

Âdə akrə âmbo nda ânyë âjûâbô jû-î, tchê gboadje ngâ tchôtchô rə ngbânə̈.

Dokʉ̈ Körɛ̂nte 3:8

Akrə ndə̂ tche lû rə̂ la akrə ndə̂ tche sû ngû tâ, andjë wä nyɛ̂ɛ̂ balë. Praâbalë Ndjapä zadje rə sə̈ akrə balë balë gundə̂sə̂ kua ndə̂ tche mbô rə̂.

Bïchuû Körɛ̂nte 10:18

Bëte lëge earə̂ kua də̂âbo akrə ndə̂ tche to tchôtchô pö pâ yê la tə̂ yê-a, praâbalë akrə lâme Gbölö Gbïɛ̈ kä ndə̂ âto tchôtchô pö ndə̂ yê.

Bïchuû Körɛ̂nte 10:9

Më nyîâbo ndə̂nə̈ pä nyë wun mê batə̂ akrə ndə̂ tchê hrali nyê lə̂ köbosə̂ ambëtï ndə̂ mê-a.

Bïchuû Körɛ̂nte 4:2

Ârâ kôsə̂ arə tchâkabû la arə ganô ndə̂ azü mbo rə̂ lə̂ küwû nə̈ nə̂. Ârâ mbôâbo rə ndə̂kə̂ bolo azü-a, kə̈ ndrɨ̂ndrɨabô tchə̂lə̂ pö Ndjapä-a. Praâbalë ârâ mü lëge pö sə̈ azü, käko kä ndə̂, lə̂ la Ndjapä kə̂ rɨ tchə̂lə̂ su azü nə̈ gbɛ̂ wa pâ ârâ.

Bïchuû Körɛ̂nte 5:10

Bëte azə̂ gbɛ̂ wutuadje tchâtchu ngbanga ndə̂ Krîsiti ndə̂kə̂ pa akrə balë balë gbo rə ngbâ rə ndə̂ tche mbô rə̂ sə̂nə̈ ndə̂ tche sə̂ la tʉ̈rʉ̂ la yê pâ cho âtə, atchôtchô nə̈ âdəndjë angbongbo nə̈.

Dokʉ̈ Tësälönîke 5:2

Nyënyê la tə̂ nyê, nyë wûnsə̂ nə̈ nə̂ djîrə̂ päkëdə̂: Lö kə̂ ka ndə̂ Gbölö Gbïɛ̈ âwa batə̂ earə̂ ngbä lə̂ bütchî.

Aheborö 4:13

Ngâ rə balë ndə̂ Ndjapä mbô rə̂ ndə̂ âwâ wü tchâtchu yê wâbo-a. Lə̂ la Ndjapä arə gbɛ̂ wä kpändëwä, tche wün tchô pâ arə gbɛ̂, azəzə̂ kä ndə̂ âtosə̂ tchêngbâ arə ndə̂ azə̈ mbô rə̂ sə̈ tchë.

Jâke 4:11

Arə̂mä, nyë jëndeabô angâ nyê jênde lə̂ gbâtə̂ nyê-ê. Akrə ndə̂ tche jênde ngâ yê, âdəndjë rə̂ ndə̂ tche wâ ngbanga lə̂ küma ngâ yê, dëkë tche jênde ndïɛ̈ nə̂, kə̈ wâ ndjë ngbanga lə̂ küma ndïɛ̈ nə̂. Âdə mo âwa ngbanga lə̂ küma ndïɛ̈, dëkë mo wâbo tə̂ akrə ndə̂ tche mbô rə gundə̂sə̂ ndïɛ̈-a, mo wätə̂ earə̂ kə̂ wa ngbanga lə̂ küma ndïɛ̈.

Jâke 5:7

Arə̂mä, nyë rʉ̈ätə̂ su nyê zoo ëtə̂ lo kə̂ ka ndə̂ Gbölö Gbïɛ̈. Nyë wünsa köbo ndə̂ earə̂ kə̂ djo kɨ̈ndɨ̈ rʉatə̂ su yê ndə̂kə̂ krʉ bëte tchôtchô lêlê rəgʉ tchə̂lə̂ kɨ̈ndɨ̈ ndə̂ yê. Tche rʉ̈ätə̂ su yê ndə̂kə̂ krʉ bëte kə̂ nyi ndə̂ adokʉ̈ anyïvrö, la adɨ̂ anyïvrö.

