Dokʉ̈ Körɛ̂nte 3:18 - Mbëtï Ndjapä: TÄFO MADƗ̈

¹⁸ Âwâbo pä akrə bolotə̂ yê la tə̂ yê-a. Âdə ngâ akrə lə̂ gbâtə̂ nyê âwun rə̂ pä küma anyê kä lanə̈ batə̂ azü ndə̂ tchêbêche âtə, äwäpä tche watə̂ earə̂ nyî ânyë kə̂ watə̂ djîrə̂ akrə ndə̂ küma yê wâ lanə̈.

Dokʉ̈ Körɛ̂nte 3:18 Iomraidhean Croise

Matiyə̈ 13:22

Angâ azü wä batə̂ cho ndə̂ âwâ lə̂ chi, ânyë ndjî rəgʉ tû tâ. Andjë djë pö nə̈, praâbalë kə̂ dɨ su andjê pâ rə tchêbêche, la gʉ kə̂ gbo arə tchêbêche rôpâ pö Ndjapä nə̈ ânyë âlêâbô lê-ê.

Matiyə̈ 18:4

Akrə ndə̂ tche wâ gbölö kə̈ rô angâ yê lə̂ Gbölö gö-gbïɛ̈ ndə̂ tchêlafô, tche də̈ akrə ndə̂ tche mbotə̂ yê kpîɛ̂kpîɛ̂ rə̂, kə̂ wa batə̂ yɛ̈yɛ̈ bechë âtə.

Mâreke 10:15

Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche mbôâbô mbô la sə̂ Gbölö gö-gbïɛ̈ ndə̂ Ndjapä batə̂ abechë âtə-ê, tchê liabô balë atə̂lə̂ nə̈ tee-a.»

Lûke 18:17

Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche mbôâbô mbô la sə̂ Gbölö gö-gbïɛ̈ ndə̂ Ndjapä batə̂ abechë âtə, tchê liabô balë atə̂lə̂ nə̈ tee-a.»

Lûke 21:8

Jezü tô rə̂ ndə̂nə̈ sə̈ andjê päkëdə̂: «La nyë gbö-ê, ngâ akrə böloabô nyê bôlo-ê! Bëte angbängbä azü ânəadje la rə̈ mê, kə̂ to rə̂ päkëdə̂: ‹Anyenyê kä ndə̂ âdə̂ Krîsiti› andjê toadje rə̂ me päkëdə̂: ‹Lo nə̈ tâ tâ nə̂!› Praâbalë nyë zäbô tchêngbâ andjê zâ-ê!

Rômo 11:25

Arə̂mä, më nyïndə̂ nə̈ pä nyë wunsə̂ apö ndə̂ Ndjapä ndə̂ âwâ lə̂ küwû nə̈, ânyë kə̂ wun-abô tə̂ nyê wûn batə̂ a-earə̂ kə̂ wunsə̂ rə-ê. Angâ azü ndə̂ Isarayële âkoadje sə̂kə̂ dje tchə̂lə̂ pö zoo lo nə̈ ndə̂ adɨ̂ azü ndə̂ andjë wâbô wâtə̂ ajuîfu ka pu Ndjapä.

Rômo 12:16

Nyê djëtə̂ nyê lə̂ gbâtə̂ nyê la angâ nyê. Nyë wäbô wâ la gʉ agbölö rə-ê, praâbalë nyë zä su nyê pâ arə ndə̂ azü luabô sə̂nə̈ lû-î. Nyë wün-äbô tə̂ nyê wün batə̂ azü ndə̂ küma andjê wâ lanə̈-ê.

Dokʉ̈ Körɛ̂nte 15:33

Nyë böloabô tə̂ nyê bôlo-ê: «Mo âmbo agü la ngbongbo akrə, kə̂ wadje tə̂ ngbongbo akrə.»

Dokʉ̈ Körɛ̂nte 3:17

Âdə ngâ akrə ândɨ gbölö nda Ndjapä, Ndjapä ândɨadje ndjë tchë. Tə̂ lëge nə̈, gbölö nda Ndjapä wä ngbî bëte Ndjapä, ânyë nyënyê kä ndə̂ âwâtə̂ gbölö nda Ndjapä nə̈.

