Dokʉ̈ Körɛ̂nte 3:12 - Mbëtï Ndjapä: TÄFO MADƗ̈

¹² Akrə wä ndə̂kə̂ mbo nda pâ da nda nə̈ lâme la lôlo la wɛ̂n ndə̂ a mbo rə̂ la makətche la täme ndə̂ gbôgbô ngîrî la yö la angâ agbâkü bë ngbî ngbî.

Dokʉ̈ Körɛ̂nte 3:12 Iomraidhean Croise

Abadjângele 20:30

Ndjë lə̂ gbâtə̂ nyê la tə̂ nyê, angânə̈ adjelafô la pö yepa ndə̂kə̂ bolo adjisîpili ndə̂kə̂ pa andjë za tchêngbâ andjê.

Rômo 16:17

Arə̂mä, rə ndə̂ mê yûkû nə̈ sə̈ nyê kä âtə: La nyê gbö tə̂ azü ndə̂ andjë nə la apö ndə̂ âkrʉ tchə̂lə̂ azü la apö ndə̂ âmbo rə̂ pä azü te lə̂ ngbongbo rə. Azü nə̈ gbôtə̂ köbo pö ndə̂ ârâ nyîsə̂ nə̈ sə̈ andjê lâme nə̂. Nyë gïtə̂ nyê tə̂ azü lâme bhâchï.

Dokʉ̈ Körɛ̂nte 3:11

Bëte ngâ akrə ndə̂ tche wâ ndə̂kə̂ mbo ngâ da nda ngbî tə̂ anə̈ ndə̂ a mbô rə̂ dokʉ̈tchê lâme sə̂âbo-a, da nda nə̈ də̈ Jezü Krîsiti.

Dokʉ̈ Körɛ̂nte 3:13

Kua ndə̂ akrə balë balë wutuadje kraâ lə̂ la azü gbɛ̂ tə̂ lo kə̂ wa ngbanga. Bëte kua ndə̂ akrə balë balë roadje lə̂ wo, ânyë wo ânyiadje sə̂ tchôtchô kua âdəndjë ngbongbo kua ndə̂ akrə balë balë gbɛ̂ ësûwu.

Bïchuû Körɛ̂nte 2:17

Azə̈ wâbo batə̂ angbängbä azü ndə̂ andjë zâ pö Ndjapä batə̂ kə̂ ka rə-a. Azə̈ tö lëge pö ndə̂ âtô bhândə̂ Ndjapä lə̂ la yê, bëte rə̂ ndə̂ azə̈ wâ balë la Krîsiti.

Bïchuû Körɛ̂nte 4:2

Ârâ kôsə̂ arə tchâkabû la arə ganô ndə̂ azü mbo rə̂ lə̂ küwû nə̈ nə̂. Ârâ mbôâbo rə ndə̂kə̂ bolo azü-a, kə̈ ndrɨ̂ndrɨabô tchə̂lə̂ pö Ndjapä-a. Praâbalë ârâ mü lëge pö sə̈ azü, käko kä ndə̂, lə̂ la Ndjapä kə̂ rɨ tchə̂lə̂ su azü nə̈ gbɛ̂ wa pâ ârâ.

Kölôse 2:8

La nyê gbö-ê, ânyë ngâ akrə boloabô nyê bôlo la apö ndə̂ küma ndə̂ âwa lanə̈, ndə̂ âwâtə̂ andə̂ azü-î! Apö lâme də̈ ambämbä pö ndə̂kə̂ mbo rə ndə̂ azü la angbongbo atchozö ndə̂ andjë wâ la gbôgbô pâ cho âtə, praâbalë âtôâbo dəndə̂ Krîsiti balë-a.

Dokʉ̈ Timotë 6:3

Âdə ngâ akrə ânyisə̂ ngâ pö ngbî, ânyë kə̈ zâbô tə̂ yê zâ tə̂ alëge apö ndə̂ Gbölö Gbïɛ̈ ndə̂ azə̂ Jezü Krîsiti-î, lakə̂ nyisə̂ rə ndə̂ âwâbô wâ gundə̂sə̂ apö ndə̂kə̂ zatə̂ andjê sə̈ Ndjapä-ê,

Bïchuû Timotë 2:20

Lə̂ ngâ gbölö nda, a gbôâbo kütû arə ndə̂ a mbô rə̂ la lôlo-a, âdəndjë arə ndə̂ a mbo rə̂ la wɛ̂n ndə̂ a mbo rə̂ la makətche lâme-a. A gbö ndjë arə ndə̂ a mbô rə̂ la ayö, ndjë la anə̈ ndə̂ a mbô rə̂ la tô. A bäta angânə̈ bëte kpülü, ânyë angânə̈ wâ ndə̂kə̂ pa a mbo kua la rə̂ logbɛ̂.