Jâke 5:9

Arə̂mä, nyë dɨ̈äbô tchə̂lə̂ ma nyê dɨ̂ tə̂ angâ nyê lə̂ gbâtə̂ nyê, ânyë Ndjapä wabô ngbanga wâ lə̂ küma nyê-ê. Nyë wünsaâ! Earə̂ kə̂ wa ngbanga krʉ̂ nə̂ pâ adälä manda.

Dokʉ̈ Pîêre 1:7

Lôlo la tə̂ yê ndə̂ âwâ ndə̂kə̂ ndɨ̂ndɨ̈, a zä rə̂ lə̂ wo ndə̂kə̂ wun köbosə̂ nə̈ ndə̂ âwâtə̂ tchôtchô nə̈. Käko ndjë, su nyê ndə̂ nyë zâ rə̂ sə̈ Ndjapä däka kə̈ rô lôlo lâme, praâbalë su nyê nə̈ ndə̂ nyë zâ rə̂ sə̈ Ndjapä nə̈ lâme rö lə̂ agbôgbô arə ndə̂kə̂ pa a wun köbosə̂ nə̈ ndə̂ âwâtə̂ tchôtchô nə̈. Käko kä ndə̂ nyê gboadje voga tchânə̂ Ndjapä, kə̂ gbo golowäre ndjë lakə̂ lusə̂tə̂, tə̂ lo ndə̂kə̂ ka ndə̂ Jezü Krîsiti.

Dokʉ̈ Pîêre 5:4

Käko âdə makündji ndə̂ a-earə̂ kə̂ bata aɛ̈bro-ngbaga nə̈ âwutu, nyê gboadje rə ngbânə̈ ndə̂ âdə̂ atchôtchô arə ndə̂ âwâ pïï etə̂.

Bïchuû Pîêre 3:12

Äwäpä nyë krʉ bëte lö ndə̂ Ndjapä lakə̂ mbo rə̂ gbɛ̂ ndə̂kə̂ pa äwutu angaâtə, äwäpä nyë wunsə̂ nə̈ pä, tə̂ lo nə̈ lâme kä ndə̂ wo juadje tchêlafô ânyë arə tchêlafô gbɛ̂ juwuadje lə̂ atïmï wo.

Bïchuû Pîêre 3:4

andjê toadje rə̂ päkëdə̂: «Kə̂ za bâlâ ndə̂ Gbölö Gbïɛ̈ zâ rə̂ alême tə̂ pö ndə̂ kə̂ ka ndə̂ yê lâme, pö ndə̂nə̈ wä atöko? Bëte ndə̂nə̈ gû nə̂ ndə̂ arabha azə̂ tchû, gbô arə gbɛ̂ kä gbɛ̂ kpôsə̂nə̈, ndə̂kə̂ to tə̂ lo nə̈ ndə̂ Ndjapä mbô arə gbɛ̂!»

Jûde 1:14

Hënôke, ndə̂ tche də̂ akrə mïndûu manə̈ bïchuû lə̂ gbölö mawo la tchêngbâ Adâme tô ndə̂ma Ndjapä pâ azü lâme dokʉ̈tchê alême päkëdə̂: «Wunsaâ, Gbölö Gbïɛ̈ nəadje la angbängbä aânje ndə̂ andjë wâ ngbî ânyë kə̈ dâka gbɛ̂,

Apökälîbïchi 1:7

Nyë wünsaâ, tche kä lakə̂ nə lə̂ gûtə̂ ndrö! Ânyë la azü gbɛ̂ wun-adje tchë ndjë la azü ndə̂ andjë sû tchë alême. Azü gö pâ cho gbɛ̂ dɨadje tchə̂lə̂ ma andjê tə̂ pö ndə̂ yê. Tə̂ lëge nə̈! Amin.

Apökälîbïchi 20:12

La tchêngbâ nə̈ më wûn akuzü la agbölö azü la akpîɛ̂kpîɛ̂ azü ndə̂ andjë krʉ̂ tchâtchu ngendë-gbïɛ̈ nə̈. A vrô tchêla ambëtï. A kâ vrô tchêla ngâ mbëtï, ndə̂ a mbô rə̈ azü ndə̂ andjë wâ la tchîsûwu lə̂nə̈. A wâ ngbanga pâ akuzü gundə̂sə̂ rə ndə̂ andjë mbô rə̂ batə̂ rə̂ ndə̂ a mbô rə̂ lə̂ ambëtï.