Dokʉ̈ Körɛ̂nte 4:12 - Mbëtï Ndjapä: TÄFO MADƗ̈

¹² Ârâ wün yûkü lakə̂ mbo kua la könô ârâ ânyë kə̂ gbo kɨ̈zɨ̂. A drö ârâ, praâbalë ârâ ë tchôtchô pö pâ andjê, a mbö ârâ la gbôgbô, praâbalë ârâ rʉ̈ätə̂ su ârâ.

Dokʉ̈ Körɛ̂nte 4:12 Iomraidhean Croise

Matiyə̈ 5:11

Nyë wä la mômô, nyënyê ndə̂ azü dro nyê, kə̂ mbo ngbongbo rə tə̂ nyê, kə̂ to angbongbo pö lakə̂ mo yepa la rə̈ nyê bëte mê.

Matiyə̈ 5:44

Mëmê ndə̂ me nə̈, më tö rə̂ sə̈ nyê päkëdə̂: Nyë nyïndə̂ a-earə̂ kə̂ kosə̂ nyê! Nyë tö pö sə̈ Ndjapä bëte azü ndə̂ andjë mbo gbôgbô tə̂ nyê!

Lûke 23:34

Jezü tô rə̂ päkëdə̂: «Bha mê, amö ko pö lə̂ küma andjê-ê, bëte andjë wûn-âbo sə̂ rə ndə̂ andjë mbô rə̂ âtə-a.» Andjë tâ kʉ̂kâ ndə̂kə̂ pa änyisə̂ akrə ndə̂ tchê kʉadje alə̂ba ndə̂ Jezü, pânə̈ andjë krʉ̂ tchə̂lə̂ nə̈ tə̂ andjê.

Lûke 6:28

Nyë ë tchôtchô pö pâ azü ndə̂ andjë e ngbongbo pö pâ nyê, kə̂ to pö sə̈ Ndjapä bëte azü ndə̂ andjë mbo nyê la yûkü.

Jâan 15:20

Nyë rɨ̈ tchə̂lə̂ nyê tə̂ pö ndə̂ më tô rə̂ päkëdə̂: ‹Earə̂ kua wâbo gbölö kə̈ rô gbölö akrə ndə̂ yê-a.› Âdə azü tchêbêche âmbo mê la yûkü, andjê mboadje ndjë nyê la yûkü. Âdə andjê âbata pö ndə̂ mê, andjê batadje ndjë pö ndə̂ nyê.

Abadjângele 18:3

Tche sə̂ po bhândə̂ andjê bëte kua ndə̂ tche mbo rə̂ la andə̂ Äkïlâse nə̈ wä balë: Andjë də̈ azü ndə̂ andjë mbo kua ndə̂ andokʉ̈ ndə̂ a mbo rə̂ la lə̂ba.

Abadjângele 20:34

Nyënyê la tə̂ nyê, nyë wûnsə̂ nə̈ nə̂ gbɛ̂ pä më mbö kua la könô mê ânyë mëmê la azü ndə̂ ârâ mbô kua balë la andjê gbo arə ngbânə̈.

Abadjângele 7:60

La tchêngbâ nə̈ tche gʉ̂te ëbêche ânyë kə̈ ôn ngbôô kə̈ tô rə̂ päkëdə̂: «Gbölö Gbïɛ̈, amö ko pö lə̂ küma andjê!» La tchêngbâ pö nə̈ lâme, tche tchû-î.

Rômo 12:14

Nyë yü Ndjapä ndə̂kə̂ pa tche e tchôtchô pö pâ azü ndə̂ andjë mbo nyê la yûkü, nyë yükû nə̈ sə̈ Ndjapä pä tche e tchôtchô pö pâ andjê âdə̂âbo pä tche dra ndə̂ andjê-a.

Rômo 12:20

Mbëtï nə̈ kä tö rə̂ päkëdə̂: «Âdə gʉ ânyu earə̂ kə̂ kosə̂ zə̈, amö za kɨ̈zɨ̂ sə̈ tchë, tche zɨ̂ rə̂. Âdə gʉ ngû ânyu tchë, tu ngû sə̈ tchë, tche ndjô rə̂. Âdə mo âmbo tâ käko, rə nə̈ âwa batə̂ jïwo kä ndə̂ mo hra rə̂ atə̂pâ küma yê.»

Rômo 8:35

Tchabâ kä ndə̂ âwâ ndə̂kə̂ krʉ tchə̂lə̂ azə̂ lakə̂ nyində̂ azə̂ ndə̂ Krîsiti nyîndə̂ azə̂ lâme? Arə batə̂: Yûkü, wawa, agbôgbô arə ndə̂ azü mbo rə̂ tə̂ azə̂, gʉ, kə̂ wabô wâ la rə, angbongbo rə ndə̂ âgbo azə̂ âdəndjë kuzü?

