Dokʉ̈ Körɛ̂nte 2:6 - Mbëtï Ndjapä: TÄFO MADƗ̈

⁶ Dëkë, ârâ nyïsə̂ köbo ndə̂ küma akrə wa lanə̈ sə̈ azü ndə̂ Krîsiti ndə̂ andjë dû lə̂kə̂ za su andjê sə̈ Ndjapä. Küma ndə̂ âwa lanə̈ lâme tôâbo pâ cho âtə-a, kə̈ tôâbo ndjë tə̂ a-earə̂ kümändëmä ndə̂ andjë wâ la gbôgbô pâ cho âtə-a. Arə lâme gbɛ̂ wä ndə̂kə̂ ndɨ̂ndɨ̈.

Dokʉ̈ Körɛ̂nte 2:6 Iomraidhean Croise

Matiyə̈ 13:22

Angâ azü wä batə̂ cho ndə̂ âwâ lə̂ chi, ânyë ndjî rəgʉ tû tâ. Andjë djë pö nə̈, praâbalë kə̂ dɨ su andjê pâ rə tchêbêche, la gʉ kə̂ gbo arə tchêbêche rôpâ pö Ndjapä nə̈ ânyë âlêâbô lê-ê.

Matiyə̈ 19:21

Jezü tô rə̂ sə̈ tchë päkëdə̂: «Âdə mo ânyində̂ kə̂ dâkâ gbɛ̂, amö gu, kə̂ ka arə gbɛ̂ ndə̂ mo wâ la rə̂, kə̂ kʉ makətche nə̈ sə̈ a-earə̂ yûkü, ânyë kə̂ gbo rə ngbânə̈ bhâ lafô. La tchêngbâ nə̈ mo nə ngbâ mê.»

Matiyə̈ 5:48

Äwäpä nyë watə̂ azü ndə̂ andjë dâka gbɛ̂, batə̂ Bha nyê ndə̂ tche sə̂ bhâ lafô ânyë kə̈ dâka gbɛ̂ lâme.»

Lûke 16:8

Gbölö akrə ndə̂ ngbongbo earə̂ kə̂ bata rə lâme gâmba tchë bëte tche mbö rə lâme la känyï. Bëte azü tchêbêche âtə wä la känyï lakə̂ mbo rə sə̈ angâ andjê lə̂ gbâtə̂ andjê, ârô azü ndə̂ Ndjapä ndə̂ andjë wâtə̂ azü ndə̂ ngbänga.»

Dokʉ̈ Körɛ̂nte 1:28

Rə ndə̂ azü pâ cho âtə wûn rə̂ batə̂ kpîɛ̂kpîɛ̂ rə, batə̂ rə ndə̂ akrə kosə̂ nə̈, batə̂ mbämbä rə, Ndjapä dɨ̈ rə̂ ndə̂kə̂ ndɨ tchə̂lə̂ rə ndə̂ azü wûn rə̂ batə̂ ngâ gbölö rə lə̂ la andjê.

Dokʉ̈ Körɛ̂nte 12:8

Yingö zä pö ndə̂ küma ndə̂ âwa lanə̈ sə̈ ngâ akrə, kə̈ zâ gbôgbô sə̈ ngânə̈ ndə̂kə̂ to pö lə̂ köbosə̂ kə̂ wunsə̂ rə.

Dokʉ̈ Körɛ̂nte 14:20

Arə̂mä, äwäpä kə̂ za küma nyê wabô wâ batə̂ andə̂ abechë-ê, âdə andə̂ kə̂ mbo ngbongbo rə âdə rə̂, ɛn-ɛn! Äwäpä nyë wa batə̂ ayɛ̈yɛ̈ abechë. Praâbalë âdə ârə̂ âwa ndə̂kə̂ za küma, äwäpä nyë za küma nyê batə̂ adjêdjena azü.

Dokʉ̈ Körɛ̂nte 2:1

Arə̂mä, mëmê la tə̂ mê ndə̂ më ê atə̂ndə̂ nyê alême ndə̂kə̂ mu apö ndə̂ Ndjapä ndə̂ âwâ lə̂ küwû nə̈, më mûâbo pö nə̈ lə̂ köbosə̂ agbôgbô pö âdəndjë lə̂ köbosə̂ küma mê ndə̂ âwâ lanə̈-a.

