Dokʉ̈ Körɛ̂nte 2:8 - Mbëtï Ndjapä: TÄFO MADƗ̈

⁸ Ngânə̈ balë lə̂ gbâtə̂ a-earə̂ kümändëmä ndə̂ andjë wâ la gbôgbô pâ cho âtə wûn-âbo sə̂ pö pâ küma ndə̂ âwa lanə̈ lâme-a. Âdə andjê âwunsə̂ nə̈ alême, dëkë andjê won-abô Gbölö Gbïɛ̈ ndə̂ tche wâ la gbôgbô pâ yö ndə̂ gba tee-a.

Dokʉ̈ Körɛ̂nte 2:8 Iomraidhean Croise

Matiyə̈ 11:25

Lo nə̈ lâme, Jezü tô rə̂ päkëdə̂: «Bha mê, Gbölö Gbïɛ̈ ndə̂ tchêlafô la tchêbêche, më zä ayîabâ sə̈ mö, bëte mo vüsə̂ rə lâme tə̂ azü ndə̂ küma andjê wâ lanə̈ la a-earə̂ kə̂ wunsə̂ rə, ânyë kə̈ nyîsə̂ nə̈ sə̈ akpîɛ̂kpîɛ̂ azü.

Matiyə̈ 13:22

Angâ azü wä batə̂ cho ndə̂ âwâ lə̂ chi, ânyë ndjî rəgʉ tû tâ. Andjë djë pö nə̈, praâbalë kə̂ dɨ su andjê pâ rə tchêbêche, la gʉ kə̂ gbo arə tchêbêche rôpâ pö Ndjapä nə̈ ânyë âlêâbô lê-ê.

Lûke 23:34

Jezü tô rə̂ päkëdə̂: «Bha mê, amö ko pö lə̂ küma andjê-ê, bëte andjë wûn-âbo sə̂ rə ndə̂ andjë mbô rə̂ âtə-a.» Andjë tâ kʉ̂kâ ndə̂kə̂ pa änyisə̂ akrə ndə̂ tchê kʉadje alə̂ba ndə̂ Jezü, pânə̈ andjë krʉ̂ tchə̂lə̂ nə̈ tə̂ andjê.

Jâan 16:3

Andjë mbö tâ käko bëte andjë wûn-âbo sə̂ Bha mê âdəndjë mëmê-a.

Jâan 7:48

Ngâ akrə lə̂ gbâtə̂ amakündji ndə̂ ajuîfu, âdəndjë ngâ farizïɛ̈n kä tâ ndə̂ tche zâ su yê sə̈ tchë?

Jâan 8:19

Käko afarizïɛ̈n nə̈ yû tchë päkëdə̂: «Bha zə̈ nə̈ sə̈ bhâ tchêbâ?» Jezü tô rə̂ ndə̂nə̈ päkëdə̂: «Nyë wûn-âbo sə̂ mê âdəndjë Bha mê-a. Âdə nyê âwunsə̂ mê dëkë nyê wun-adje ndjë sə̂ Bha mê.»

Abadjângele 13:27

Azü gö ndə̂ Jerûzalêmo la amakündji ndə̂ andjê, wûn-âbo sə̂ Jezü-a, kə̈ wâ ngbanga kuzü lə̂ küma yê. Andjë mbö tâ käko gundə̂sə̂ apö ndə̂ a-earə̂ ndə̂ma Ndjapä ndə̂ a dɨ tchê rə̂ logbɛ̂ lə̂ alö sabäa.

Abadjângele 7:2

Etîêne tô rə̂ ndə̂nə̈ päkëdə̂: «Arə̂mâ ndə̂ mê la arabha mê, nyë djë mê! Ndjapä ndə̂ tche wâ gbölö, tche wütu ëtə̂ âta azə̂ Abrahâmo ndə̂ tche sə̂ alême bhâ Mezopotamï. Abrahâmo sə̈ bhâye dokʉ̈tchê ndə̂kə̂ pa tche e atə̂lə̂ gö ndə̂ Harä.

Dokʉ̈ Körɛ̂nte 1:20

Akrə ndə̂ küma yê wâ lanə̈ sə̈ bhâ tchêbâ? Earə̂ kə̂ nyisə̂ ndïɛ̈ sə̈ bhâ tchêbâ? Earə̂ kə̂ to pö la köbo nə̈ ndə̂ tchô angêta sə̈ bhâ tchêbâ? Ndjapä mbôâbo rə̂ pä küma azü ndə̂ âwâ lanə̈ pâ cho âtə watə̂ nyî?

Dokʉ̈ Körɛ̂nte 2:6

Dëkë, ârâ nyïsə̂ köbo ndə̂ küma akrə wa lanə̈ sə̈ azü ndə̂ Krîsiti ndə̂ andjë dû lə̂kə̂ za su andjê sə̈ Ndjapä. Küma ndə̂ âwa lanə̈ lâme tôâbo pâ cho âtə-a, kə̈ tôâbo ndjë tə̂ a-earə̂ kümändëmä ndə̂ andjë wâ la gbôgbô pâ cho âtə-a. Arə lâme gbɛ̂ wä ndə̂kə̂ ndɨ̂ndɨ̈.

Bïchuû Körɛ̂nte 3:14

Praâbalë kə̂ wunsə̂ rə ndə̂ andjê wâbo tâ-a. Bëte rə̂ kä, ndə̂kə̂ to tə̂ lö nə̈ lâme ndjoa ëtə̂ tchô angêta, âdə andjê âsə dɨ bəndɨ mbëtï madɨ̈ lâme, gbô kʉ̈kʉ̂-lə̂ba nə̈ kä po tə̂ la andjê, andjë jîâbo rə̂ dämba-a, bëte akrə âwa balë la Krîsiti ânyë lə̂ba nə̈ ji tə̂ la yê.

Ëfêze 1:17

Më yükû nə̈ sə̈ Ndjapä ndə̂ Gbölö Gbïɛ̈ ndə̂ azə̂ Jezü Krîsiti, Bha ndə̂ tche wâ gbölö, ndə̂kə̂ pa tche za Yingö ndə̂ küma ndə̂ âwa lanə̈ sə̈ nyê. Yingö nə̈ nyiadje sə̂ apö pâ Ndjapä sə̈ nyê, kə̂ mbo rə̂ pä nyë wunsə̂ yê tə̂ lëge nə̈.

Ëfêze 4:18

Kə̂ za küma andjê wä lə̂ bübü nə̈, andjë wâbo la tchîsûwu ndə̂ Ndjapä za rə̂ sə̈ azü-a, bëte andjë wûn-âbo sə̂ rə-a, ânyë âmbô rə̂ pä andjë wa la gbôgbô su.

Dokʉ̈ Timotë 1:13

Mëmê ndə̂ më wâ dokʉ̈tchê alême tə̂ earə̂ kə̂ to angbongbo apö, la earə̂ kə̂ mbo azü la yûkü, la earə̂ kə̂ dro tchô. Praâbalë tche wûn nyonyo mê, bëte më wûn-âbo sə̂ arə ndə̂ më mbô rə̂ lâme-a, ndjë bëte më zâbo su mê sə̈ tchë-a.

Jâke 2:1

Arə̂mâ ndə̂ mê, nyënyê ndə̂ nyë zâ su nyê sə̈ Gbölö Gbïɛ̈ ndə̂ azə̂ Jezü Krîsiti ndə̂ a lusə̂ yê, âwâbo pä nyë sə dəndə̂ ngâ akrə balë-a.