Dokʉ̈ Körɛ̂nte 3:6 - Mbëtï Ndjapä: TÄFO MADƗ̈

⁶ Mëmê kä ndə̂ âchî rə nə̈, Äpölôse sû ngû tâ, praâbalë Ndjapä kä ndə̂ âmbo rə̂ pä äkʉche.

Dokʉ̈ Körɛ̂nte 3:6 Iomraidhean Croise

Abadjângele 11:18

Ndə̂ andjë djê pö nə̈, andjë ngbô ma andjê tâ ânyë kə̈ sə̂ lakə̂ voga Ndjapä päkëdə̂: «Ndjapä zä ndjë köbo sə̈ azü ndə̂ andjë wâbô wâtə̂ ajuîfu ndə̂kə̂ gbotə̂ bəndɨ kə̂ mbo rə ndə̂ andjê, ânyë kə̂ gbo tchîsûwu!»

Abadjângele 14:27

Ndə̂ andjë wûtu bhâ Äntïyôche, andjë pâla azü ndə̂ Egilîze kə̈ nyîsə̂ tchêngbâ arə gbɛ̂ ndə̂ Ndjapä mbô rə̂ lə̂ köbosə̂ andjê sə̈ azü ndə̂ Egilîze nə̈. Andjë nyîsə̂ köbosə̂ nə̈ ndə̂ Ndjapä jî köbo sə̈ azü ndə̂ andjë wâbô wâtə̂ ajuîfu ânyë andjë zâ su andjê sə̈ Jezü.

Abadjângele 16:14

Ngâ ɛ̈chë gö ndə̂ Tïyätîre kä lə̂ gûtə̂ andjê ndə̂ rə̈ yê wû pä Lidï. Tche də̈ earə̂ kə̂ ka angbêngbê alə̂ba ndə̂ âfû tə̂ gbölösə̂nə̈, kə̈ də̂ akrə ndə̂ tche voga Ndjapä. Tche sə̂ lakə̂ dje ârâ, ânyë Gbölö Gbïɛ̈ jî tchə̂lə̂ su yê ndə̂kə̂ dje apö ndə̂ Pôlo.

Abadjângele 18:24

Ngâ juîfu ndə̂ a zɨ̂ tchë bhâlə̂ gö ndə̂ Alegezandirï, ndə̂ rə̈ yê wû pä Äpölôse, wûtu bhâ Ëfêze. Tche tö pö la köbo nə̈ kə̈ wûnsə̂ apö lə̂ Mbëtï Ndjapä tə̂ gbölösə̂nə̈.

Abadjângele 19:1

Tə̂ lo nə̈ ndə̂ Äpölôse ndə̂po bhâ Körɛ̂nte, Pôlo rô lə̂ köbo ndə̂ aga wâ tâ, kə̈ wûtu bhâ Ëfêze, tche gbô angâ adjisîpili bhâye.

Abadjângele 21:19

Pôlo pô ndə̂ andjê ânyë kə̈ sə̂ lakə̂ nyisə̂ nə̈ tə̂ manə̈ balë balë sə̈ andjê, arə ndə̂ Ndjapä mbô rə̂ lə̂ köbosə̂ yê lə̂ gbâtə̂ azü ndə̂ andjë wâbô wâtə̂ ajuîfu.

Rômo 15:18

Më wâbo ndə̂kə̂ to ngâ pö ngbî-a, kütû pö ndə̂ arə ndə̂ Krîsiti mbô rə̂ lə̂ köbosə̂ mê, ânyë angâ azü ndə̂ andjë wâbô wâtə̂ ajuîfu djê pö ma Ndjapä. Krîsiti mbö rə nə̈ lâme lə̂ köbosə̂ kə̂ mu pö Ndjapä ndjë lə̂ köbosə̂ kua ndə̂ mê,

Dokʉ̈ Körɛ̂nte 1:12

Pö ndə̂ më nyîndə̂ kə̂ to rə̂ wä kâkë: Akrə balë balë lə̂ gbâtə̂ nyê tö pö ngbî ngbî. Ngânə̈ tö rə̂ päkëdə̂: «Më də̈ akrə ndə̂ Pôlo.» Ngânə̈ tô rə̂ päkëdə̂: «Më də̈ tchandə̂ Äpölôse.» Ngânə̈ tô andə̂ ye nə̈ päkëdə̂: «Më də̈ tchandə̂ Pîêre.» Ânyë ngânə̈ tô ndjë rə̂ päkëdə̂: «Më də̈ tchandə̂ Krîsiti.»

Dokʉ̈ Körɛ̂nte 1:30

Praâbalë tchetchë kä ndə̂ âmbô rə̂ pä nyë wa balë la Jezü Krîsiti, ânyë Jezü Krîsiti nə̈ wätə̂ küma azə̂ ndə̂ âwâ lanə̈, ndə̂ âtô bhândə̂ Ndjapä. Lə̂ köbosə̂ Krîsiti, Ndjapä mbö rə̂ pä azə̈ watə̂ adjîrə̂ azü, kə̂ watə̂ azü ndə̂ tche dɨ̂ andjê bëte tchë, ânyë kə̈ jî azə̂ tchâtchâ ngbongbo rə.

Dokʉ̈ Körɛ̂nte 3:22

Pôlo âdəndjë Äpölôse âdəndjë Pîêre âdəndjë tchêpâ cho gbɛ̂ âdəndjë kə̂ sə la tʉ̈rʉ̂ la âdəndjë kuzü âdəndjë tchô angêta âdəndjë tchêlâmbo, rə lâme gbɛ̂ də̈ andə̂ nye nə̈.

Dokʉ̈ Körɛ̂nte 3:7

Käko akrə ndə̂ tche chî rə̂ la akrə ndə̂ tche sû ngû tâ, andjë gbɛ̂ wâbo tə̂ ngâ rə-a. Praâbalë gbölö rə nə̈ də̈ akrə ndə̂ tche mbô rə̂ pä äkʉche, tche də̈ Ndjapä balë.

Dokʉ̈ Körɛ̂nte 9:1

Më kʉ̂âbo sə̂kə̂ mbo arə gbɛ̂? Më də̂âbo badjângele? Më wûn-âbo Jezü Gbölö Gbïɛ̈ ndə̂ azə̂? Nyë də̂âbo azü ndə̂ nyë wâtə̂ rə ngbâ kua ndə̂ më mbô rə̂ sə̈ Gbölö Gbïɛ̈ lâme?

Ëfêze 3:17

Kə̂ mbo rə̂ ndə̂kə̂ pa Krîsiti sə lə̂ su nyê lə̂ köbosə̂ kə̂ za su nyê sə̈ Ndjapä. Äwäpä nyë chichi tə̂ nyê, kə̂ kpokpo tə̂ nyê lə̂kə̂ nyində̂ ngâ nə̈ lâme.

Dokʉ̈ Tësälönîke 1:5

Bëte Tchôtchô Pö ndə̂ ârâ mû rə̂ sə̈ nyê, âdə̂âbo kütû mbämbä pö lə̂ ma-a, praâbalë ârâ mü rə̂ la gbôgbô ndjë lakə̂ za könô ndə̂ Kpɨ̂ki Yingö. Ârâ wünsə̂ nə̈ bhâtə̂ su ârâ pä pö ndə̂ ârâ mû rə̂ lâme wätə̂ lëge nə̈. Nyë wûnsə̂ köbo ndə̂kə̂ sə ndə̂ ârâ lə̂ gbâtə̂ nyê nə̂, ârâ mbö tâ käko ndə̂kə̂ za könô sə̈ nyê.