Dokʉ̈ Körɛ̂nte 4:10 - Mbëtï Ndjapä: TÄFO MADƗ̈

¹⁰ Ârâ wätə̂ a-earə̂ nyî bëte Krîsiti, praâbalë nyënyê ndə̂ nye nə̈, nyë wätə̂ azü ndə̂ küma andjê wâ lanə̈ lə̂ köbosə̂ nə̈ ndə̂ nyë wâ balë la Krîsiti. Ârâ wâbo la gbôgbô-a, praâbalë nyë kä la gbôgbô. A lüsə̂ nyê, praâbalë kə̈ tâlusə̂ ârâ.

Dokʉ̈ Körɛ̂nte 4:10 Iomraidhean Croise

Matiyə̈ 24:9

Käko azü âyoadje sə̂ nyê ëtchânə̂ angâ azü ndə̂kə̂ pa andjë mbo nyê la yûkü, kə̂ won-adje nyê. Azü gbɛ̂ ndə̂ andjë wâbô wâtə̂ ajuîfu koadje sə̂ nyê bëte mê.

Matiyə̈ 5:11

Nyë wä la mômô, nyënyê ndə̂ azü dro nyê, kə̂ mbo ngbongbo rə tə̂ nyê, kə̂ to angbongbo pö lakə̂ mo yepa la rə̈ nyê bëte mê.

Lûke 10:16

Jezü kä tô rə̂ sə̈ adjisîpili ndə̂ yê päkëdə̂: «Âdə ngâ akrə âdje nyê, dëkë mëmê kä ndə̂ tche djê mê. Âdə ngâ akrə âkosə̂ nyê, dëkë mëmê kä ndə̂ tche kôsə̂ mê. Âdə akrə nə̈ âkosə̂ mê, dëkë tche kösə̂ akrə ndə̂ tche wän mê.»

Lûke 18:9

Jezü kâ tô ndoka âtə sə̈ angâ azü ndə̂ andjë wûntə̂ andjë tə̂ adjîrə̂ azü tchâtchu Ndjapä ânyë kə̂ talusə̂ angâ andjê.

Lûke 6:22

Nyë kä la mômô, âdə azü âkosə̂ nyê, kə̂ gro nyê, kə̂ dro nyê, kə̂ to ngbongbo pö la rə̈ nyê bëte Modô ndə̂ Akrə!

Abadjângele 17:18

Angâ a-earə̂ kə̂ nyisə̂ rə ndə̂ a ê rə̂ tə̂ andjê pä aepikurïɛ̈n la asotoyisïɛ̈n sə̂ lakə̂ to pö la tchë. Angânə̈ tö rə̂ päkëdə̂: «Ɛ̈mawû âtə nyîndə̂ kə̂ to rə̂ atöko?» Angânə̈ tô rə̂ päkëdə̂: «Tche wä batə̂ akrə ndə̂ tche mu pö ndə̂ andjapä ndə̂ angâ agö ngbî.» Bëte Pôlo mü Tchôtchô Pö ndə̂ Jezü lakə̂ jo ndə̂ azü lə̂ kuzü.

Abadjângele 17:32

Ndə̂ azü nə̈ djê pö ndə̂ Pôlo tô rə̂ pâ kə̂ jo ndə̂ azü lə̂ kuzü lâme, angânə̈ sə̂ lakə̂ mo tchë ânyë angânə̈ tô rə̂ päkëdə̂: «Ârâ djeadje mö pâ pö lâme tə̂ngâlo.»

Abadjângele 26:24

Ndə̂ gbô Pôlo ndə̂po lakə̂ nyîsə̂ dju pö ndə̂ yê zoo ëtchâme, Fëstûse tâ wârə̂ sə̈ tchë päkëdə̂: «Pôlo, nyî âmbo mö! Mo mända rə tə̂ gbölösə̂nə̈ âmbô mö ndə̂kə̂ watə̂ earə̂ nyî!»

Abadjângele 9:16

Mê nyiadje sə̂nə̈ sə̈ tchë la tə̂ mê, yûkü ndə̂ tche wun-adje rə̂ bëte rə̈ mê.»

Dokʉ̈ Körɛ̂nte 1:21

Bëte azü pâ cho âtə, lə̂ köbosə̂ küma andjê ndə̂ âwâ lanə̈, andjë wûn-âbo sə̂ Ndjapä la küma yê ndə̂ âwâ lanə̈ lâme-a. Ädə̈ käko ânyë âdâka lə̂ la Ndjapä ndə̂kə̂ tcha andjanə̈ ndə̂ andjë zâ su andjê sə̈ tchë kütû lə̂ köbosə̂ pö ndə̂ ârâ mû rə̂, ndə̂ âwâ batə̂ pö nyî lâme.

Dokʉ̈ Körɛ̂nte 1:23

Praâbalë andə̂ ârâ, ârâ sə̈ lakə̂ mu pö päkëdə̂: A wôn Krîsiti pâ yö ndə̂ gba nə̂. Andə̂ ajuîfu, pö lâme zä gbölö mêrâ tə̂ su andjê bëte äwätə̂ pö ndə̂kə̂ dro Ndjapä, ânyë kə̈ wâtə̂ pö nyî lə̂ la azü ndə̂ andjë wâbô wâtə̂ ajuîfu-î.

Dokʉ̈ Körɛ̂nte 1:25

Bëte rə ndə̂ Ndjapä ndə̂ âwâ lə̂ la azü batə̂ rə nyî, rə nə̈ lâme zä küma ndə̂ âwa lanə̈ kə̈ rô andə̂ azü. Ânyë rə ndə̂ Ndjapä ndə̂ azü wûn rə̂ tə̂ mömö rə, äwä la gbôgbô kə̈ rô gbôgbô ndə̂ azü.