Dokʉ̈ Körɛ̂nte 2:13

Käko ârâ tôâbo pö lə̂ köbosə̂ küma azü ndə̂ âwa lanə̈ pâ cho âtə-a, praâbalë ârâ tö rə̂ lə̂ köbosə̂ nə̈ ndə̂ Kpɨ̂ki Yingö nyîsə̂ nə̈ sə̈ ârâ. Ädə̈ käko ânyë ârâ nyisə̂ rə ndə̂ Kpɨ̂ki Yingö la apö ndə̂ âtô bhândə̂ Yingö lâme.

Dokʉ̈ Körɛ̂nte 2:8

Ngânə̈ balë lə̂ gbâtə̂ a-earə̂ kümändëmä ndə̂ andjë wâ la gbôgbô pâ cho âtə wûn-âbo sə̂ pö pâ küma ndə̂ âwa lanə̈ lâme-a. Âdə andjê âwunsə̂ nə̈ alême, dëkë andjê won-abô Gbölö Gbïɛ̈ ndə̂ tche wâ la gbôgbô pâ yö ndə̂ gba tee-a.

Dokʉ̈ Körɛ̂nte 3:1

Arə̂mä, andə̂ me nə̈ më gbôâbo köbo ndə̂kə̂ to pö sə̈ nyê batə̂ rə̂ ndə̂ a to pö sə̈ azü ndə̂ andjë wâ la Kpɨ̂ki Yingö-a, praâbalë më tö pö sə̈ nyê kütû batə̂ rə̂ ndə̂ a to rə̂ sə̈ azü ndə̂ andjë wûn-âbô sə̂ Ndjapä wûn-î, la azü ndə̂ Krîsiti ndə̂ gbô andjê wâtə̂ abechë lə̂kə̂ za su sə̈ Ndjapä.

Bïchuû Körɛ̂nte 1:12

Bëte rə ndə̂ tə̂ ârâ krâ lə̂ köbosə̂ nə̈ wä kâkë: Kə̂ rɨ tchə̂lə̂ su ârâ nyïsə̂ nə̈ sə̈ ârâ pä ârâ sə̈ pâ cho âtə la grôgrô su. Ârâ sə̈ ndjë käko lakə̂ mbotə̂ ârâ kpîɛ̂kpîɛ̂ rə̂ lə̂ la nyê, ndjë lə̂ köbosə̂ lëge pö. Âdə̂âbo lə̂ köbosə̂ küma akrə ndə̂ âwâ lanə̈-a, praâbalë lə̂ köbosə̂ tchôtchô su ndə̂ Ndjapä.

Bïchuû Körɛ̂nte 13:11

Ndə̂kə̂ ka ndə̂ pö nə̈ arə̂mä, nyë wä la mômô! Nyë pu köbo ndə̂kə̂ daka gbɛ̂. Nyë zä wängö lə̂ gbâtə̂ nyê la angâ nyê, nyë djëtə̂ nyê lə̂ gbâtə̂ nyê, kə̂ sə la zɨtɨ su, ânyë Ndjapä ndə̂ tche nyîndə̂ azü, ânyë kə̂ za zɨtɨ su sə̈ andjê, tchê səadje la nyê.

Bïchuû Körɛ̂nte 4:3

Âdə Tchôtchô Pö ndə̂ ârâ mû rə̂ âwa tchâkabû, äwä tchâkabû bëte azü ndə̂ köbo andjê yû.

Bïchuû Körɛ̂nte 4:4

Andə̂ andjanə̈ ndə̂ andjë kôsə̂ kə̂ za su andjê sə̈ Ndjapä, ndjapä ndə̂ tchêbêche gʉ̈ä kə̂ wunsə̂ rə ndə̂ andjê, ndə̂kə̂ pa andjë wun-abô ngbänga Tchôtchô Pö ndə̂ Krîsiti wûn-î, ndə̂ âdə̂ nyîsɨ̂ Ndjapä.

