Dokʉ̈ Körɛ̂nte 4:14 - Mbëtï Ndjapä: TÄFO MADƗ̈

¹⁴ Më mbôâbo mbëtï âtə sə̈ nyê ndə̂kə̂ za ganô lə̂ la nyê-a, praâbalë më nyïndə̂ kə̂ kra tü nyê dokʉ̈tchê batə̂ abechë ndə̂ mê ndə̂ më nyîndə̂ andjê tə̂ gbölösə̂nə̈.

Dokʉ̈ Körɛ̂nte 4:14 Iomraidhean Croise

Abadjângele 20:31

La nyê gbö-ê, lə̂ ngû vötaâ më gbôâbo tə̂kə̂ za wängö sə̈ nyê tchêdalo la tchə̂lə̂ bütchî la ngûla lə̂ la mê-a, sə̂nə̈ têâbo lə̂ nyê?

Dokʉ̈ Körɛ̂nte 15:34

Nyë mbö rə batə̂ azü ndə̂ küma andjê wâ lanə̈, kə̂ mboabô ngbongbo rə mbô-ê! Bëte angâ azü lə̂ gbâtə̂ nyê wûn-abo sə̈ Ndjapä-a, më tö pö lâme bëte äwätə̂ ganô ndə̂ nyê.

Dokʉ̈ Körɛ̂nte 4:15

Bëte âdə azü sâke lə̂ könô gbɛ̂ kä ndə̂ ânyîsə̂ köbo ndə̂kə̂ wa balë la Krîsiti sə̈ nyê, arabha nyê ngbâbo ngbä-a: Mëmê kä ndə̂ âzɨ̂ nyê lə̂ köbosə̂ nə̈ ndə̂ më mû Tchôtchô Pö sə̈ nyê ânyë nyë wâ balë la Jezü Krîsiti.

Dokʉ̈ Körɛ̂nte 4:17

Tə̂ pö ndə̂nə̈ kä ndə̂ më wân Timotë sə̈ nyê, modô ndə̂ mê ndə̂ më nyîndə̂ yê tə̂ gbölösə̂nə̈, ndə̂ gbô tchë sə̂ lə̂ köbo Gbölö Gbïɛ̈. Tche kä ndə̂ ânyiadje sə̂ köbo ndə̂ më sə̂ la rə̂ la tchêngbâ nə̈ ndə̂ më wâ balë la Krîsiti, batə̂ rə̂ ndə̂ më nyîsə̂ nə̈ katchôgbɛ̂, kulə̂ a-Egilîze.

Dokʉ̈ Körɛ̂nte 6:5

Më tö pö lâme käko, bëte äwätə̂ ganô ndə̂ nyê. Käko lə̂ gbâtə̂ nyê, ngâ akrə balë ndə̂ küma yê wâ lanə̈, ndə̂ tche wâ la gbôgbô ndə̂kə̂ wa ngbanga ndə̂ pö lə̂ gûtə̂ arə̂mâ sə̂âbo?

Dokʉ̈ Körɛ̂nte 9:15

Praâbalë më gbôâbo ngâ rə balë lə̂nə̈-a. Më mbôâbo mbëtï âtə ndə̂kə̂ yukû nə̈-a. Ädäka ndə̂kə̂ pa më tchu kə̈ rô rə̂ ndə̂kə̂ pa më yukû rə tchânə̂ nyê. Bëte rə̂ kä ndə̂ mê bhi gogo mê, ngâ akrə balë ndə̂ tche wâ ndə̂kə̂ ji rə̂ wâbo-a.

Bïchuû Körɛ̂nte 11:11

Më tö pö lâme käko bëte giamâ? Më tö pö lâme bëte më nyîâbo ndə̂ nyê? Ndjapä wûnsə̂ nə̈ nə̂ pä më nyïndə̂ nyê!

