Dokʉ̈ Körɛ̂nte 2:7 - Mbëtï Ndjapä: TÄFO MADƗ̈

⁷ Ârâ nyïsə̂ köbo ndə̂ küma Ndjapä wâ lanə̈, ndə̂ âwâ lə̂ küwû nə̈, ndə̂ tche vûsə̂ nə̈ tə̂ azü. Praâbalë dokʉ̈tchê ndə̂kə̂ pa Ndjapä mbo arə gbɛ̂, tche nyîkrə pö ndə̂ küma ndə̂ âwa lanə̈ lâme nə̂, ndə̂kə̂ pa azə̈ gbo kə̂ lusə̂tə̂ lə̂ köbosə̂ nə̈.

Dokʉ̈ Körɛ̂nte 2:7 Iomraidhean Croise

Matiyə̈ 11:25

Lo nə̈ lâme, Jezü tô rə̂ päkëdə̂: «Bha mê, Gbölö Gbïɛ̈ ndə̂ tchêlafô la tchêbêche, më zä ayîabâ sə̈ mö, bëte mo vüsə̂ rə lâme tə̂ azü ndə̂ küma andjê wâ lanə̈ la a-earə̂ kə̂ wunsə̂ rə, ânyë kə̈ nyîsə̂ nə̈ sə̈ akpîɛ̂kpîɛ̂ azü.

Matiyə̈ 13:35

Tche mbö rə̂ käko ndə̂kə̂ pa pö ndə̂ earə̂ ndə̂ma Ndjapä mbo gundə̂sə̂ nə̈. Tche tö rə̂ päkëdə̂: «Mê toadje pö sə̈ nyê lə̂ köbosə̂ andoka. Mê toadje pö ndə̂ arə ndə̂ âwâ wü, tə̂ lo nə̈ ndə̂ Ndjapä mbô tchîsûwu zoo ëtə̂ tchô angêta.»

Rômo 11:25

Arə̂mä, më nyïndə̂ nə̈ pä nyë wunsə̂ apö ndə̂ Ndjapä ndə̂ âwâ lə̂ küwû nə̈, ânyë kə̂ wun-abô tə̂ nyê wûn batə̂ a-earə̂ kə̂ wunsə̂ rə-ê. Angâ azü ndə̂ Isarayële âkoadje sə̂kə̂ dje tchə̂lə̂ pö zoo lo nə̈ ndə̂ adɨ̂ azü ndə̂ andjë wâbô wâtə̂ ajuîfu ka pu Ndjapä.

Rômo 8:29

Bëte azü ndə̂ Ndjapä ê andjê dokʉ̈tchê ndə̂kə̂ watə̂ azü ndə̂ yê, tche nyïkrə rə̂ tə̂ su yê dokʉ̈tchê ndə̂kə̂ mbo rə̂ ânyë andjë wa batə̂ nyîsɨ̂ Modô ndə̂ yê. Ndjapä mbö rə̂ käko ndə̂kə̂ pa Modô ndə̂ yê watə̂ âyä angbängbä azü.

Rômo 8:30

Azü ndə̂ Ndjapä nyîkrə rə̂ käko lə̂ su yê dokʉ̈tchê bëte andjê, tche ê ndjë andjê. Andjanə̈ ndə̂ tche ê andjê, tche mbô rə̂ ânyë andjë wâ ndjë adjîrə̂ azü lə̂ la yê. Ndə̂ andjë wâtə̂ adjîrə̂ azü lə̂ la yê, tche lüsə̂ andjê.

Dokʉ̈ Körɛ̂nte 2:1

Arə̂mä, mëmê la tə̂ mê ndə̂ më ê atə̂ndə̂ nyê alême ndə̂kə̂ mu apö ndə̂ Ndjapä ndə̂ âwâ lə̂ küwû nə̈, më mûâbo pö nə̈ lə̂ köbosə̂ agbôgbô pö âdəndjë lə̂ köbosə̂ küma mê ndə̂ âwâ lanə̈-a.

Ëfêze 1:4

Dokʉ̈tchê ndə̂kə̂ pa a mbo tchîsûwu, Ndjapä dɨ̈ azə̂ ndə̂kə̂ pa azə̈ wa balë la tchë ânyë azə̈ watə̂ azü ndə̂ andjë wâ ngbî ânyë kə̈ dâka gbɛ̂, ndə̂ pö wâbô wâ lə̂ küma andjê lə̂ la yê. Lə̂ köbosə̂ nə̈ ndə̂ Ndjapä nyîndə̂ azə̂,

Ëfêze 3:10

Käko angaâtə, lə̂ köbosə̂ Egilîze, arə gbɛ̂ ndə̂ âwâ lafô, ânyë kə̈ wâ la gbôgbô, la arə gbɛ̂ ndə̂ âwâ ndjë la kümändëmä wunsə̂ nə̈ pä, küma Ndjapä ndə̂ âwâ lanə̈ wä ngbî ngbî-ï.

