Dokʉ̈ Körɛ̂nte 3:23 - Mbëtï Ndjapä: TÄFO MADƗ̈

²³ Praâbalë nyënyê, nyë wätə̂ azü ndə̂ Krîsiti, ânyë Krîsiti wâtə̂ akrə ndə̂ Ndjapä.

Dokʉ̈ Körɛ̂nte 3:23 Iomraidhean Croise

Matiyə̈ 17:5

Ndə̂ gbô tchë ndə̂po lakə̂ to pö nə̈, ngâ ndrö ndə̂ âsə̂ lakə̂ tchôtchö, tô bhâ lafô kə̈ jrê ëpâ andjê. A djê tchə̂lə̂ ngâ gɨ̈ lə̂ ndrö nə̈ päkëdə̂: «Tchanə̈ âtə də̈ Modô ndə̂ mê ndə̂ më nyîndə̂ yê tə̂ gbölösə̂nə̈, su mê fü la tchë gbɛ̂, nyë djë tchë.»

Jâan 17:18

Batə̂ rə̂ ndə̂ mo wân mê atə̂pâ cho âtə, mê âwan ndjë andjê kupâ cho âtə.

Jâan 17:21

Më tö pö sə̈ mö ndə̂kə̂ pa andjë wa balë. Bha mê, mo kä balë la mê, më wâ ndjë balë la mö. Äwäpä andjë wa balë la azə̂, ndə̂kə̂ pa azü tchêbêche gamba rə̂ pä momö kä ndə̂ âwân mê.

Rômo 14:8

Bëte âdə azə̂ ândəpo la tʉ̈rʉ̂ la azə̂, azə̈ sə̈ bëte Gbölö Gbïɛ̈. Âdə azə̈ âtchu, azə̈ tchü bëte Gbölö Gbïɛ̈. Bëte rə̂ kä, âdə azə̈ sə̈ pâ cho âtə âdəndjë rə̂ ndə̂ azə̈ tchû, azə̈ wätə̂ azü ndə̂ Gbölö Gbïɛ̈.

Dokʉ̈ Körɛ̂nte 11:3

Më nyïndə̂ nə̈ pä nyë wunsə̂ pö âtə: Krîsiti də̈ akrə tə̂ küma aköchë gbɛ̂, köchë də̈ akrə tə̂ küma ɛ̈chë, Ndjapä wätə̂ akrə tə̂ küma Krîsiti.

Dokʉ̈ Körɛ̂nte 15:23

Praâbalë lö akrə balë balë âta tâ ânyë tche jo lə̂ kuzü: Dokʉ̈ akrə nə̈ də̈ Krîsiti, pânə̈ azü ndə̂ Krîsiti joadje kpô lo kə̂ ka ndə̂ yê.

Dokʉ̈ Körɛ̂nte 15:28

Sə̂nə̈ ndə̂ arə gbɛ̂ âwadje tchâtchâ Krîsiti, Modô nə̈ la tə̂ yê səadje tchâtchâ Ndjapä ndə̂ tche kʉ̂ arə gbɛ̂ ëtchâtchâ yê lâme. Käko kä ndə̂ Ndjapä wadje Gbïɛ̈ pâ arə gbɛ̂.

Dokʉ̈ Körɛ̂nte 7:22

Bëte ngâ ngbâa ndə̂ Gbölö Gbïɛ̈ ê tchë, tche wûtu tchâtchâ ngbâa nə̈ nə̂, kə̈ wâ nə̂ tə̂ akrə ndə̂ Gbölö Gbïɛ̈. Akrə ndə̂ tche wâbô wâtə̂ ngbâa ânyë Gbölö Gbïɛ̈ ê tchë, dëkë tche wâ nə̂ tə̂ ngbâa ndə̂ Krîsiti.

Dokʉ̈ Körɛ̂nte 8:6

Âdə andə̂ azə̂, Ndjapä wä kütû balë, tche də̈ Bha ndə̂ rə gbɛ̂ tô bhândə̂ yê, ânyë bëte tchë kä ndə̂ azə̈ wâ la tchîsûwu. Azə̈ wä ndjë la Gbölö Gbïɛ̈ kütû balë, tche də̈ Jezü Krîsiti ndə̂ Ndjapä mbô arə gbɛ̂ lə̂ köbosə̂ yê, ânyë azə̈ wâ la tʉ̈rʉ̂ la azə̂ lə̂ köbosə̂ yê.

Bïchuû Körɛ̂nte 10:7

Nyë sə̈ lakə̂ wun arə batə̂ rə̂ ndə̂ azü wun rə. Âdə ngâ akrə âwunsə̂ nə̈ pä ânyë də̈ akrə ndə̂ Krîsiti, äwäpä tche wunsə̂ nə̈ angêta tratralë pä ârâ ndjë gbɛ̂ ârâ wä ndjë tə̂ azü ndə̂ Krîsiti.

Gälâte 3:29

Âdə nyë âwatə̂ azü ndə̂ Krîsiti, dëkë nyë wätə̂ azü pâ mawo ndə̂ Abrahâmo. Nyë âgbo arə ndə̂ Ndjapä bâta rə̂ pra nyê gundə̂sə̂ kə̂ zâ bâlâ ndə̂ yê.

Gälâte 5:24

Andjanə̈ ndə̂ andjë wâ balë la Krîsiti, andjë wôn ngbongbo gʉ su andjê la kua nə̈ pâ yö ndə̂ gba nə̂.

Ëfêze 1:10

Rə ndə̂ tche nyîkrə rə̂ bhâtə̂ su yê lâme, wä ndə̂kə̂ pa âdə lo nə̈ âta tâ, tche pala arə gbɛ̂ ndə̂ âwâ bhâ lafô la anə̈ ndə̂ âwâ bêche tchâtchâ makündji balë ndə̂ tche də̂ Krîsiti.