Dokʉ̈ Körɛ̂nte 2:4 - Mbëtï Ndjapä: TÄFO MADƗ̈

⁴ Pö ndə̂ mê lakə̂ nyisə̂ rə ndə̂ mê wâbo tə̂ atchôtchô pö lə̂ köbosə̂ küma akrə ndə̂ âwâ lanə̈-a. Praâbalë Kpɨ̂ki Yingö kä ndə̂ ânyîsə̂ nə̈ la gbôgbô pä pö nə̈ wätə̂ lëge nə̈.

Dokʉ̈ Körɛ̂nte 2:4 Iomraidhean Croise

Abadjângele 20:27

Tə̂ lëge nə̈, arə ndə̂ Ndjapä nyikrə rə̂ dokʉ̈tchê, më nyîsə̂ nə̈ nə̂ gbɛ̂ sə̈ nyê, kə̈ vûâbo sə̂ ngâ rə balë-a.

Abadjângele 26:28

Agripä tô rə̂ sə̈ tchë päkëdə̂: «Mo wüntî pä mo âmbo mê tə̂ akrə ndə̂ Krîsiti gasa käko-ë?»

Rômo 15:13

Ndjapä mbö rə̂ tə̂ su andjê ndə̂kə̂ krʉ bëte rə ndə̂ tche tô pö ndə̂nə̈; äwäpä tche mbo rə̂ ânyë su nyê sɨ̂sɨ̈ la mômô ndjë la zɨtɨ su lə̂ köbosə̂ su nyê ndə̂ nyë zâ rə̂ sə̈ Jezü. Käko lə̂ köbosə̂ gbôgbô ndə̂ Kpɨ̂ki Yingö, nyê ndəpo lakə̂ za su nyê pâ yê logbɛ̂.

Rômo 15:19

ndjë lə̂ köbo gbôgbô ndə̂ akpɨ̈ngbɨ̈ rə la arə ndə̂ âropâ küma azü ndə̂ Yingö ndə̂ Ndjapä mbô rə̂. Käko ndə̂kə̂ to bhâ Jerûzalêmo ndjoa lə̂ gö ndə̂ Ilirï, më rö lakə̂ mu Tchôtchô Pö ndə̂ Krîsiti sə̈ azü.

Rômo 16:18

Bëte azü nə̈ lâme mbôâbo kua ndə̂ Krîsiti Gbölö Gbïɛ̈ ndə̂ azə̂-a. Praâbalë andjë pü kütû kɨ̈zɨ̂ tchə̂lə̂ andjê. Atchôtchô pö la apö ndə̂ âfû wütu lə̂ ma andjê ndə̂kə̂ bolo azü ndə̂ tchə̂lə̂ la andjê krâbô krâ-ê.

Dokʉ̈ Körɛ̂nte 1:17

Bëte Krîsiti wân-âbo mê ndə̂kə̂ pa më za batɛ̂me sə̈ azü-a, praâbalë tche wän mê ndə̂kə̂ mu Tchôtchô Pö. Âwâbo lə̂ köbosə̂ küma ndə̂ âwa lanə̈ kä ndə̂ mê mu pö nə̈ la rə̂-a, ânyë kuzü Krîsiti pâ yö ndə̂ gba wabô wâtə̂ mbämbä rə-a.

Dokʉ̈ Körɛ̂nte 2:1

Arə̂mä, mëmê la tə̂ mê ndə̂ më ê atə̂ndə̂ nyê alême ndə̂kə̂ mu apö ndə̂ Ndjapä ndə̂ âwâ lə̂ küwû nə̈, më mûâbo pö nə̈ lə̂ köbosə̂ agbôgbô pö âdəndjë lə̂ köbosə̂ küma mê ndə̂ âwâ lanə̈-a.

Dokʉ̈ Körɛ̂nte 2:13

Käko ârâ tôâbo pö lə̂ köbosə̂ küma azü ndə̂ âwa lanə̈ pâ cho âtə-a, praâbalë ârâ tö rə̂ lə̂ köbosə̂ nə̈ ndə̂ Kpɨ̂ki Yingö nyîsə̂ nə̈ sə̈ ârâ. Ädə̈ käko ânyë ârâ nyisə̂ rə ndə̂ Kpɨ̂ki Yingö la apö ndə̂ âtô bhândə̂ Yingö lâme.