Dokʉ̈ Körɛ̂nte 9:6

Kütû Bärnäbâse la mëmê kä ndə̂ âwâ ndə̂kə̂ mbo kua ânyë kə̂ gbo kɨ̈zɨ̂ ma ârâ?

Bïchuû Körɛ̂nte 11:8

Më gbö makətche-kua tchânə̂ angâ a-Egilîze ngbî, ânyë kə̂ gbo köbo ndə̂kə̂ mbo kua lə̂ gûtə̂ nyê azü ndə̂ Körɛ̂nte.

Ëfêze 4:28

Äwäpä earə̂ ngbä gbotə̂ kə̂ zɨ ngbä-ê, kə̂ za gbôgbô ndə̂ yê gbɛ̂ ndə̂kə̂ mbo kua la könô yê la tə̂ yê la köbo nə̈, kə̂ gbo rə ânyë kə̂ kʉ ngânə̈ sə̈ akrə ndə̂ tche wâbô wâ la rə̂-ê.

Dokʉ̈ Tësälönîke 2:9

Arə̂mä, äwäpä su nyê te pâ yûkü ndə̂ ârâ wûn rə̂ alême lakə̂ mbo kua, ânyë gbâdâ kâ tə̂ ârâ. Ârâ mbö kua dalobiî ânyë kə̈ wâbô wâtə̂ kʉ̂ngbô pâ ngâ akrə balë-ê. Käko kä ndə̂ ârâ mû Tchôtchô Pö ndə̂ Ndjapä.

Bïchuû Tësälönîke 3:8

Kɨ̈zɨ̂ ndə̂ ârâ zɨ̂ rə̂, ârâ yûâbo kû nə̈ tchânə̂ ngâ akrə balë-a, praâbalë ârâ wün yûkü, kə̈ mômo lakə̂ mbo kua dalobiî ânyë kə̈ wâbô wâtə̂ kʉ̂ngbô pâ ngâ akrə balë lə̂ gbâtə̂ nyê-ê.

Dokʉ̈ Timotë 4:10

Âdə azə̂ âsə̈ wun yûkü, ndjë âdə azə̈ âsə lakə̂ mbo kʉ̈ʉ̈, bëte azə̈ zä su azə̂ pâ Ndjapä ndə̂ tche wâ la tʉ̈rʉ̂ la yê. Tche wätə̂ earə̂ kə̂ tcha azü gbɛ̂, tə̂ gbogbôsə̂nə̈ tche tchä azü ndə̂ andjë zâ su andjê sə̈ Krîsiti.

Dokʉ̈ Pîêre 2:23

Ndə̂ a drô tchë, tche drôâbo ndjë tchô ndə̂nə̈-a. Ndə̂ a mbô tchë la yûkü, tche hrâliabô ngâ akrə balë-a, praâbalë tche zä su yê pâ Ndjapä ndə̂ tche wa ngbanga djîrə̂.

Dokʉ̈ Pîêre 3:14

Âdə nyë âwun ndjë yûkü tə̂ pö ndə̂ djîrə̂ rə ndə̂ nyë mbô rə̂, nyë kä la mômô. Nyë mböämbô wa ngâ akrə balë mbô-ê, tchə̂lə̂ küma nyê djïngɨliabô djîngɨli-î.

Dokʉ̈ Pîêre 3:9

Ngbongbo rə ndə̂ azü mbo rə̂ tə̂ nyê, nyë mböäbô ndjë ngbongbo rə lâme mbô tə̂ andjê-ê, kə̂ dro tchô ndə̂ azü dro nyê la rə̂, nyë dröäbô ndjë andjê drô ndə̂ sə̂nə̈-ê. Praâbalë nyë ë tchôtchô pö pâ azü, bëte Ndjapä ë nyê tə̂ pö ndə̂nə̈, käko ânyë tche e tchôtchô pö pâ nyê.

Dokʉ̈ Pîêre 4:19

Käko andjanə̈ ndə̂ andjë sə lakə̂ wun yûkü lə̂ köbosə̂ nə̈ ndə̂ su Ndjapä nyîndə̂ nə̈, äwäpä andjë ndəpo lakə̂ mbo dâkâ, kə̂ zatə̂ andjê gbɛ̂ sə̈ Ndjapä ndə̂ tche mbô arə gbɛ̂, tche mbö rə gundə̂sə̂ pö ma yê.

Jûde 1:9

Mïchêle ndə̂ tche də̂ kabïta ndə̂ aânje mbôâbo tə̂ ngâ rə käko nə̂-a. Ndə̂ tche sə̂ alême lakə̂ po la Jâbolo tə̂ pö ndə̂ krʉkrʉ Möyîze, tche drôâbo Jâbolo-a, âdəndjë ndə̂kə̂ wa ngbanga lə̂ küma yê-a. Tche tö kütû rə̂ päkëdə̂: «Äwäpä Gbölö Gbïɛ̈ wa ngbanga lə̂ küma zə̈!»