Dokʉ̈ Körɛ̂nte 3:1 - Mbëtï Ndjapä: TÄFO MADƗ̈

¹ Arə̂mä, andə̂ me nə̈ më gbôâbo köbo ndə̂kə̂ to pö sə̈ nyê batə̂ rə̂ ndə̂ a to pö sə̈ azü ndə̂ andjë wâ la Kpɨ̂ki Yingö-a, praâbalë më tö pö sə̈ nyê kütû batə̂ rə̂ ndə̂ a to rə̂ sə̈ azü ndə̂ andjë wûn-âbô sə̂ Ndjapä wûn-î, la azü ndə̂ Krîsiti ndə̂ gbô andjê wâtə̂ abechë lə̂kə̂ za su sə̈ Ndjapä.

Dokʉ̈ Körɛ̂nte 3:1 Iomraidhean Croise

Matiyə̈ 16:23

Praâbalë Jezü djêtə̂ yê kə̈ tô rə̂ sə̈ Pîêre päkëdə̂: «Gitə̂ zə̈ tə̂ mê bhâchï Satäa! Mo wä batə̂ ngâ täme lə̂ köbo mê, bëte kə̂ wun tchô ndə̂ zə̈ wâbo batə̂ andə̂ Ndjapä-a, praâbalë äwä batə̂ andə̂ azü.»

Rômo 7:14

Azə̈ wûnsə̂ nə̈ nə̂ pä ndïɛ̈ wätə̂ rə ndə̂ Yingö. Andə̂ me nə̈, më wätə̂ mbämbä akrə. A yösə̂ mê sə̈ ngbongbo rə ânyë më wâtə̂ ngbâa ndə̂ ngbongbo rə nə̈.

Dokʉ̈ Körɛ̂nte 14:20

Arə̂mä, äwäpä kə̂ za küma nyê wabô wâ batə̂ andə̂ abechë-ê, âdə andə̂ kə̂ mbo ngbongbo rə âdə rə̂, ɛn-ɛn! Äwäpä nyë wa batə̂ ayɛ̈yɛ̈ abechë. Praâbalë âdə ârə̂ âwa ndə̂kə̂ za küma, äwäpä nyë za küma nyê batə̂ adjêdjena azü.

Dokʉ̈ Körɛ̂nte 14:37

Âdə ngâ akrə âwuntî pä anyë də̈ earə̂ ndə̂ma Ndjapä, âdəndjë akrə ndə̂ tche wâ la Kpɨ̂ki Yingö, äwäpä tche wunsə̂ nə̈ lə̂ pö ndə̂ më mbô rə̂ sə̈ nyê âtə pä agbôgbô pö ma Gbölö Gbïɛ̈ kä.

Dokʉ̈ Körɛ̂nte 2:6

Dëkë, ârâ nyïsə̂ köbo ndə̂ küma akrə wa lanə̈ sə̈ azü ndə̂ Krîsiti ndə̂ andjë dû lə̂kə̂ za su andjê sə̈ Ndjapä. Küma ndə̂ âwa lanə̈ lâme tôâbo pâ cho âtə-a, kə̈ tôâbo ndjë tə̂ a-earə̂ kümändëmä ndə̂ andjë wâ la gbôgbô pâ cho âtə-a. Arə lâme gbɛ̂ wä ndə̂kə̂ ndɨ̂ndɨ̈.

Gälâte 6:1

Arə̂mä, âdə nyë âgbo ngâ akrə lakə̂ mbo ngbongbo rə, nyënyê ndə̂ Kpɨ̂ki Yingö wâ lə̂ nyê, äwäpä nyë ka la tchë pâ tchôtchô köbo tə̂ nyima nə̈. La zə̈ gbö-ê! Ânyë momö ndjë gbɛ̂ ngâ rə vuabô mö vû ndə̂kə̂ pa mo te lə̂ ngbongbo rə-ê.

Aheborö 5:13

Akrə ndə̂ gbô tchë sə̂ lakə̂ ndjo ngû ngo, gbô tchë kä tə̂ ngbelɛ̂ bechë. Tche wâbo ndə̂kə̂ dje tchə̂lə̂ pö pâ rə ndə̂ âwâtə̂ djîrə̂ rə-a.

Dokʉ̈ Jâan 2:12

Nyënyê ndə̂ abechë ndə̂ mê, më mbö mbëtï âtə sə̈ nyê bëte Ndjapä kô pö lə̂ küma nyê nə̂ lə̂ köbosə̂ rə̈ Jezü.