Dokʉ̈ Körɛ̂nte 4:20

Bëte Gbölö gö-gbïɛ̈ ndə̂ Ndjapä wâbo lə̂ köbosə̂ apö-a, praâbalë äwä lə̂ köbosə̂ kə̂ mbo rə la gbôgbô ndə̂ Ndjapä.

Bïchuû Körɛ̂nte 6:6

Ârâ nyï ndjë sə̂nə̈ pä ârâ də̈ alëge a-earə̂ kua ndə̂ Ndjapä lakə̂ sə ndə̂ ârâ la grôgrô su, lə̂kə̂ wunsə̂ rə, lakə̂ rʉatə̂ su ârâ, lə̂ dâkâ ndə̂ ârâ, lə̂ köbosə̂ Kpɨ̂ki Yingö, lə̂ köbosə̂ lëge kə̂ nyində̂ angâ ârâ lə̂ gbâtə̂ ârâ,

Gälâte 1:10

Bëte angaâtə, më pü köbo ndə̂kə̂ mbo tchôtchô rə lə̂ la azü âdəndjë lə̂ la Ndjapä? Më pü köbo ndə̂kə̂ wa djîrə̂ lə̂ la azü? Âdə mê âpu köbo ndə̂kə̂ daka lə̂ la azü, dëkë mê kä wa bata tə̂ earə̂ kua ndə̂ Krîsiti tee-a.

Kölôse 2:4

Më tö apö âtə sə̈ nyê ndə̂kə̂ pa akrə balë boloabô nyê bôlo la ngâ tchôtchô pö-ê.

Dokʉ̈ Tësälönîke 1:5

Bëte Tchôtchô Pö ndə̂ ârâ mû rə̂ sə̈ nyê, âdə̂âbo kütû mbämbä pö lə̂ ma-a, praâbalë ârâ mü rə̂ la gbôgbô ndjë lakə̂ za könô ndə̂ Kpɨ̂ki Yingö. Ârâ wünsə̂ nə̈ bhâtə̂ su ârâ pä pö ndə̂ ârâ mû rə̂ lâme wätə̂ lëge nə̈. Nyë wûnsə̂ köbo ndə̂kə̂ sə ndə̂ ârâ lə̂ gbâtə̂ nyê nə̂, ârâ mbö tâ käko ndə̂kə̂ za könô sə̈ nyê.

Dokʉ̈ Pîêre 1:12

Ndjapä nyïsə̂ nə̈ sə̈ andjê pä, pö nə̈ wâbo bëte andjê la tə̂ andjê-a, praâbalë äwä bëte nyê. Pö nə̈ kä ndə̂ a-earə̂ kə̂ mu Tchôtchô Pö sə lakə̂ to rə̂ sə̈ nyê angaâtə, lə̂ köbosə̂ Kpɨ̂ki Yingö bhâ lafô ndə̂ a wân tchë. Pö nə̈ lâme, aânje wä la gʉ ndə̂kə̂ wunsə̂ nə̈.

Bïchuû Pîêre 1:16

Tə̂ lëge nə̈, âwâbo lə̂ köbosə̂ ndə̂ma tro, la apö ndə̂kə̂ rɨ̈ tchə̂lə̂ küma azü kä ndə̂ ârâ nyîsə̂ kə̂ ka ndə̂ Gbölö Gbïɛ̈ ndə̂ azə̂ Jezü Krîsiti la gbôgbô-a, praâbalë ârâ wün kə̂ wa gbölö ndə̂ yê la lala ârâ.

Bïchuû Pîêre 2:18

Apö ndə̂ andjë sə lakə̂ bhi gogo andjê lakə̂ to rə̂ wä kütû tə̂ avôvôo apö. Lə̂ köbosə̂ angbongbo gʉ su andjê la arə ganô ndə̂ andjê, andjë mbö rə̂ pä azü ndə̂ andjë wûtu anganga lə̂ gbâtə̂ a-earə̂ ngbongbo rə, te lə̂ gbânda ndə̂ andjê.