Bïchuû Timotë 3:13

Andə̂ angbongbo azü la andjanə̈ ndə̂ andjë bôlo angâ andjê, andjê eadje la ngbongbo rə ndə̂ andjê atə̂ tchâtchu nə̈. Andjê boloadje azü ânyë kə̂ bolo ndjë tə̂ andjê.

Bïchuû Timotë 3:7

Aɛ̈chë nə̈ lâme pu köbo logbɛ̂ ndə̂kə̂ manda rə, praâbalë kə̈ gbôâbo köbo ndə̂kə̂ wunsə̂ lëge pö-a.

Bïchuû Timotë 4:3

Bëte ngâ lö wutuadje ndə̂ angâ azü kä nyi bata ndə̂kə̂ dje lëge pö ndə̂ a nyisə̂ nə̈ tee-a. Praâbalë andjê âmbo kütû rə ndə̂ gʉ su andjê la tə̂ andjê nyîndə̂ nə̈. Kpûlû a-earə̂ kə̂ nyisə̂ rə takpadje ndə̂ andjê, ânyë kə̂ nyisə̂ rə sə̈ andjê, ndə̂ andjë wâ la gʉ ndə̂kə̂ dje rə̂ lâme.

Aheborö 13:9

Âwâbo pä nyë gbotə̂ köbo sə̈ azü, andjë bolo nyê lakə̂ nyisə̂ angâ apö ngbî ngbî sə̈ nyê-a, bëte äwäpä su nyê kpokpo tə̂ yê lə̂ köbosə̂ tchôtchô su ndə̂ Ndjapä, âdə̂âbo tə̂ pö ndə̂ kɨ̈zɨ̂-a. Azü ndə̂ andjë bata ndïɛ̈ ndə̂ kɨ̈zɨ̂ lâme, andjë gbôâbo ngâ rə ngbânə̈ balë-a.

Dokʉ̈ Pîêre 1:7

Lôlo la tə̂ yê ndə̂ âwâ ndə̂kə̂ ndɨ̂ndɨ̈, a zä rə̂ lə̂ wo ndə̂kə̂ wun köbosə̂ nə̈ ndə̂ âwâtə̂ tchôtchô nə̈. Käko ndjë, su nyê ndə̂ nyë zâ rə̂ sə̈ Ndjapä däka kə̈ rô lôlo lâme, praâbalë su nyê nə̈ ndə̂ nyë zâ rə̂ sə̈ Ndjapä nə̈ lâme rö lə̂ agbôgbô arə ndə̂kə̂ pa a wun köbosə̂ nə̈ ndə̂ âwâtə̂ tchôtchô nə̈. Käko kä ndə̂ nyê gboadje voga tchânə̂ Ndjapä, kə̂ gbo golowäre ndjë lakə̂ lusə̂tə̂, tə̂ lo ndə̂kə̂ ka ndə̂ Jezü Krîsiti.

Apökälîbïchi 2:14

Praâbalë angâ arə kä tâ ndə̂ më nyîndə̂ kə̂ gbɨtɨ tü zə̈ pânə̈: Angâ azü kä bhândə̂ zə̈ ndə̂ andjë zâ tchêngbâ Bälâme lakə̂ nyisə̂ rə ndə̂ yê. Bälâme zä wängö alême sə̈ Bälâke ndə̂kə̂ pa tche dro kû tə̂ abechë gö ndə̂ Isarayële lakə̂ zro andjê ndə̂kə̂ pa andjë zɨ gûsû ndə̂ a wâ rə̂ la ngela sə̈ angakʉ̈lä, ndjë ndə̂kə̂ gbotə̂ köbo lëge Ndjapä.

Apökälîbïchi 21:18

A mbö gbadja nə̈ la täme ndə̂ jâsepe, kə̈ mbô gö nə̈ la tchôtchô lôlo ndə̂ âwâ batə̂ krïstâle ndə̂ a wun tchô lə̂nə̈ ngrôô.

Apökälîbïchi 3:18

Më zä wängö sə̈ mö ndə̂kə̂ pa mo yo lôlo tchânə̂ mê ânyë kə̂ wa la rə, lôlo ndə̂ a za rə̂ lə̂ wo ânyë kâkpö kʉ̂tê nə̈ gbɛ̂ ju, ânyë âgro kpɨ̂ki lâme. Amö yo ndjë agrôgrô lə̂ba tchânə̂ mê, kə̂ yu rə̂ ëtə̂ zə̈ ânyë ganô mboabô mö mbô la tə̂ zə̈ ndə̂ âwâ kpändëwä lâme-ê. Amö yo ndjë yö ndə̂ la tchânə̂ mê, kə̂ mbo rə̂ lə̂ la zə̈ ânyë kə̂ kä wun tchô djîrə̂.