Dokʉ̈ Körɛ̂nte 3:13 - Mbëtï Ndjapä: TÄFO MADƗ̈

¹³ Kua ndə̂ akrə balë balë wutuadje kraâ lə̂ la azü gbɛ̂ tə̂ lo kə̂ wa ngbanga. Bëte kua ndə̂ akrə balë balë roadje lə̂ wo, ânyë wo ânyiadje sə̂ tchôtchô kua âdəndjë ngbongbo kua ndə̂ akrə balë balë gbɛ̂ ësûwu.

Dokʉ̈ Körɛ̂nte 3:13 Iomraidhean Croise

Matiyə̈ 10:15

Ɛn-ɛn, tə̂ lëge nə̈ më tö rə̂ sə̈ nyê: Lo nə̈ ndə̂ Ndjapä wa ngbanga pâ azü, ngbanga ndə̂ a wadje rə̂ pâ azü gö ndə̂ Sodômo la Gomôro âwatə̂ mömö nə̈ tə̂ andə̂ azü gö lâme.»

Matiyə̈ 16:27

Bëte Modô ndə̂ Akrə âkadje ngbâ yê la aânje ndə̂ yê lə̂ gbôgbô ndə̂ Bha nə̈. Tchê kʉadje rə ndə̂ akrə balë balë sə̈ tchë gundə̂sə̂ rə ndə̂ tche mbô rə̂.

Lûke 2:35

käko ânyë pö bhâtə̂ su azü wutu gbɛ̂ kraâ ësûwu. Âdə andə̂ zə nə̈ Malê, käkä nə̈ âkadje mö batə̂ besala ndə̂ a sû mö la rə̂.»

Rômo 2:16

Rə ndə̂ âwutu kraâ lə̂ la azü lo ngbanga nə̈ kä. Äwä gundə̂sə̂ Tchôtchô Pö ndə̂ mê mu rə̂ ndə̂ âtô rə̂ pä Ndjapä âwa ngbanga lə̂ köbosə̂ Jezü Krîsiti pâ arə gbɛ̂ ndə̂ azü mbo rə̂ lə̂ küwû nə̈.

Rômo 2:5

lə̂ köbosə̂ gbôgbô su zə̈, mo nyîâbo ndə̂kə̂ gbotə̂ bəndɨ kə̂ mbo rə ndə̂ zə̈-a. Käko mo kpülu mêrâ ndə̂ Ndjapä pâ zə̈ ndə̂kə̂ krʉ bëte lö mêrâ ndə̂ yê lo nə̈ ndə̂ tche nyisə̂ nə̈ pä kə̂ wa ngbanga ndə̂ anyê wä djîrə̂.

Dokʉ̈ Körɛ̂nte 1:8

Tchetchë kä ndə̂ âmbo rə̂ pä nyë kpokpo tə̂ nyê ndjoa ësə̂nə̈ ndə̂ manə̈ krʉ tâ. Käko lo kə̂ ka ndə̂ Gbölö Gbïɛ̈ ndə̂ azə̂ Jezü Krîsiti, ngâ pö balë ndə̂ a gbo rə̂ lə̂ küma nyê wâbo-a.

Dokʉ̈ Körɛ̂nte 3:12

Akrə wä ndə̂kə̂ mbo nda pâ da nda nə̈ lâme la lôlo la wɛ̂n ndə̂ a mbo rə̂ la makətche la täme ndə̂ gbôgbô ngîrî la yö la angâ agbâkü bë ngbî ngbî.

Dokʉ̈ Körɛ̂nte 4:5

Käko âwâbo pä nyë wa ngbanga lə̂ küma akrə dokʉ̈tchê ndə̂kə̂ pa lo nə̈ wutu-a. Nyë krʉ̈ bëte Gbölö Gbïɛ̈, tche ka ânyë. Tchetchë kä ndə̂ âwutuadje la rə ndə̂ âwâ lə̂ küwû nə̈, lə̂ bübü tchô kə̂ za rə̂ ësûwu. Tchê nyiadje sə̂ rə ndə̂ âwâ bhâlə̂ su azü kraâ lə̂ la azü gbɛ̂. Käko Ndjapä gambadje akrə balë balë gundə̂sə̂ kua ndə̂ tche mbô rə̂.

Bïchuû Timotë 1:12

Bëte rə̂ kä ndə̂ mê rʉ̂âtə̂ su mê lə̂ arə yûkü. Praâbalë ganô mbôâbo mê-a, bëte më wünsə̂ akrə ndə̂ më zâ su mê sə̈ tchë. Më wünsə̂ nə̈ tə̂ lëge nə̈ pä tche kä la kümändëmä ndə̂kə̂ bata rə ndə̂ tche gbôtâ ëtchânə̂ mê zoo ëtə̂ lo nə̈ lâme.