Dokʉ̈ Körɛ̂nte 10:12

Käko akrə ndə̂ tche wûn rə̂ pä anyë krʉ̂ lafô nə̂, äwäpä la yê gbo-ê, ânyë tche teabô tê-ê.

Dokʉ̈ Körɛ̂nte 2:14

Akrə ndə̂ tche wâbô wâ la Yingö ndə̂ Ndjapä, tche wâbo ndə̂kə̂ gamba arə ndə̂ Kpɨ̂ki Yingö-a. Rə nə̈ wä batə̂ rə nyî lə̂ la yê, tche wâbo ndə̂kə̂ dje tchə̂lə̂ nə̈-a, bëte lə̂ köbosə̂ Kpɨ̂ki Yingö balë kä ndə̂ akrə wünsə̂ kə̂ krʉ tchə̂lə̂ tchôtchô rə la ngbongbo rə.

Dokʉ̈ Körɛ̂nte 2:3

Ndə̂ më sə̂ lə̂ gbâtə̂ nyê alême, më wâbo la gbôgbô-a, wawa rôpâ mê ânyë më sə̂ lakə̂ gûgû gügu.

Dokʉ̈ Körɛ̂nte 3:18

Âwâbo pä akrə bolotə̂ yê la tə̂ yê-a. Âdə ngâ akrə lə̂ gbâtə̂ nyê âwun rə̂ pä küma anyê kä lanə̈ batə̂ azü ndə̂ tchêbêche âtə, äwäpä tche watə̂ earə̂ nyî ânyë kə̂ watə̂ djîrə̂ akrə ndə̂ küma yê wâ lanə̈.

Dokʉ̈ Körɛ̂nte 3:2

Më zä ngû ngo sə̈ nyê ndə̂kə̂ pa nyë ndjo rə̂, më zâbo gbôgbô kɨ̈zɨ̂ sə̈ nyê-a, bëte nyê zɨabô rə̂ tee-a. Praâbalë ndə̂ tchô angêta nyê kä gboabô ndjë köbo ndə̂kə̂ zɨ rə̂ tee-a.

Dokʉ̈ Körɛ̂nte 4:8

Nyë wüntî pä nyë gbô arə gbɛ̂ ndə̂ su nyê nyîndə̂ nə̈ nə̂! Nyë wüntî pä nyë wâ nə̂ tə̂ azü ndə̂ andjë wâ la rə! Nyë wâ sa nə̂ tə̂ agbïɛ̈, praâbalë âdə̂âbo ârâ-a! Tə̂ lëge nə̈ më nyïndə̂ nə̈ pä nyë watə̂ alëge agbïɛ̈ ânyë ârâ mbo ndjë gbïɛ̈ la nyê.

Bïchuû Körɛ̂nte 10:10

Bëte angâ azü tö rə̂ päkëdə̂: «Apö lə̂ ambëtï ndə̂ Pôlo lü, kə̈ kpô tə̂ gbölösə̂nə̈; praâbalë âdə tche âsə lə̂ gûtə̂ azə̂, tche wâbo la gbôgbô-a, ânyë pö lə̂ ma yê wâbo tə̂ ngâ rə balë-a.»

Bïchuû Körɛ̂nte 11:19

Nyënyê ndə̂ nyë wûnsə̂ rə, nyë rʉ̈ätə̂ su nyê ndə̂kə̂ dje a-earə̂ nyî!

Bïchuû Körɛ̂nte 11:29

Âdə ngâ akrə âwabô wâ la gbôgbô, mëmê ndjë gbɛ̂ më wün ndjë tə̂ mê käko. Âdə a âmbo rə̂ pä ngâ akrə te lə̂ ngbongbo rə, âkʉ mê tə̂ gbölösə̂nə̈.

Bïchuû Körɛ̂nte 13:9

Sə̂nə̈ ndə̂ ârâ wâbô wâ la gbôgbô, ârâ wä la mômô, ânyë nyënyê ndə̂ nye nə̈, nyë wâ la gbôgbô. Rə ndə̂ ârâ to pö sə̈ Ndjapä bëte rə̂ wä ndə̂kə̂ pa nyë mbotə̂ nyê tə̂ azü ndə̂ nyë dâka gbɛ̂.

Bïchuû Körɛ̂nte 4:12

Lə̂ köbosə̂ nə̈ kä ndə̂ kuzü sə̂ lakə̂ mbo kua lə̂ tə̂ ârâ, praâbalë andə̂ nye nə̈, tchîsûwu kä ndə̂ âmbo kua lə̂ nyê.

Bïchuû Körɛ̂nte 6:8

Angâ azü lüsə̂ ârâ ânyë angânə̈ yî ganô lə̂ la ârâ, angâ azü tö tchôtchô pö tə̂ ârâ ânyë angânə̈ to ngbongbo pö tə̂ ârâ, angâ azü wün ârâ tə̂ a-earə̂ yepa dëkë ârâ tö lëge pö.

Dokʉ̈ Tësälönîke 4:8

Bëte rə̂ kä ndə̂ akrə ndə̂ tche kôsə̂ apö âtə, dëkë akrə də̂âbo tchë ndə̂ tche kôsə̂ yê-a, praâbalë Ndjapä kä ndə̂ tche kôsə̂ yê, tchetchë ndə̂ tche zâ Kpɨ̂ki Yingö ndə̂ yê sə̈ nyê lâme.

Dokʉ̈ Pîêre 4:14

Âdə a âdro nyê bëte rə̈ Krîsiti, nyë kä la mômô, bëte Yingö ndə̂ Ndjapä ndə̂ âwâ gbölö kä pâ nyê.