Dokʉ̈ Körɛ̂nte 4:21 - Mbëtï Ndjapä: TÄFO MADƗ̈

²¹ Giamâ nyë nyîndə̂ nə̈? Nyë nyïndə̂ nə̈ pä më nə pu nyê la djapra? Âdəndjë rə̂ ndə̂ nyë nyîndə̂ nə̈ pä më nə la su ndə̂kə̂ nyində̂ ngâ ndjë la su ndə̂ âmbo rə tə̂ nyima nə̈?

Dokʉ̈ Körɛ̂nte 4:21 Iomraidhean Croise

Dokʉ̈ Körɛ̂nte 4:18

Angâ azü wüntî pä mê kä ka bata atə̂ndə̂ nyê tee-a, ânyë kə̈ sə̂ lakə̂ nyisə̂ tə̂ andjê ârô masə̂nə̈.

Dokʉ̈ Körɛ̂nte 5:5

Äwäpä nyë gbotə̂ akrə käko tchânə̂ Satäa ânyë Satäa ndɨ tə̂ akrə nə̈. Käko ânyë yingö ndə̂ akrə nə̈ tcha lə̂ kuzü lo kə̂ ka ndə̂ Gbölö Gbïɛ̈.

Bïchuû Körɛ̂nte 1:23

Lə̂ la Ndjapä më tö lëge pö sə̈ nyê, äwäpä më tchu ärö ndə̂kə̂ pa më mo yepa! Më kösə̂ kə̂ e atə̂ Körɛ̂nte bëte më nyîâbo ndə̂kə̂ gi nyonyo sə̈ nyê-a.

Bïchuû Körɛ̂nte 10:6

Âdə nyë âmbo rə gundə̂sə̂ pö ma Krîsiti djîrə̂ nə̂, ârâ âsə tchêtchêtchê ndə̂kə̂ wa ngbanga lə̂ küma azü ndə̂ andjë kôsə̂ pö.

Bïchuû Körɛ̂nte 10:8

Ndə̂ më sə̂ lakə̂ bhi gogo mê bëte gbôgbô ndə̂ Gbölö Gbïɛ̈ zâ rə̂ sə̈ ârâ, ganô mbôâbo mê-a. Gbôgbô nə̈ wä ndə̂kə̂ mbo rə̂ pä Egilîze ndə̂ nyê kpokpo tə̂ yê, praâbalë âwâbo ndə̂kə̂ ndɨ rə̂ ndɨ̈-a.

Bïchuû Körɛ̂nte 12:18

Më tö apö tə̂ gbölösə̂nə̈ sə̈ Tîte ânyë kə̈ wân tchë pu nyê. Tchetchë la ngâ earə̂ azə̂ ndə̂ më tô pö ndə̂ yê sə̈ nyê lâme. Ndə̂ Tîte ê lâme, tche mbö nyê ndə̂kə̂ gbo ngâ rə tchânə̂ nyê? Ârâ la tchë gbɛ̂ su ârâ wâbo balë? Ânyë kə̂ mbo rə ndə̂ ârâ la tchë wâbo nyɛ̂ɛ̂ balë?

Bïchuû Körɛ̂nte 13:10

Bëte rə̂ kä ndə̂ gbô mê sə̂ ngrɨ̈ tə̂ nyê, kə̈ mbô mbëtï âtə ndə̂kə̂ wan rə̂ sə̈ nyê. Käko âdə mê âwutu bhâye, kə̂ hroabô hrô la nyê-ê lə̂ köbosə̂ gbôgbô ndə̂ Gbölö Gbïɛ̈ zâ rə̂ sə̈ mê ndə̂kə̂ mbo rə̂ pä Egilîze ndə̂ nyê kpokpo tə̂ yê, âdə̂âbo ndə̂kə̂ ndɨ rə̂ ndɨ̈-a.

Bïchuû Körɛ̂nte 13:2

Sə̂nə̈ ndə̂ më ê bhândə̂ nyê tə̂ bïchuû nə̈, më tô pö âtə nə̂. Andə̂ tchô angêta, ndə̂ më sə̂ ngrɨ̈ tə̂ nyê, më âkä to rə̂ sə̈ azü ndə̂ andjë mbô ngbongbo rə dokʉ̈tchê, ndjë la adɨ̂ azü gbɛ̂, âdə mê âkä e atə̂ndə̂ nyê, la mê âdro la nyê.

Bïchuû Körɛ̂nte 2:1

Käko më nyïkrə rə̂ tə̂ su mê ndə̂kə̂ kä doabô tə̂ mê dô pu nyê ânyë kə̂ kä zabô nyonyo zâ tə̂ su nyê tə̂ bïchuû nə̈-ê.

Bïchuû Körɛ̂nte 2:3

Dju mbëtï ndə̂ më wân rə̂ sə̈ nyê lâme kä. Më nyîâbo ndə̂kə̂ za nyonyo tə̂ su azü ndə̂ andjë wâ ndə̂kə̂ mbo rə̂ pä më wa la mômô-a. Më wünsə̂ nə̈ tə̂ su mê lə̂ köbosə̂ nyê pä, mômô ndə̂ âwâtə̂ su mê lâme wä ndjë tə̂ su nyê gbɛ̂

Bïchuû Körɛ̂nte 3:10

Golowäre ndə̂ âtcho dokʉ̈tchê wätə̂ ngâ mbämbä rə tchâtchu golowäre ndə̂ tchô angêta, bëte ärö anə̈ dokʉ̈tchê tə̂ gbölösə̂nə̈.

Gälâte 6:1

Arə̂mä, âdə nyë âgbo ngâ akrə lakə̂ mbo ngbongbo rə, nyënyê ndə̂ Kpɨ̂ki Yingö wâ lə̂ nyê, äwäpä nyë ka la tchë pâ tchôtchô köbo tə̂ nyima nə̈. La zə̈ gbö-ê! Ânyë momö ndjë gbɛ̂ ngâ rə vuabô mö vû ndə̂kə̂ pa mo te lə̂ ngbongbo rə-ê.

Dokʉ̈ Tësälönîke 2:7

Äwä âme ndə̂kə̂ pa ârâ wa batə̂ ngâ kʉ̂ngbô pâ nyê tə̂ pö ndə̂nə̈ ndə̂ ârâ wâtə̂ abadjângele ndə̂ Krîsiti. Praâbalë ndə̂ ârâ sə̂ alême lə̂ gbâtə̂ nyê, ârâ mbö nyê nyima-ë, batə̂ ngâ anyï bechë ndə̂ tche kʉ̂ abechë ndə̂ yê ë krʉ yê ânyë kə̂ za ngo ëma andjê.

Jâke 3:17

Küma ndə̂ âwa lanə̈, ndə̂ âtô bhâ lafô mbö rə̂ pä akrə wa tə̂ dokʉ̈ nə̈ la grôgrô su, pânə̈ âmbo rə̂ pä azü sə la zɨtɨ su, kə̂ mbo rə nyima-ë, kə̂ djetə̂ andjê lə̂ gbâtə̂ andjê, kə̂ sɨ̂sɨ̈ lakə̂ wun nyonyo azü, lakə̂ mbo tchôtchô rə tə̂ andjê. Akrə ndə̂ küma yê wâ lanə̈, tche sə̂âbo dəndə̂ ngâ akrə balë-a, kə̂ mbôâbo rə ngbî tə̂ pö ma yê-a.