Dokʉ̈ Körɛ̂nte 4:10

Ârâ wätə̂ a-earə̂ nyî bëte Krîsiti, praâbalë nyënyê ndə̂ nye nə̈, nyë wätə̂ azü ndə̂ küma andjê wâ lanə̈ lə̂ köbosə̂ nə̈ ndə̂ nyë wâ balë la Krîsiti. Ârâ wâbo la gbôgbô-a, praâbalë nyë kä la gbôgbô. A lüsə̂ nyê, praâbalë kə̈ tâlusə̂ ârâ.

Dokʉ̈ Körɛ̂nte 6:9

Nyë wûn-âbo sə̂nə̈ pä azü ndə̂ andjë mbo ngbongbo rə gbôâbo tchô bhâlə̂ Gbölö gö-gbïɛ̈ ndə̂ Ndjapä? Nyë böloabô tə̂ nyê bôlo-ê: A-earə̂ kə̂ pu aɛ̈chë âdəndjë aköchë katchôgbɛ̂, azü ndə̂ andjë voga angakʉ̈lä, azü ndə̂ andjë pu aɛ̈chë âdəndjë aköchë ndə̂ angâ andjê, aköchë ndə̂ andjë lo la angâ andjê aköchë,

Gälâte 6:3

Âdə ngâ akrə âwatə̂ mbämbä akrə, ânyë kə̈ wûntə̂ yê batə̂ gbölö akrə, dëkë tche bölotə̂ yê la tə̂ yê.

Gälâte 6:7

Nyë böloabô tə̂ nyê bôlo-ê: Akrə wâbo ndə̂kə̂ mo Ndjapä-a, bëte rə ndə̂ akrə lû rə̂, tchê soadje ndjî nə̈.

Ëfêze 5:6

Âwâbo pä azü bolo nyê la ambämbä pö-a: Arə käko lâme gbɛ̂ kä ndə̂ ânə la mêrâ ndə̂ Ndjapä pâ azü ndə̂ andjë kôsə̂ pö ma yê.

Bïchuû Timotë 3:13

Andə̂ angbongbo azü la andjanə̈ ndə̂ andjë bôlo angâ andjê, andjê eadje la ngbongbo rə ndə̂ andjê atə̂ tchâtchu nə̈. Andjê boloadje azü ânyë kə̂ bolo ndjë tə̂ andjê.

Tîte 3:3

Bëte azəzə̂ gbɛ̂, azə̈ wä ndjë alême tə̂ angbɨ̈lə̈, azü ndə̂ andjë kôsə̂ Ndjapä, azü ndə̂ köbo yû tə̂ andjê, azü ndə̂ andjë wâ alême tə̂ angbâa ndə̂ agʉ arə ngbî ngbî gbɛ̂, la arə tchêbêche ndə̂ âtcho tə̂ azü, azü ndə̂ andjë sə̂ lə̂ ngbongbo su lakə̂ mbo gʉ arə ndə̂ angâ andjê, azü kösə̂ azə̂, azə̈ kô ndjë sə̂ angâ azə̂ lə̂ gbâtə̂ azə̂.

Jâke 1:22

Âwâbo pä nyë deka tü nyê kütû ndə̂kə̂ dje pö nə̈-a, ndə̂kə̂ bolotə̂ nyê la tə̂ nyê-a, praâbalë äwäpä nyë mbo rə gundə̂sə̂ pö ndə̂ nyë djê rə̂ lâme.

Jâke 1:26

Âdə ngâ akrə âto rə̂ pä anyë kä lakə̂ voga Ndjapä, ânyë kə̈ bâtabô ma yê bâta-ê, dëkë akrə lâme bölotə̂ yê la tə̂ yê, kə̂ voga Ndjapä ndə̂ yê nə̈ lâme wä kütû bhuu-ë.

Dokʉ̈ Jâan 1:8

Âdə azə̂ âto rə̂ pä ngbongbo rə wâbo lə̂ azə̂-a, dëkë azə̈ bölotə̂ azə̂ la tə̂ azə̂, lëge pö wâbo lə̂ azə̂-a.