Dokʉ̈ Körɛ̂nte 3:8 - Mbëtï Ndjapä: TÄFO MADƗ̈

⁸ Akrə ndə̂ tche lû rə̂ la akrə ndə̂ tche sû ngû tâ, andjë wä nyɛ̂ɛ̂ balë. Praâbalë Ndjapä zadje rə sə̈ akrə balë balë gundə̂sə̂ kua ndə̂ tche mbô rə̂.

Dokʉ̈ Körɛ̂nte 3:8 Iomraidhean Croise

Matiyə̈ 16:27

Bëte Modô ndə̂ Akrə âkadje ngbâ yê la aânje ndə̂ yê lə̂ gbôgbô ndə̂ Bha nə̈. Tchê kʉadje rə ndə̂ akrə balë balë sə̈ tchë gundə̂sə̂ rə ndə̂ tche mbô rə̂.

Lûke 19:19

Gbïɛ̈ nə̈ tô rə̂ sə̈ tchë päkëdə̂: ‹Momö, më zä mö tə̂ goverenëre pâ agö mïndûu.›

Rômo 2:6

Ndjapä âzadje rə sə̈ akrə balë balë gundə̂sə̂ rə ndə̂ tche mbô rə̂.

Dokʉ̈ Körɛ̂nte 15:58

Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë kpökpo tə̂ nyê logbɛ̂, kə̂ sə kpô tə̂kə̂ mbo kua ndə̂ Gbölö Gbïɛ̈ la su nyê gbɛ̂. Äwäpä nyë wunsə̂ nə̈ pä kua ndə̂ nyê mbo rə̂ bëte Gbölö Gbïɛ̈ lâme, tchêngbâ nə̈ wâbo ämbänə̈-a.

Dokʉ̈ Körɛ̂nte 3:14

Âdə akrə âmbo nda ânyë âjûâbô jû-î, tchê gboadje ngâ tchôtchô rə ngbânə̈.

Dokʉ̈ Körɛ̂nte 3:7

Käko akrə ndə̂ tche chî rə̂ la akrə ndə̂ tche sû ngû tâ, andjë gbɛ̂ wâbo tə̂ ngâ rə-a. Praâbalë gbölö rə nə̈ də̈ akrə ndə̂ tche mbô rə̂ pä äkʉche, tche də̈ Ndjapä balë.

Dokʉ̈ Körɛ̂nte 3:9

Bëte ârâ mbö kua balë la Ndjapä, ânyë nyë də̂ andə̂ nye nə̈ kɨ̈ndɨ̈ ndə̂ Ndjapä. Nyë wä ndjë tə̂ nda ndə̂ Ndjapä.

Dokʉ̈ Körɛ̂nte 4:15

Bëte âdə azü sâke lə̂ könô gbɛ̂ kä ndə̂ ânyîsə̂ köbo ndə̂kə̂ wa balë la Krîsiti sə̈ nyê, arabha nyê ngbâbo ngbä-a: Mëmê kä ndə̂ âzɨ̂ nyê lə̂ köbosə̂ nə̈ ndə̂ më mû Tchôtchô Pö sə̈ nyê ânyë nyë wâ balë la Jezü Krîsiti.

Dokʉ̈ Körɛ̂nte 9:7

Tchabâ kä ndə̂ âlî lə̂ kua turûgu ânyë kə̂ zɨ rə ngbâ makətche ndə̂ yê la tə̂ yê? Tchabâ kä ndə̂ âchî vînye ânyë kə̈ zɨ̂âbô ndjî nə̈ zɨ̂-î? Âdəndjë rə̂ ndə̂ tche bâta abâgala ânyë kə̈ ndjôâbô ngû ngo andjê ndjô-ê?

Gälâte 6:4

Praâbalë äwäpä akrə balë balë rɨ tchə̂lə̂ yê pâ kə̂ mbo rə ndə̂ yê. Âdə tche âgbo ngâ rə ndə̂ tə̂ yê krâ tâ, äwäpä tə̂ yê nə̈ kra kpôtə̂ yê la tə̂ yê, âwâbo pä tche za la yê tə̂ ngâ yê-a.

Gälâte 6:5

Bëte akrə balë balë kä ndə̂ âza kʉ̂ngbô ndə̂ yê la tə̂ yê.

Aheborö 6:10

Bëte Ndjapä wä djîrə̂: Käko kua ndə̂ nyë mbô rə̂, âdəndjë kə̂ nyində̂ ngâ ndə̂ nyë nyîsə̂ nə̈ tə̂ azü ndə̂ Krîsiti alême, ndjë la andjanə̈ ndə̂ tchô angêta, sə̂nə̈ yûâbo tə̂ yê-a.

Dokʉ̈ Pîêre 5:4

Käko âdə makündji ndə̂ a-earə̂ kə̂ bata aɛ̈bro-ngbaga nə̈ âwutu, nyê gboadje rə ngbânə̈ ndə̂ âdə̂ atchôtchô arə ndə̂ âwâ pïï etə̂.

Bïchuû Jâan 1:8

La nyê gbö tə̂ nyê la tə̂ nyê, ndə̂kə̂ pa kua ndə̂ nyë mbô rə̂, tchêngbâ nə̈ wabô wâ ämbämbänə̈-ê, praâbalë äwäpä nyë gbo rə ngbânə̈ gbɛ̂.

Apökälîbïchi 2:23

Pâ arə lâme gbɛ̂ më âkä won abechë ndə̂ yê. Käko a-Egilîze gbɛ̂ wun-adje sə̂nə̈ pä më də̈ akrə ndə̂ mê wunsə̂ apö ndə̂ âwâ lə̂ su akrə, la gʉ tə̂ su azü. Mê kʉadje rə sə̈ akrə balë balë lə̂ gûtə̂ nyê gundə̂sə̂ arə ndə̂ tche mbô rə̂.

Apökälîbïchi 22:12

Jezü tö rə̂ päkëdə̂: «Dje pö âtə, mê âka angaâtə! Mê kadje la arə ndə̂ mê potə̂ mê ndə̂kə̂ kʉ rə̂ sə̈ akrə balë balë gundə̂sə̂ kua ndə̂ tche mbô rə̂.