Dokʉ̈ Körɛ̂nte 2:15 - Mbëtï Ndjapä: TÄFO MADƗ̈

¹⁵ Akrə ndə̂ tche wâ la Kpɨ̂ki Yingö, tche wünsə̂ kə̂ krʉ tchə̂lə̂ tchôtchô rə la ngbongbo rə gbɛ̂, praâbalë ngâ akrə balë ndə̂ tche wâ ndə̂kə̂ to ngâ pö pâ yê wâbo-a.

Dokʉ̈ Körɛ̂nte 2:15 Iomraidhean Croise

Jâan 7:17

Akrə ndə̂ tche nyîndə̂ kə̂ mbo rə ndə̂ su Ndjapä nyîndə̂ nə̈, tchê wun-adje sə̂nə̈ pä rə ndə̂ mê nyisə̂ nə̈, tö bhândə̂ Ndjapä, âdəndjë rə̂ ndə̂ mëmê kä ndə̂ âto pö ndə̂ mê la tə̂ mê.

Abadjângele 16:3

Pôlo nyîndə̂ kə̂ ro la tchë potə̂ yê, käko tche wâ tchë la gasa bëte ajuîfu gbɛ̂ ndə̂ andjë sə̂ bhâye wûnsə̂ nə̈ nə̂ pä bha nə̈ də̈ gerêke.

Dokʉ̈ Körɛ̂nte 14:37

Âdə ngâ akrə âwuntî pä anyë də̈ earə̂ ndə̂ma Ndjapä, âdəndjë akrə ndə̂ tche wâ la Kpɨ̂ki Yingö, äwäpä tche wunsə̂ nə̈ lə̂ pö ndə̂ më mbô rə̂ sə̈ nyê âtə pä agbôgbô pö ma Gbölö Gbïɛ̈ kä.

Dokʉ̈ Körɛ̂nte 3:1

Arə̂mä, andə̂ me nə̈ më gbôâbo köbo ndə̂kə̂ to pö sə̈ nyê batə̂ rə̂ ndə̂ a to pö sə̈ azü ndə̂ andjë wâ la Kpɨ̂ki Yingö-a, praâbalë më tö pö sə̈ nyê kütû batə̂ rə̂ ndə̂ a to rə̂ sə̈ azü ndə̂ andjë wûn-âbô sə̂ Ndjapä wûn-î, la azü ndə̂ Krîsiti ndə̂ gbô andjê wâtə̂ abechë lə̂kə̂ za su sə̈ Ndjapä.

Dokʉ̈ Körɛ̂nte 4:5

Käko âwâbo pä nyë wa ngbanga lə̂ küma akrə dokʉ̈tchê ndə̂kə̂ pa lo nə̈ wutu-a. Nyë krʉ̈ bëte Gbölö Gbïɛ̈, tche ka ânyë. Tchetchë kä ndə̂ âwutuadje la rə ndə̂ âwâ lə̂ küwû nə̈, lə̂ bübü tchô kə̂ za rə̂ ësûwu. Tchê nyiadje sə̂ rə ndə̂ âwâ bhâlə̂ su azü kraâ lə̂ la azü gbɛ̂. Käko Ndjapä gambadje akrə balë balë gundə̂sə̂ kua ndə̂ tche mbô rə̂.

Gälâte 6:1

Arə̂mä, âdə nyë âgbo ngâ akrə lakə̂ mbo ngbongbo rə, nyënyê ndə̂ Kpɨ̂ki Yingö wâ lə̂ nyê, äwäpä nyë ka la tchë pâ tchôtchô köbo tə̂ nyima nə̈. La zə̈ gbö-ê! Ânyë momö ndjë gbɛ̂ ngâ rə vuabô mö vû ndə̂kə̂ pa mo te lə̂ ngbongbo rə-ê.

Fïlîpe 1:10

ânyë nyê wunsə̂ rə ndə̂ âwâtə̂ tchôtchô nə̈ la rə ndə̂ âwâtə̂ ngbongbo nə̈. Käko nyê wadje tə̂ azü ndə̂ andjë grô gbɛ̂, ânyë tə̂ lo kə̂ ka ndə̂ Krîsiti, ngâ pö wabô wâ lə̂ küma nyê-ê.

Kölôse 1:9

Bëte rə̂ kä ndə̂, kə̂ to tə̂ lo nə̈ ndə̂ ârâ djê pö lâme, ârâ gbôâbo tə̂kə̂ to pö sə̈ Ndjapä bëte nyê-a. Ârâ yükû nə̈ sə̈ Ndjapä ndə̂kə̂ pa tche mbo rə̂ ânyë nyë wunsə̂ apö gbɛ̂ ndə̂ su yê nyîndə̂ nə̈, kə̂ wunsə̂ rə gbɛ̂ lakə̂ wunsə̂ dju arə ndə̂ Yingö ndə̂ yê kʉ rə̂ sə̈ azü.

Dokʉ̈ Tësälönîke 5:21

Praâbalë nyë wün tchə̂lə̂ apö nə̈ gbɛ̂ djîrə̂, kə̂ bata anə̈ ndə̂ âdâka,

Aheborö 5:14

Kɨ̈zɨ̂ ndə̂ âkpôkpö wä bëte anênegbe azü, bëte lə̂ köbosə̂ kə̂ mbo arə ndə̂ andjê, tchə̂lə̂ la andjê krä ndə̂kə̂ wunsə̂ kə̂ krʉ tchə̂lə̂ tchôtchô rə la ngbongbo rə.

Dokʉ̈ Jâan 2:20

Âdə andə̂ nye nə̈, nyë gbô Kpɨ̂ki Yingö ndə̂ Krîsiti zâ tchë sə̈ nyê nə̂, ânyë nyënyê gbɛ̂, nyë wûnsə̂ lëge pö nə̂.

Dokʉ̈ Jâan 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë gämbabô pö ndə̂ azü ndə̂ andjë to rə̂ pä anyë kä la yingö lâme gâmba-ê. Praâbalë äwäpä nyë wun kə̂ sə ndə̂ andjê, lakə̂ mbo rə ndə̂ andjê. Käko nyê wunsə̂ nə̈ pä yingö ndə̂ âwâ lə̂ andjê lâme tö bhândə̂ Ndjapä, bëte angbängbä a-earə̂ ndə̂ma Ndjapä ndə̂ yepa zâ tchêbêche nə̂ gbɛ̂.