Bïchuû Timotë 1:18

Äfü pä Gbölö Gbïɛ̈ Jezü za rə̂ sə̈ tchë ndə̂kə̂ gbo dâkâ ndə̂ Gbölö Gbïɛ̈ Ndjapä tə̂ lo nə̈ lâme. Atchôtchô arə gbɛ̂ ndə̂ tche mbô rə̂ tə̂ mê bhâ Ëfêze lâme, mo wünsə̂ nə̈ ârô adɨ̂ azü gbɛ̂.

Bïchuû Timotë 3:9

Praâbalë andjê eabô atə̂ tchâtchu nə̈ tee-a, bëte azü gbɛ̂ wun-adje sə̂ ngbɨ̈lə̈ ndə̂ andjê batə̂ andə̂ andjanə̈ bïchuû lâme.

Bïchuû Timotë 4:8

Angaâtə, a bâta kurône sə̈ mê ngbâ djîrə̂ kua ndə̂ mê nə̂, ndə̂ Gbölö Gbïɛ̈ zadje rə̂ sə̈ mê tə̂ lo kə̂ ka ndə̂ yê. Tə̂ lo nə̈ lâme, tchetchë ndə̂ tche wâtə̂ djîrə̂ earə̂ kə̂ wa ngbanga, tchetchë kä ndə̂ âzadje kurône nə̈ sə̈ mê, âdə̂âbô kütû mê balë-a, praâbalë tche âkʉ ndjë rə̂ sə̈ azü gbɛ̂ ndə̂ andjë nyîndə̂ lo kə̂ ka ndə̂ yê.

Aheborö 10:25

Azə̈ gböäbô gbôtə̂ kə̂ palatə̂ azə̂ la angâ azə̂-ê, batə̂ rə̂ ndə̂ angâ azü mbo tchê rə̂, praâbalë azə̈ zä wängö lə̂ gbâtə̂ azə̂ la angâ azə̂ âro anə̈ dokʉ̈tchê, bëte azə̈ wûnsə̂ nə̈ nə̂ pä lö Gbölö Gbïɛ̈ wâ nə̂ tchêtchêtchê.

Dokʉ̈ Pîêre 1:7

Lôlo la tə̂ yê ndə̂ âwâ ndə̂kə̂ ndɨ̂ndɨ̈, a zä rə̂ lə̂ wo ndə̂kə̂ wun köbosə̂ nə̈ ndə̂ âwâtə̂ tchôtchô nə̈. Käko ndjë, su nyê ndə̂ nyë zâ rə̂ sə̈ Ndjapä däka kə̈ rô lôlo lâme, praâbalë su nyê nə̈ ndə̂ nyë zâ rə̂ sə̈ Ndjapä nə̈ lâme rö lə̂ agbôgbô arə ndə̂kə̂ pa a wun köbosə̂ nə̈ ndə̂ âwâtə̂ tchôtchô nə̈. Käko kä ndə̂ nyê gboadje voga tchânə̂ Ndjapä, kə̂ gbo golowäre ndjë lakə̂ lusə̂tə̂, tə̂ lo ndə̂kə̂ ka ndə̂ Jezü Krîsiti.

Dokʉ̈ Pîêre 4:12

Ârə̂mâ ndə̂ mê ndə̂ më nyîndə̂ nyê tə̂ gbölösə̂nə̈, tchə̂lə̂ küma nyê djïngɨliabô djîngɨli tə̂ pö ndə̂ agbôgbô arə nyonyo ndə̂ âwûtu lə̂ gbâtə̂ nyê lâme, âwûntî pä ngâ täfo rə kä âkə̂ gbo nyê.

Bïchuû Pîêre 3:10

Käko lo kə̂ ka ndə̂ Gbölö Gbïɛ̈ wadje batə̂ earə̂ ngbä. Tə̂ lö nə̈ lâme tchêlafô âro me la ngâ gbölö wârə̂, wo âjuadje arə tchêlafô, sə̂nə̈ lâme tchêbêche la arə gbɛ̂ ndə̂ âwâ lə̂nə̈ âyu me yü.

Bïchuû Pîêre 3:7

Dëkë kütû lə̂ köbosə̂ pö ma Ndjapä balë lâme kä ndə̂ a bâta tchêlafô la tchêbêche ndə̂ tchô angêta bëte wo, ndə̂kə̂ krʉ bëte lö kə̂ wa ngbanga la lö ndə̂ angbongbo azü tchu tratralë-ê.

Apökälîbïchi 20:12

La tchêngbâ nə̈ më wûn akuzü la agbölö azü la akpîɛ̂kpîɛ̂ azü ndə̂ andjë krʉ̂ tchâtchu ngendë-gbïɛ̈ nə̈. A vrô tchêla ambëtï. A kâ vrô tchêla ngâ mbëtï, ndə̂ a mbô rə̈ azü ndə̂ andjë wâ la tchîsûwu lə̂nə̈. A wâ ngbanga pâ akuzü gundə̂sə̂ rə ndə̂ andjë mbô rə̂ batə̂ rə̂ ndə̂ a mbô rə̂ lə̂ ambëtï.