Ëfêze 2:2

Nyë mbö rə alême batə̂ kə̂ mbo rə ndə̂ azü tchêbêche atə̂, kə̈ djê ma makündji ndə̂ angbongbo atchozö, ndə̂ tche sə̂ lə̂ gûtə̂ tchêbêche la tchêlafô, tchetchë kä âkə̂ mbo rə̂ angaâtə lə̂ su azü ndə̂ andjë kôsə̂ pö ma Ndjapä.

Kölôse 1:28

Pö ndə̂ yê kä ndə̂ ârâ mu rə̂ sə̈ azü. Ârâ krä tü andjê ndjë lakə̂ nyisə̂ rə sə̈ andjê balë balë gbɛ̂ lə̂ köbosə̂ küma ndə̂ âwâ lanə̈, ânyë akrə balë balë ge lə̂ Kpɨ̂ki Yingö lakə̂ wa balë la Krîsiti.

Kölôse 4:12

Ëpäfrâse, ngâ akrə ndə̂ nyê, pô ndə̂ nyê nə̂, tche də̈ earə̂ kua ndə̂ Jezü Krîsiti, gbô tche kä lakə̂ mbo kʉ̈ʉ̈ tə̂ pö ndə̂ nyê. Tche kä lakə̂ yukû nə̈ sə̈ Ndjapä ndə̂kə̂ pa nyë krʉ ndjii-ï, kə̂ kpökpo tə̂ nyê, kə̂ daka gbɛ̂ lə̂ köbosə̂ Yingö ânyë kə̂ sə tchêtchêtchê logbɛ̂, ndə̂kə̂ mbo rə ndə̂ su Ndjapä nyîndə̂ nə̈.

Aheborö 5:14

Kɨ̈zɨ̂ ndə̂ âkpôkpö wä bëte anênegbe azü, bëte lə̂ köbosə̂ kə̂ mbo arə ndə̂ andjê, tchə̂lə̂ la andjê krä ndə̂kə̂ wunsə̂ kə̂ krʉ tchə̂lə̂ tchôtchô rə la ngbongbo rə.

Aheborö 6:1

Käko äwäpä azə̈ dje tchêngbâ azə̂ tə̂ adokʉ̈ apö ndə̂ azə̈ mânda rə̂ alême pâ Krîsiti, kə̂ manda pö ndə̂ âwâ bëte anênegbe azü. Azə̈ kä kâbô kâ pâ dokʉ̈ kə̂ nyisə̂ rə ndə̂ âtô pö ndə̂kə̂ gbotə̂ bəndɨ kə̂ mbo rə ndə̂ âe la azə̂ pu kuzü, la pö ndə̂kə̂ za su sə̈ Ndjapä,

Jâke 3:15

Ngoa küma ndə̂ âwa lanə̈ käko lâme tôâbo bhâ lafô-a, ätö kpô bêche âtə, ätö lə̂ köbosə̂ akrə, ätö bhândə̂ Jâbolo.

Jâke 3:2

Bëte azə̈ gbɛ̂ mbö ngbongbo rə tə̂ gbölösə̂nə̈. Âdə ngâ akrə âtchabô ma yê tchâ lakə̂ to pö-ê, dëkë tche wätə̂ akrə ndə̂ tche dâka gbɛ̂, tche də̈ akrə ndə̂ tche kʉ̂sə̂ kə̂ bata tə̂ yê gbɛ̂.

Dokʉ̈ Pîêre 5:10

Yûkü ndə̂ nyê wun rə̂ lâme wä ndə̂ kpîɛ̂kpîɛ̂ lö. Praâbalë Ndjapä ndə̂ tche mbo tchôtchô su tə̂ azü, ndə̂ tche ê nyê ndə̂kə̂ sə lə̂kə̂ wa gbölö ndə̂ yê ndə̂ âwâ logbɛ̂ logbɛ̂ lə̂ köbosə̂ Jezü Krîsiti, tchê mboadje rə̂ la tə̂ yê ndə̂kə̂ pa nyë daka, kə̂ kpokpoadje nyê, ânyë ngâ rə balë goabô nyê gôâ-ê.