Dokʉ̈ Körɛ̂nte 4:19 - Mbëtï Ndjapä: TÄFO MADƗ̈

¹⁹ Praâbalë âdə Gbölö Gbïɛ̈ ânyində̂ nə̈, mê kä kadje atə̂ndə̂ nyê angangaâtə. Âdə më âwutu, më nyîâbo ndə̂kə̂ dje kütû apö ndə̂ a-earə̂ kə̂ bhi gogo lâme-a, praâbalë më nyïndə̂ kə̂ wun gbôgbô ndə̂ andjê lakə̂ mbo rə.

Dokʉ̈ Körɛ̂nte 4:19 Iomraidhean Croise

Abadjângele 18:21

Ndə̂ tche gbôtə̂ andjê ndə̂kə̂ ro, tche tô rə̂ sə̈ andjê päkëdə̂: «Âdə Ndjapä ânyində̂ nə̈, mê kadje tə̂ngâlo ndə̂kə̂ wun nyê.» Tche â lə̂ batöo bhâ Ëfêze kə̈ rô etə̂.

Abadjângele 19:21

La tchêngbâ arə lâme, Pôlo nyîkrə rə̂ la su yê gbɛ̂ ndə̂kə̂ rôrö lə̂ gö ndə̂ Mäsëdöâne la andə̂ Akayï ânyë kə̂ e atə̂ Jerûzalêmo. Tche tö rə̂ päkëdə̂: «Âdə më âwutu bhâye, äwäpä më e ndjë atə̂ Rômo.»

Abadjângele 20:2

Tche âsə̈ ro lə̂ agö lâme, kə̈ zâ wängö ndə̂kə̂ za gbôgbô tə̂ su azü ndə̂ Krîsiti tə̂ gbölösə̂nə̈. Pânə̈ tche ê atə̂ Gerêse.

Rômo 15:32

Käko âdə Ndjapä ânyində̂ nə̈, mê wutuadje bhândə̂ nyê la mômô, ânyë kə̂ sə ndrotə̂ nyê kpîɛ̂kpîɛ̂ rə̂.

Dokʉ̈ Körɛ̂nte 11:34

Âdə gʉ ânyu ngâ akrə, äwäpä tche zɨ rə bhândə̂ yê, käko ânyë ngbanga ndə̂ Ndjapä teabô tê pâ nyê sə̂nə̈ ndə̂ nyê palatə̂ nyê-ê. Âdə andə̂ adɨ̂ apö nə̈, më âwutu bhâye ânyë kə̂ nyikrəadje rə̂.

Dokʉ̈ Körɛ̂nte 14:5

Më nyïndə̂ nə̈ pä nyënyê gbɛ̂ nyê to pö la ama gö ngbî ngbî, praâbalë më nyïndə̂ nə̈ tə̂ gbogbôsə̂nə̈ pä nyë to ndə̂ma Ndjapä. Akrə ndə̂ tche tô ndə̂ma Ndjapä, tche mbö tchôtchô rə kə̈ rô akrə ndə̂ tche to pö la ama gö ngbî ngbî. Ndə̂kə̂ pa akrə ndə̂ tche to pö la ama gö ngbî ngbî mbo tchôtchô rə, äwäpä ngâ akrə to tchêngbâ pö nə̈ la ma gö ndə̂ azü nə̈, ânyë azü ndə̂ Egilîze nə̈ kpokpo tə̂ andjê.

Dokʉ̈ Körɛ̂nte 16:5

Mê nəadje pu nyê, la tchêngbâ nə̈ ndə̂ mê roadje pâ cho ndə̂ Mäsëdöâne; bëte mê roadje lə̂ Mäsëdöâne ânyë kə̂ e etə̂.

Dokʉ̈ Körɛ̂nte 16:7

Andə̂ anə̈ âtə, më nyîâbo ndə̂kə̂ yi kütû la mê pâ nyê kə̂ ro etə̂-a, praâbalë më nyïndə̂ kə̂ sə la nyê lə̂ angâ alö, ndə̂ Gbölö Gbïɛ̈ nyîndə̂ nə̈.

Dokʉ̈ Körɛ̂nte 2:6

Dëkë, ârâ nyïsə̂ köbo ndə̂ küma akrə wa lanə̈ sə̈ azü ndə̂ Krîsiti ndə̂ andjë dû lə̂kə̂ za su andjê sə̈ Ndjapä. Küma ndə̂ âwa lanə̈ lâme tôâbo pâ cho âtə-a, kə̈ tôâbo ndjë tə̂ a-earə̂ kümändëmä ndə̂ andjë wâ la gbôgbô pâ cho âtə-a. Arə lâme gbɛ̂ wä ndə̂kə̂ ndɨ̂ndɨ̈.

Dokʉ̈ Körɛ̂nte 4:18

Angâ azü wüntî pä mê kä ka bata atə̂ndə̂ nyê tee-a, ânyë kə̈ sə̂ lakə̂ nyisə̂ tə̂ andjê ârô masə̂nə̈.

Dokʉ̈ Körɛ̂nte 4:6

Arə̂mä, tə̂ pö ndə̂ nyê kä ndə̂ më tô pö ndə̂ Äpölôse ndjë la andə̂ me nə̈ la tə̂ mê, ndə̂kə̂ nyisə̂ nə̈ sə̈ nyê lə̂ köbosə̂ kə̂ mbo rə ndə̂ ârâ. Nyë djë tchə̂lə̂ ndoka âtə: «Äwäpä akrə balë balë krʉ kütû pâ pö ndə̂ a mbô rə̂ lə̂ mbëtï.» Käko ânyë ngâ akrə balë bhiabô gogo yê bhî ndə̂kə̂ sə dəndə̂ ngâ akrə ânyë kə̂ kosə̂ ngânə̈.

Bïchuû Körɛ̂nte 1:23

Lə̂ la Ndjapä më tö lëge pö sə̈ nyê, äwäpä më tchu ärö ndə̂kə̂ pa më mo yepa! Më kösə̂ kə̂ e atə̂ Körɛ̂nte bëte më nyîâbo ndə̂kə̂ gi nyonyo sə̈ nyê-a.

Bïchuû Körɛ̂nte 10:9

Më nyîâbo ndə̂nə̈ pä nyë wun mê batə̂ akrə ndə̂ tchê hrali nyê lə̂ köbosə̂ ambëtï ndə̂ mê-a.

Aheborö 6:3

Âdə Ndjapä ânyində̂ nə̈, rə ndə̂ azə̈ wâ ndə̂kə̂ mbo rə̂ kä lâme.

Jâke 4:15

Pö ndə̂ nyë wâ âme ndə̂kə̂ to rə̂ wä kâkë: «Âdə Gbölö Gbïɛ̈ ânyində̂ nə̈, ârâ səadje la tʉ̈rʉ̂ la ârâ, kə̂ mboadje rə kâkë âdəndjë anə̈ kâkë.»