Dokʉ̈ Körɛ̂nte 3:7 - Mbëtï Ndjapä: TÄFO MADƗ̈

⁷ Käko akrə ndə̂ tche chî rə̂ la akrə ndə̂ tche sû ngû tâ, andjë gbɛ̂ wâbo tə̂ ngâ rə-a. Praâbalë gbölö rə nə̈ də̈ akrə ndə̂ tche mbô rə̂ pä äkʉche, tche də̈ Ndjapä balë.

Dokʉ̈ Körɛ̂nte 3:7 Iomraidhean Croise

Jâan 15:5

Më wätə̂ da yö vînye, nyë wätə̂ amatö nə̈. Akrə ndə̂ tche wâ balë la mê, ânyë më wâ balë la tchë, tchê leadje alêlê nə̈ tə̂ gbölösə̂nə̈, bëte âdə nyë âsə tə̂ mê bhâchï, nyê mboabô ngâ rə balë tee-a.

Dokʉ̈ Körɛ̂nte 13:2

Âdə mê âwa la gbôgbô ndə̂ Kpɨ̂ki Yingö ndə̂kə̂ to ndə̂ma Ndjapä, âdə mê âwunsə̂ dju arə ndə̂ âwâ lə̂ küwû nə̈, âdə mê âwunsə̂ rə gbɛ̂, âdə kə̂ za su mê sə̈ Krîsiti âwa gbölö ndə̂kə̂ to rə̂ sə̈ aga pä tche gitə̂ yê lə̂ kpâlâ yê chï, ânyë âgîtə̂ yê chï, ânyë kə̂ nyində̂ ngâ wâbô wâ lə̂ mê-ê, më wâbo tə̂ ngâ rə-a.

Dokʉ̈ Körɛ̂nte 3:6

Mëmê kä ndə̂ âchî rə nə̈, Äpölôse sû ngû tâ, praâbalë Ndjapä kä ndə̂ âmbo rə̂ pä äkʉche.

Dokʉ̈ Körɛ̂nte 3:8

Akrə ndə̂ tche lû rə̂ la akrə ndə̂ tche sû ngû tâ, andjë wä nyɛ̂ɛ̂ balë. Praâbalë Ndjapä zadje rə sə̈ akrə balë balë gundə̂sə̂ kua ndə̂ tche mbô rə̂.

Bïchuû Körɛ̂nte 12:11

Më wä batə̂ earə̂ nyî! Nyënyê kä ndə̂ âmbô rə̂ pä më wa käko. Nyënyê âme kä ndə̂ âwâ ndə̂kə̂ to tchôtchô pö pâ mê. Âdə më âwabô wâtə̂ ngâ rə-ê, agbögbölö abadjângele ndə̂ nyê lâme rôâbo mê la ngâ rə balë-a.

Bïchuû Körɛ̂nte 12:9

Praâbalë tche tô rə̂ sə̈ mê päkëdə̂: «Tchôtchô su ndə̂ mê bëte mö lâme wä käko. Sə̂nə̈ ndə̂ akrə wâbô wâ la gbôgbô-ê, gbôgbô ndə̂ mê wä ndə̂kə̂ mbo rə gbɛ̂.» Käko mê âbhi gogo mê tə̂ pö ndə̂nə̈ ndə̂ më wâbô wâ la gbôgbô. Käko ânyë gbôgbô ndə̂ Krîsiti wa lə̂ mê.

Gälâte 6:3

Âdə ngâ akrə âwatə̂ mbämbä akrə, ânyë kə̈ wûntə̂ yê batə̂ gbölö akrə, dëkë tche bölotə̂ yê la tə̂ yê.