Bïchuû Körɛ̂nte 12:19

Ndə̂nə̈ gû nə̂ ndə̂ nyë wûn rə̂ pä ârâ sə̈ lakə̂ pu köbo ndə̂kə̂ wa djîrə̂ lə̂ la nyê? Ɛ̂n-ɛ̈n! Âdə̂âbo käko-a. Bëte rə̂ ndə̂ ârâ wâ balë la Krîsiti, ârâ tö pö lâme lə̂ la Ndjapä. Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, rə gbɛ̂ ndə̂ më mbô rə̂ lâme, më mbö rə̂ ndə̂kə̂ pa Egilîze ndə̂ nyê kpokpo tə̂ yê.

Bïchuû Körɛ̂nte 7:3

Më tôâbo pö nə̈ lâme ndə̂kə̂ wa ngbanga lə̂ küma nyê-a, bëte më tô rə̂ sə̈ nyê dokʉ̈tchê nə̂ pä, âdə ârâ âtchu âdəndjë rə̂ ndə̂ ârâ sə̂ la tʉ̈rʉ̂ la ârâ, ârâ nyïndə̂ nyê tə̂ gbölösə̂nə̈.

Kölôse 1:28

Pö ndə̂ yê kä ndə̂ ârâ mu rə̂ sə̈ azü. Ârâ krä tü andjê ndjë lakə̂ nyisə̂ rə sə̈ andjê balë balë gbɛ̂ lə̂ köbosə̂ küma ndə̂ âwâ lanə̈, ânyë akrə balë balë ge lə̂ Kpɨ̂ki Yingö lakə̂ wa balë la Krîsiti.

Dokʉ̈ Tësälönîke 2:11

Nyë wûn ndjë sə̂nə̈ nə̂ pä ârâ mbö rə tə̂ akrə balë balë batə̂ rə̂ ndə̂ bha bechë mbo rə̂ tə̂ abechë ndə̂ yê.

Dokʉ̈ Tësälönîke 5:14

Arə̂mä, ârâ zä wängö sə̈ nyê ndə̂kə̂ pa nyë gbɨtɨ tü andjanə̈ ndə̂ andjë mboabô rə mbô lə̂ köbo nə̈ lâme-ê, kə̂ za wängö ndə̂kə̂ za gbôgbô tə̂ su andjanə̈ ndə̂ andjë zôgo. Nyë zä könô sə̈ andjänə̈ ndə̂ andjë wâbô wâ la gbôgbô-ê, kə̂ rʉatə̂ su nyê la azü gbɛ̂.

Bïchuû Tësälönîke 3:14

Âdə ngâ akrə âmboabô rə mbô gundə̂sə̂ apö ndə̂ ârâ tô rə̂ lə̂ mbëtï âtə, la nyê gbö tə̂ yê. Nyë wabô wâ la tchë lə̂ ngâ rə balë-ê, käko ânyë ganô mbo tchë.

Filemön 1:10

Më yükû nə̈ sə̈ mö ndə̂kə̂ pa mo mbo dâkâ tə̂ bechë ndə̂ mê Önëzîme. Bëte bhâlə̂ nda kânga bhâtə, tche wâ nə̂ tə̂ modô ndə̂ mê lə̂ köbosə̂ Jezü Krîsiti.

Dokʉ̈ Jâan 2:1

Abechë ndə̂ mê, më mbö mbëtï âtə sə̈ nyê ndə̂kə̂ pa nyë mboabô ngbongbo rə mbô-ê. Âdə ngâ akrə âmbo ngbongbo rə, azə̈ kä la ngâ earə̂ kə̂ za kokô azə̂ ndrotə̂ Bha azə̂, tche də̈ Jezü Krîsiti, ndə̂ tche wâ djîrə̂.

Vötaâ Jâan 1:4

Ndə̂ më djê pö ndə̂ abechë ndə̂ mê ndə̂ andjë sə̂ lə̂ lëge pö, mômô ndə̂ më wâ la rə̂ rö adɨ̂ amômô gbɛ̂.