Bïchuû Timotë 1:9

Tchetchë kä ndə̂ âtchâ azə̂, kə̈ ê azə̂ kə̈ kʉ̂ azə̂ ngbî bëte tchë lâme. Kə̂ e tchô nə̈ lâme wâbo lə̂ köbosə̂ kua ndə̂ azə̂-a, praâbalë äwä lə̂ köbosə̂ rə ndə̂ tche nyîkrə rə̂, la tchôtchô su yê. A zä tchôtchô su nə̈ lâme sə̈ azə̂, lə̂ köbosə̂ kə̂ wa balë la Jezü Krîsiti, dokʉ̈tchê ndə̂kə̂ pa a mbo arə gbɛ̂.

Aheborö 1:2

Praâbalë lə̂ adɨ̂ alö ndə̂ tchô angaâtə, tche tö pö sə̈ azə̂ lə̂ köbosə̂ Modô ndə̂ yê. Ndjapä mbö arə gbɛ̂ lə̂ köbosə̂ yê, tchetchë kä ndə̂ Ndjapä gbôtə̂ arə gbɛ̂ ëtchânə̂ yê ndə̂kə̂ watə̂ andə̂ ye nə̈.

Aheborö 11:3

Lə̂ köbosə̂ kə̂ za su sə̈ Ndjapä, azə̈ djë tchə̂lə̂ nə̈ pä, a mbö tchîsûwu lə̂ köbosə̂ pö ma yê. Âmbô rə̂ pä rə ndə̂ akrə wûn rə̂, ätö lə̂ köbosə̂ rə ndə̂ akrə wûn-âbô rə̂ wûn-î.

Dokʉ̈ Pîêre 1:11

Yingö ndə̂ Krîsiti kä lə̂ a-earə̂ ndə̂ma Ndjapä ânyë andjë nyïsə̂ nə̈ dokʉ̈tchê, pö ndə̂ yûkü ndə̂ Krîsiti wun-adje rə̂, ndjë lakə̂ lusə̂tə̂ ndə̂ tchê gboadje rə̂ ngbâ yûkü nə̈. Ädə̈ käko ânyë andjë sə̂ lakə̂ pu köbo gbɛ̂ ndə̂kə̂ wunsə̂ lö ndə̂kə̂ wutu ndə̂ arə nə̈ ndə̂ Yingö tô pö ndə̂nə̈ lâme, kə̈ pû ndjë köbo ndə̂kə̂ wunsə̂ nə̈ pä atöko kä ndə̂ arə nə̈ wûtu la rə̂?

Dokʉ̈ Pîêre 5:1

Më tö pö âtə ndə̂kə̂ za gbôgbô tə̂ su akpôkpô azü ndə̂ Egilîze ndə̂ andjë sə̂ lə̂ gbâtə̂ nyê. Mëmê ndjë gbɛ̂ më də̈ kpôkpô akrə batə̂ nyê. Yûkü ndə̂ Krîsiti wûn rə̂ alême, më wûn rə̂ la lala mê nə̂. Käko mê səadje lə̂kə̂ wa gbölö ndə̂ âwutuadje lâme.

Dokʉ̈ Pîêre 5:10

Yûkü ndə̂ nyê wun rə̂ lâme wä ndə̂ kpîɛ̂kpîɛ̂ lö. Praâbalë Ndjapä ndə̂ tche mbo tchôtchô su tə̂ azü, ndə̂ tche ê nyê ndə̂kə̂ sə lə̂kə̂ wa gbölö ndə̂ yê ndə̂ âwâ logbɛ̂ logbɛ̂ lə̂ köbosə̂ Jezü Krîsiti, tchê mboadje rə̂ la tə̂ yê ndə̂kə̂ pa nyë daka, kə̂ kpokpoadje nyê, ânyë ngâ rə balë goabô nyê gôâ-ê.

Bïchuû Pîêre 1:3

Lə̂ köbosə̂ gbôgbô ndə̂ yê, Gbölö Gbïɛ̈ Jezü kʉ̈ arə gbɛ̂ ndə̂kə̂ pa azə̈ sə la sə̂nə̈ lakə̂ zatə̂ azə̂ gbɛ̂ sə̈ Ndjapä. Käko Gbölö Gbïɛ̈ nə̈ nyïsə̂ Ndjapä ndə̂ tche ê azə̂ lə̂ köbosə̂ kə̂ wa gbölö ndə̂ yê la tə̂ yê la tchôtchô kua ndə̂ tche mbô rə̂.

Apökälîbïchi 13:8

Azü gbɛ̂ ndə̂ andjë sə̂ pâ cho vogadje tchë. Azü ndə̂ andjë voga tchë də̈ azü ndə̂ rə̈ andjê wâbô wâ lə̂ mbëtï ndə̂ tchîsûwu ndə̂ Ngbavö Ɛ̈bro-ngbaga, sə̂nə̈ ndə̂ a mbô tchîsûwu. Mbëtï nə̈ də̈ andə̂ Ngbavö Ɛ̈bro-ngbaga ndə̂ a wôn tchë.